| home | messy words | thru the lens | exif | dream | miscellaneous | you say |
 |
| 2.0.0.8
| 2.0.0.7
| 2.0.0.6
| 2.0.0.5
| 2.0.0.4
| 2.0.0.3
| 2.0.0.2
| 2.0.0.1
| 2.0.0.0
| 1.9.9.9 |
1999年3月31日 19:59 今天沒有上學, 留在家中, 受那「渴睡症」的折磨....... 話說, 阿蓆早上十點半起身, 但十一點半又再入夢, 到下午一時才起來吃午飯, 到二時半又不敵周公的呼喚, 又一次去跟佢老人家下祺, 直至下午五時許才醒來...... 就是這樣, 今天的時間很「唔見駛」. 正因為咁唔見駛, 所以, 現在又要努力做野了. 值得 1999年3月31日 01:00 (清涼) 「真係煩!!???!!」今天整天也講著這話.......... 哈哈 今天本是day-off, 又出了去, 咁又一天了, 是否浪費時間?? 一點也不是, 因為是開心的. 1999年3月29日 00:20 (清涼) 今天嘛, 不知怎麼說才好, 倒不如不說. 那麼, 留待你們自己去想想我今天怎樣吧!!!!!! 1999年3月28日 00:18 (開始下雨, 而且有風) 忽然間, 很想念已過身的公公與婆婆. 記得以前, 經常到粉嶺去探他們, 每次公公都會特別地為我們泡製一餐豐富的晚餐, 非常的好吃, 因為他以前曾在酒樓當廚師的. 他也知我們愛吃甚麼, 尤其是我, 只要我話好吃的, 他一定會為我煮, 因為, 他最疼的是我. 婆婆也一樣的疼我. 最記得的, 是當公公真的病了, 他還不忘我愛吃甚麼, 跟平時一樣的為我煮.......... 他知我愛吃甚麼, 我知他愛吃甚麼嗎? 當然知!! 那就是: 與我們一起吃他自己弄的菜..... 只要是與我們一起吃的, 他便開心. 無法忘記他經常一邊吃, 一邊喝酒, 通紅的臉, 充滿笑容, 在談談自己的往事, 發表自己的「威水史」, 間中也在大家面前拋書包呢!! 我還記得他考我說的「英文」. 有時, 我都覺得我有點似公公, 一樣的「大駛」、一樣的「任性」. 如果你現在見到我, 你會說跟我說甚麼呢? 真的想念你們, 你們現在如何?? 還像以前般整天都以「互疾」來溝通嗎? 1999年3月27日 00:37 阿蓆捱了這麼多晚, 終於都病倒了............. 我放學回家吃完飯, 一睡便睡到現在了... 叫我飲多o的水?? 放心, 我會的. 近來的測驗, 可以說「全軍覆沒」, 嘩!!! 咁你點算??? 放心, 在往後的日子, 這種情不會再發生, i promise, 信我!! 不過, 付出了這些, 換回來的, 都是值得的, i think! 1999年3月25日 10:11 阿蓆, 做了廿年人, 為何你總是拖拖拉拉?? 1999年3月25日 03:57 (呆坐了很久) 傻? 沒人比我更傻! 為甚麼? 1999年3月24日 02:43 (涼) 今天發生了很多事, 真是意料不到, 唉............ 明天要test了, 繼續溫書 1999年3月23日 10:28 (好涼, 天陰) 唉.......... 唉.............. 唉................................................ 1999年3月21日 (下著雨) 昨天沒有寫黑板, 用了寫作的時間來看了一齣電影──去年煙花特別多, 出乎意料地好, 我很欣賞陳果的表達手法, 大眾得來, 又不賣弄, 真係正!!! 有機會的話, 真要看看陳果其他的作品!! 昨天的「會計」測驗, 唉, 真係一點也「不會計」, 又要墊底了!! 算啦, 下回再努力啦!! king's 的 open day如何? 同過去的差不多, 但, 我同子祺都有同一感覺, 就係好像欠了以往的生氣. 可能今年要提早完成, 所以沒有了以前那種趕工的感覺啦, 所以有少少唔同啦! 今天終於得閒去剪頭髮了, 剪成點? 同以前沒甚麼分別呀!!!! 1999年3月19日 23:51 (又濕又熱) 今天回了英皇看一年一度的open day, 感覺如何? 留待遲點才跟大家分享, 因為實在太多東西要做了, 明天要test account........... 灰呀, 未讀的還有很多呢! 1999年3月18日 01:40 (濕) 倦!! 頭痛!! 眼痛!! 明天又要由早上八點半上到下午的五點二十分, 唉..... 真慘!! 個頭真係好痛, 明天再寫. 1999年3月17日 01:23 (有少少雨) 今天雖然是day-off, 但都回了city, 做甚麼? 主要是想print notes. 今晚同阿潛去了食飯, 那間茶餐廳真係唔錯, 亦不太貴!! 好! 今晚阿潛講了一句好「正」的東西, 真係驚喜之作, 嘻嘻......... 亦是有味之作, 所以, 不便在此供諸同好, 如果想知, send個mail俾我啦!!! 我一定樂意作答. 1999年3月15日 10:47 (朝早凍, 下午熱, 現在涼) 有些在身邊發生的東西, 真想知道為何會這樣!!! 第一個想知道的是: 知己真的這麼難找嗎? 今天見到有兩個朋友聚會 (並不包括我), 我只是旁觀, 但, 他們的談話內容, 令我非常之懷疑, 人的年紀長了, 就只能有這樣表面的朋友了嗎?? 話題總是那麼的表面!!! 第二個問題是: 有些人為何總是拒絕長大? 從外表看, 他是一個非常成熟的人了, 但, 發覺, 他的待人處世, 跟一個小朋友無異. 到底是小孩的年代太過可愛, 還是大人的世界他接受不來????? 第二個問題是: 為何有些人總是不顧別人的感受?? 對於家人, 我一向都相當之容忍, 但, 為何他們總要對我講這樣難聽的話?? 可能他們知道我不喜歡聽那些東西, 但, 為何總要用這些說話當作對我的攻擊?? 為何總要我難受你們才安樂呢? 若你們以為這樣令我不開心後, 你們是勝了一仗的話, 你們真的錯了, 因為這你們講了這些東西後, 我只是不想再跟你們講下去吧!!!! 誰對誰錯??? 哈哈哈.......... 1999年3月14日 11:39 (潮濕得很) 昨晚所寫的diray真係唔知寫乜, 因為飲酒飲到不太清醒, 好想delete了它, 但好好羞羞, 那些都是當時想寫的東西, 算數啦!!!! 有人對我話:「......唔通好似你咁, 成日都嘻嘻哈哈咩??」 唔通我真係嘻嘻哈哈得到那麼壞的程度?? 我都知架喇, 我成日都講笑, 但, 我唔想咁悶嘛..... 不過, 可能真有點過份...... 改囉!!! 今天好潮濕, 唔知會唔會影響手提的接收呢? 因為今天個手提收得好有問題, 在KING'S門口可以取不到線, 在一些無可能收不到的地方居然NO SERVICE!!!!! 唔知係咪那些water vapour阻住了那些EM Wave, 哈哈哈..... 好似好專家咁喎........ 今天去問過printer的價, 都算affordable....... 睇o下幾時去搞掂佢啦!! 1999年3月14日 05:04 (仍然online) 今晚見過A HO, 講到英皇中人的文化及如何去Adapt, 講真, 真係好難, 因為裏面的social value真係好唔同.... 飲酒這樣東西, 真係少飲怡情.... 第日都係唔好飲咁多!!! 1999年3月14日 03:22 (仍是涼及潮濕) 電腦仍在download software......... 哥哥仍未回家........ 爸、媽仍在熟睡....... 而我, 仍是那樣的坐在電腦前, 寫我的黑板!! 但有甚麼好寫??? 我也不知. 只知道, 真的倦透. 千千萬萬樣不同的東西等著我去做, 但我...... 我仍是不太想去做, 照舊的坐在電腦前, 等待喔噢的來臨...... 阿蓆, 繼續的等吧!! 1999年3月12日 21:55 (氣溫驟降) 昨晚五時許才去訓, 又一次證明了: 入了大學就冇好日子過!!! 有時真係好想知道, 這樣忙的日子何時才會好過些!! 一切都似乎好得很, 但, 看真點, 全都是非常表面.... 真係唔知點..... 就連自己開心的感覺都好像好虛模........ 可能自己唔夠訓時會胡思亂想的緣故吧! 今天終於都找到了王菲的新碟, 現在聽緊, 真係好正!!! 1999年3月12日 00:47 (潮濕) 好眼訓呀, 但又要做埋o的野先至可以去訓, 算啦, 今晚都係同周公冇乜緣架喇!! 今日animy忽然叫我個中文名──謝國明, 嘩, 在第一時間已作出了反應, 真係conditional reflex呀!! 真係好耐有人咁樣叫過我了, 有人咁叫我, 真係好開心!! 咁耐以來, 別人都是叫我的真名, 或者花名, 直至上了大學, 別人才叫我edmond. 咁, 到底我喜歡別人點樣叫我?? 講真, 我最喜歡別人叫我做「阿蓆」, 點解? 可能是習慣了吧!! 又可能是因為這個名夠等別啦!! 但無論如何, 我都相當喜歡別人叫我做「阿蓆」. 咁真名呢? 我不喜歡嗎? 當然不是不喜歡啦!! 只是, 如果次次都叫我的真名, 好像有點兒陌生的感覺吧. 小時候, 我曾經不喜歡這個名字..... 但都是因為一些幼稚得可愛的原因, 不足一提, 哈哈!!! 那麼..... 英文名字呢? edmond都不錯吧!! 不喜歡嗎?? 不是不喜歡, 只是, 如果有得給我選擇的話, 我想別人叫我「阿蓆」. 可能到現在還不太習慣, 又可能因為有太多叫這個名字了, 又不夠特別...... 如果你叫我做edmond, 我當然歡迎啦!! 朋友嘛!! 但, 可否......... tune過去叫我做「阿蓆」呀??? 所以, 我在icq的nickname叫做「Edmond 蓆」, 這是一個合體, 我鐘意嗎?? of course, why not???? 但係, 咁咪好似冇o左我自己真正的姓氏?? 算啦, 個「蓆」字都係由「謝」變出來之嘛, 咪一樣!!!!! 1999年3月11日 01:46 (涼) 真係命運的嗎? 所有東西都是上天注定的嗎? 近來的遭遇, 令我覺得, 身邊所發生的事, 都是冥冥中注定的! 會有這麼多的巧合嗎? 不是吧! 那麼, 我們能決定自己的命運嗎? 我相信可以的, 但, 只是有限... 三分天注定、七分靠打拼, 愛拼才會贏!!!! 1999年3月10日 00:09 (潮濕) 王菲 早幾天都不太得閒去寫這版diary, 今天是day-off, 就寫番早兩日未寫的東西吧!! 星期六的街上會有人賣旗這事, 很多香港人都知道, 亦有很多人買過, 我亦不例外, 但從未試過好似上個星期六買得咁願意, 點解? 因為賣給我的人是一個「英皇仔」, 最初見到他在賣旗, 心中已在盤算他會否叫我買呢? 結果, 當我走到他身旁時, 他笑容燦爛的問我:「買旗嗎?」感覺是多麼的親切!! 尤其我以前曾跟他一樣, 在街上花上一個早上, 去叫路人買旗. 他簡單的一句「買旗嗎」已足夠叫我掏腰包去買下他手上所有的旗了!!! 這幾天才知道陳盈光得到Linguist of the year, 點解咁遲先知? 因為佢好自豪咁同我講囉!! 本來我都唔會知道的, 但, 佢真係好hard sell咁同我講, 我都冇理由會唔知!! 不過, 我的感覺是: 佢又來了!!! 自豪是很難避免的, 但這樣的跟別人說, 真係幾gap, 起碼king's內的人不太接受啦! 你就快要入u了, 仲係咁?? 1999年3月9日 01:06 (平凡的一晚) 今日做過些甚麼? 真係非常之平凡的一日. 雖說平凡, 但這是屬於忙碌的平凡. 平凡的生活, 到底是好還是不好? 真係唔知....... 當你忙到想死時, 你會覺得得閒是好; 同樣地, 當你成日都活在不規律的生活中, 你會覺得平凡是好. 總之得不到的會比自己的好! 部電腦好似有virus, 所以又有排搞了, 灰....... 都係多得Natalie, 你去死啦!!! 1999年3月8日 01:20 (潮濕) 有時真覺得, 如果自己不太清楚某些東西會比較好.......... 「蠢」可能會是快樂的, 起碼不會因為知道一些事而不快!! 當未能看透別人時, 在埋怨; 知道後, 又唔開心... 還是任由所有事都自然去發展吧!! 今天去了青松觀, 得個去字, 沒有特別的收穫!! 不過今天買了CD、POSTER、Organiser的活頁, 對很多人來說不是甚麼, 但真的不錯啊!! 這已夠我去滿足一下了. 可能我之前想買, 但沒有時間, 又沒有錢去買, 所以現在買了回來, 都相當滿足! 又可能我享受去搵那些東西的過程吧!!!! 果然, 知足常樂.......... 我應唔應該install ICQ99??? 好多人都用了, 但, 始終都不太想....... 1999年3月7日 03:08 (清涼) 剛剛回家不久, 但在回家的路上, 居然給一個警察截停, 查身份証之餘, 還搜了身. 雖然不至於要拍埋牆搜身, 但佢係咁拍我的褲袋, 我講的東西又唔多信, 真係灰....... 這次是第一次俾差人搜身, 唔通我真係咁樣衰? 抑或是佢地太得閒, 搵我來當作娛樂... 不過, 我發覺佢地搜得不太清楚, 因為我有一個袋有一大包紙巾, 佢都唔發覺, 香港的驚察真係唔掂!!! 真係太倦了, 明天再寫吧!! 1999年3月5日 23:50 (....) 昨晚再一次沒有去updtae這版了, 因為........ 唔得閒!! 明天是account的re-exam了, 但....... 死梗!! 仲要有少少病, 真灰!!! 1999年3月3日 20:57 (熱) 「好勝」這個詞總帶著點負面的意思...... 勝利似乎是人人都想得到的東西, 有誰會說自己甘願當失敗者? 而問題就在於你怎樣去看自己的成敗得失..... 你能接受自己不是勝利者嗎? 一切一切的問題, 都決定了你對勝利的看法, 亦即是你是否好勝. 最近發現有個人相當好勝, 做任何的事、任何的決定都與「好勝」有關, 那人是誰?? 小弟也!!! 小弟是誰?? 阿蓆也!!!!!
原本不用上學的今天, 但因一時多手, 報了今天的文化講助, 只好回到老遠的城大, 幸好那個講助不太悶蛋. 有時真想問問自己, 為甚麼會把自己弄到這麼忙? 你真的有這麼多的東西要去做嗎? 為甚麼連雞毛蒜皮的小事都要落手落腳去做呢? 可能答案相當簡單: 睇唔過眼!! 開始有病的感覺了, 成日打噴嚏, 希望今次不會有事啦!! 1999年3月1日 21:32 (獨立日) 手提電話用戶的大日子──獨立日己到了, 可能有很多人會在這個時候轉台, 但我不會了, 只因預繳!! 今天報章上看到以下的報道, 節錄自明報, 不為甚麼, 只想跟大家共勉........ 來自菲律賓的Rardy以近兩小時才跑畢十公里, 但他衝線時仍羸得全場掌聲, 因為Rardy右腿傷殘裝上了義肢, 仍咬實牙關完成賽事。傷殘沒有令Rardy放棄運動, 相反, 他日後仍會跑下去, 因為跑步令他不會遺忘失去了的一條右腿。 1999年2月28日 21:05 (和暖) 遲到係咪好乞人憎? 咁我都覺得係, 所以鷓鴣, 你都係唔好成日遲到了!!! 我都明白, 有時周公真係太吸引, 起唔到身就會遲到架喇..... 咁所以我今日專登去買了一個新的「鬧鐘」希望它能幫到我啦!!
其實那個鐘是好cheap的, 但佢好就好在有「重鬧」的功能,
等我第日按停了鬧鐘後, 都係起唔到身的話, 可以再來一次.... 1999年2月28日 02:24 (清涼) homepage正式營業以來, 第一次因為唔得閒所以冇update這版胡言亂語, 點解? 因為, 我昨晚不在家, 又找不到電腦有frontpage(我只識用frontpage)..... 所以咪搞到現在才寫. 好倦呀!!! 點解咁倦? 第一, 我昨天晚上在UST過, 整晚只睡了四十五分鐘, 因為沒有位俾我訓, 慘!!! 做乜入去? 我都唔太清楚, 你自己問問關先生啦, 我跟佢去架咋! 第二, 我今天六點至九點去了打VOLLEY, 又唔夠訓, 仲要打波,
你話會唔會唔倦呀? 今天是JOEY第一次去打,
不過佢好似話自己打得唔好喎, 佢自己講架咋, 你自己問佢啦!!!!
好彩冇應承到去遊船河咋, 否則, 一定倦死...... 1999年2月25日 23:08 (好熱) 今天, 我又一次走堂了......... 而且那一堂是最不能走的一堂──EEC!!!! 為何?? 因為實在太眼訓了! 這個星期真係走堂走到傻!! 直至現時為止, 只上了半堂LECTURE!!! 唉....... 真係衰!! 今日做了一次有歷以來, 準備最不足的PRESENT──ECON, 在上堂前的十分鐘都仲未知應該講乜. 結果如何? 居然以可過關!! 第日都唔好花咁多心機落去準備...... 說笑罷了! 今天買了一個新的密碼鎖, 用在LOCKER的. 第日可以方便很多了........
1999年2月25日 01:34 (倦透了) 倦透了.............. 不過今晚仍要撐到好夜, 因為明天要present, 但到這刻為止, 我還未去看有關的資料, 你話係咪死梗???? 唔知點解, 開學之後的這幾天, 真係忙到極點, 真想再放假! 算啦... 又係這一句! 點解又係「算啦」? 阿蓆, 你好像成日都用這句咁消極的話! 到底你是沒有心去改變某些事, 還是你沒法去改變呢? 這問題嘛........... 答案仍是：「算啦！」 1999年2月24日 00:30 (暖) 這幾天忙得很, 做過不停, 真想停停, 但這學期才剛開始, 唉!! 自從有了這個「胡言亂語」後, 每天都會update一次, 真發覺自己對寫diary越來越有興趣, 考慮一下買一本正正式式的日記簿來寫, 這一來可以有一本自己的日記, 二來可以在沒有時間的日子, 將想post上來「胡言亂語」的東西先記下, 等到有時間才再update這頁. 不過, 這都是在考慮中, 還未下決定!! 今天又是day-off, 但都幾多東西要做, 開心嗎? ok啦, 平淡中渡過了這天. 今天去過一間飲珍珠奶茶的店子, 覺得到那些店子坐下來,
叫杯飲品, 真是消磨下午的好去處!!! 總比落bar happy hour健康點吧!!!!! 1999年2月23日 02:42 (剛回家, 暖) 新年第一天上學, 都算是個好開始, 但實在倦透, 所以走了一堂, 嘻嘻......... 今天的心情, 本來比起先兩日好好多, 不過....... 這類事情, 以前我會好嬲, 到了現在, 我會失望、唔開心,
可否不再這樣, 不過, 這個問題已問過千千萬萬次, 答案都是.............
1999年2月21日 21:00 (涼) 似乎又是漫無目的的一天. 但要做的事堆積如山, 只是任性地去讓自己無聊. 明天要上學了, 我想, 我今晚一定不想去睡, 只因不想這天的假期離去............ 假期............ 頹廢! 但可愛! 想寫甚麼? 我自己也不知道, 只知有東西想記下, 但無從下筆........
1999年2月21日 03:15 (凍) 這幾天, 可說是沒有一樣東西是順利的, 剛才update黑板時, 忽然hang機, 唉, 仲未save架...... 真灰!!! 如果腦袋內, 不同的部分負責不同的思想的話, 我腦袋中負責「胡思亂想」的那部分應該相當發達了! 這幾天, 腦袋中的這小小部分活躍非常, 令我活在頹廢中. 可能是心情的影響, 只覺身邊事事都不能從心所慾, 加上無數的生活鎖事不斷纏繞....... 今天晚上, 終於抵不住那種從心頭湧上的消沉, 決定到街上走走, 漫無目的...... 回到家, 本來是心情輕鬆了不少, 但..... 我買了兩樣東西回家: 一袋麵包、一隻cd. 本來是不想買任何東西的, 但無奈出去時同阿媽講:「出去買點東西!」佢居然唔信, 唔信唔緊要, 但都唔好講o的咁難聽的說話!!! 其實每次同佢地拗完頸, 都好失望! 這麼多年了, 多多少少都習慣了..... 解決方法............ 唔好提了!!! 有時真係好想知道:「如果佢地看到這黑板的話, 會有乜反應?」 仲有, 買回來的cd居然唔work, 真係慘到盡!!! =( 真係好想拗斷佢算數!!!! 有時真不知自己想要些甚麼! 昨天有個朋友話想去外國讀書. 做人有時就係咁: 兜兜轉轉, 最終都係那一條路, 怎樣走也一樣. 你在地球上不斷向前衝, 最終, 你會發覺回到起點!! 所以, 那便應該去尋找沿途的樂趣!!!! 真不知道明天的我會怎樣! 希望不會變成了宇宙大王吧(petpet在頭頂)!!!!!!
1999年2月19日 17:42 (初四啟市, 涼) 這版「胡言亂語」cut了好多, 新年嘛..... 新氣像!!! 今日真係唔知做乜, 算啦.......... 晚晚都咁夜先訓, 真係要改改了.... 1999年2月18日 03:59 (初三, 赤口) 今晚出了去看煙花, 因為位置關係, 看到的不太多, 但已能滿足我的要求了! 現場看煙花的感覺真好, 煙花聲──bom.... bom... bom.... 觀眾聲──嘩.... 嘩.... 嘩..... 一片歌舞昇平的感覺! 不過, 令我想到香港現在的情況, 失業、通縮、政治.......... 通通都不明朗, 放煙花雖是每年都會舉行的盛事, 但今年好像有點「打腫塊面扮肥」的感覺. 李嘉誠話:「香港以往的和皆與自由已大不如前.....」對這句話, 真係非常之貼切. 我覺得香港人變得最多的, 是心態...... 沒有了以前的衝勁與信心, 五十年不變???? 政策上可能是.... 但..... 有時真係幾服李嘉誠這個人, 服佢的地方不是他的財產, 而是他對香港的貢獻與感情...... 你話, 有幾多個有錢佬會在「傑出華人系列」中講他所說的東西??? 我喜歡香港嗎? 真係唔係好敢講...... 我會覺得, 我習慣了香港的生活, 可能因為我在這裏長大, 我的一切都在香港吧!!!! 咁, 都可以話:「香港是我家.........」 1999年2月17日 17:30 (年初二) 過年真係無聊, 除了有少少利是錢、同埋有假期之外, 真係冇乜可取之處!! 本來今日想出去看一套戲, 來打發時間, 不過...... 最後都係冇去到........ 不過, 真係有重大發現....... 唔知點解, 過年街上會比平時多o的「靚女」!!!! 可能o的女仔會在過年期間打扮得靚o的, 又或者會化厚o的裝........ 唔信的話就自己去出街望望, 一定會多謝我咁樣提醒你!!!!! 仲有, 如果你自問不太靚女的話, 不妨出街, 去「臨時拉夫」, 做一陣靚女都好o丫!!!!! 1999年2月16日 15:12 (大年初一) 今天是大年初一, 在此, 祝自己學業進步, 新年快樂; 順便祝大家萬事勝意!!!!! 昨晚跟鄭大貓、阿姐(謝)、鷓鴣、阿ben出來行花市, 地點是迫到冇人信的維多利亞公園..... 嘩! 真係迫到死...... 有時自己想想, 點解明知迫, 還會送羊入虎口, 走去行花市???? 原因可能是一年一度, 去襯o下熱鬧也不錯!! 仲有, 明知那裏是賣的是甚麼: 公仔、花、風車....... 全都是唔等駛, 而且我對那些東西的興趣也不大, 自己點解會走埋去人群中, 同那些買「不等駛物東西」的人爭??? 這些問題的答案可能是: 這才是過年吧!!!!! 昨晚行了一陣花市, 同鄭大貓等人, 本來諗住入去怡東coffee shop飲野, 但去到時, 發覺那裏的「自助消夜」好正, 結果..... 四個傻佬飽到嘔咁濟!!! 那裏的食物真係好好食, 尤其是甜品, 值得介紹俾大家. 自助消夜的價錢都算可以, 每位98元, ok啦!! 真係未曾試過食buffet食到咁痴線!!! 今朝成四點半先回到家, 梗係想訓番夠本, 不過, 年年都係咁, 有一個很不識做的老逗朋友, 年年都會在年初一的早上十點左右上來拜年....... 結果, 又係因為佢來拜年, 搞到我只訓了三個多鐘頭咋...... 算啦, 新年嘛.... 大家高興就ok啦!!!! o岩o岩先應酬完一大班親戚, 同佢地真係冇乜兩句, 成年都見唔夠幾次, 點會有野講呀?? 所以話:「遠親不如近鄰」, 真係冇乜錯! 不過見到班親戚, 又一次覺得自己真係唔細了, 同自己同輩的人, 很多都已幾張野了..... 咁啦... 新一年, 希望會多些成就, 唔駛好似咁冇出色咁都好!!! 好啦, 最後, 都講多一次萬事如意.... 即係想點就點!!!! 1999年2月15日 13:45 (年卅晚, 天晴) 今天點解咁早寫diary?? 因為今晚好有可能會唔得閒, 會出街直到深夜, 到時都沒有時時間去寫了. 可能自己己addicted to internet了...... 比較準確地說, 應該是我已addicted to ICQ了....... 一有時間, 我便會走過去電腦前, 上上ICQ, 見下人..... 真是要戒了!! 否則..... 昨天晚上, 講電話, 講到五點幾先去訓....... 嘩! 真係自己都唔係好信... 同邊個講? 首先同何A講, 跟住是子祺... 跟子祺談天, 感覺真好, 兩個「寂莫的心」, 哈哈哈....... 1999年2月14日 22:26 (除了是情人節, 還是爸爸的生日) 今天是爸爸的生日喎, 如果問我有乜野想同佢講....... 真係有好多... 不過真係唔知點講。咁啦, 生日快樂、身體健康吧...... 明知佢是不會看到這個homepage的, 但......... 是但啦, 都係一句o者.......... 心意比一切都重要嘛!!! 情人節快將去, 在這天, 我做過些甚麼? 好簡單....... 真係冇乜特別...... 在家睡了很久, 之後咪online.... 係咪好無聊呢? 有時真係唔係好明, 有些人會覺得情人節出街, 如果自己是一條友的話, 會覺得好古怪... 點解佢地會咁諗呢, 真係唔明喎!!! 有人問我:「都咁多年了, 點解仲係交白卷?」你想我點答你呀? 我唯一可以講的, 可能是「隨緣」啦, 哈哈!!!! 或者下年你唔會再咁問我呢??? 不過, 這可能不大了........ 1999年2月14日 03:01 (情人節) 今天是情人節喎....... 希望那些有情人開開心心啦, 沒有情人的人, 都一樣咁開心啦!!!! 斐爺話13號是李榮安是生日, 又一次証明, 六、七月是特別適合做人的, 嘻嘻...... 今天真是節目多多...... 早上起來, 有人打電話來, 叫我去踢波..... 之後又趕去看"You've got mail", 不是太好看!!! 看完戲, 叫了阿潛出來食飯, 行花市..... 搞到好夜先回來..... 回來之後, 打了電話俾杜中 同埋 女朋友.... 但杜中不在... 浪費$$$呀!! =( 同女朋友都講了幾耐, 都幾開心 =) 1999年2月13日 01:13 (放假了) 黃澤舜生日快樂, 我要利是呀!! 今天大約七時左右, 陳盈光打電來, 叫我去看他在依館的演出, 正唔正??? 佢係都要我話難忘喎, 咁.... 咪難忘o羅..... 得未呀? 其實真係唔錯, 但只是我倦了點吧了... 今天聽了一個有關演戲的talk, 講者有: 梁榮忠、陳錦雄、劉雅麗...... 得到很多東西, 雖不是對演戲有很大的興趣, 但對於佢地談及為何會選演員做終身職業之中, 從他們的說話中, get到了點東西, 真不錯!! 真係唔知點解, 每次有長假期, 我都會覺得特別開心、特別輕鬆...... 唔知係咪因為完全唔想返學, 定係唔鍾意CityU??? 有時真係唔知自己想點..... 1999年2月11日 23:54 (頭痛, 而且很倦) 又有人生日了...... 他就是翁一方, 雖然是遲了, 但仍在此祝他能心想事成...... 個頭真是十分之痛....... 像似要爆了..... 唔想寫了 =( 早少少去訓吧!!!! 1999年2月10日 23:02 (依然很倦) 剛剛看了SUNDAY的新廣告, 十分喜歡, 相當有創意!!! 今天「專登」走去坐渡海輪回家, 好正, 聽聽浪, 吹吹風, 唔係好明, 點解會越來越喜歡一個人到處去的感覺, 唔知第時我會唔會一個人去流浪呢? 再唔係, 電波少電也不錯吧!!!! 今天同Gloria講開佢的屋企, 令我又一次想想自己的家人........ 有時真係唔知點去形容, 我同佢地之間的關係..... 咁啦, 點首歌俾佢地啦..... 王菲的《或者》..... 我覺得好o岩... 《或者》 1999年2月9日 20:24 (很疲倦) 今天是譚偉基的生日呀, 是中學階段的最後一次, 生日快樂吧!!!! 希望你能看到吧!! 今天是我第一次享受我的day-off, 真係好開心 :> 今天找了詩農、文偉洋、聰聰等人一齊食飯, 他們說話時的「抵死」依舊不變, 甚麼HT、CS、T........ 哈哈.... 他們給我的感覺真有是不同了, 長大了不少, 雖然印像中的他們仍是中四的小孩, 但真的不同了很多!! 跟詩農談了很久, 十分開心..... 老實說, 他們那form人在我的印像當中, 都是我的師弟, 唯獨是詩農, 是我一個很好的朋友..... 真係唔知點解... 這個黑板有很多人來過, 佢地給我的feedback真令我非常開心!!! 再一次多謝你們. 1999年2月9日 00:14 (熱呀) 真想不到, 我的homepage正式營業後, 會有那麼多人來看!!! 而且他們的反應, 真是意想不到!!!! 辛苦了這麼久, 都是值得的!!! 這麼多個晚上, 跟周公過唔去, 同睡魔say good bye..... 都是值得的. 收到很多很「正」, 很搞笑的回應, 以下是其中幾個.....
雖然很疲倦 (昨天晚上我五點才去睡), 但我都會堅持update黑板的!!!! 1999年2月8日 02:00 (外面吹著風) 終於決定將這homepage, 黑板, 公諸於世......... 希望大家會喜歡吧!!!! 之前來過的人, 可能會覺得:「沒甚麼大的分別!」但, 其實, 我加了點東西上去的....... 1999年2月7日 11:37 (很暖) 今天是鄺智豪的生日, 又在此祝佢十六歲快樂, 二月真係特別多人生日, 唔知乜野原因, 可能六、七月特別適合....... 嘻嘻..... 這兩天真係多活動喇, 昨天出來同阿ben慶祝, 今天又出了街, 搞到自己有好多的東西積埋未做, 慘!!!! 有時自己都幾任性, 明知唔夠時間, 但仍要去玩, 情願唔訓覺, 都要去玩........ 不過始終相信我是那種「玩少一陣會死」的那種人, 嘻嘻 = ) 我知道好多人都非常之反對這種做人的方式, 因為他們覺得凡事要認真去做, 才會有好成績!!! 對的, 他們講得很對, 但, 如叫我事事都要好認真, 我會好快冇晒興趣去做........ 咁咪仲衰!!??!? 如果你要話我個人冇樣野係認真, 咁我都冇野好講。但, 這才有樂趣嘛!!!! 1999年2月7日 03:00 (回家不久) 今天早上, 已發現自己病了, 只是不想食藥, 希望睡覺能有點幫助, 但起來的時候, 頭依然是痛!!! 雖然不想出街, 但依然出了去......... 今次活動的安排好亂, 真係搞得好差....... 不過是但啦, 佢地係咁架喇!! 1999年2月6日 01:46 (陳小傑的生日) 又有一個人生日了, 那人就是賊頭BEN, 在此, 祝佢二十歲快樂吧!! 第一個星期的堂終於都上完了, 感覺如何? OK啦, 總好過上個SEM, 沒有那麼灰暗吧, 上個SEM有乜咁灰? 真係說來話長...... 遲點再說啦..... 今天真是患了「喝睡症」, 去到邊都想訓, 真係慘!!! 可能自己快要病了, 有乜野想做的, 真要快點完成了!!! 第日病了, 想做都做唔到!! 1999年2月5日 01:21 (凍) 今天真係幾無聊, 上堂的時間不是太長, 但, 好冇精神, 飲了coffee, 仲衰, 下次真咪搞!! 星期六是賊頭BEN的生日, 唔知會否出來了, 但下個星期佢又唔得, 嘻嘻嘻, 唔關我的事, 因為.......... 昨晚同女朋友chat開, 佢話好miss以前在king's的日子..... 咁又真係, 以前的生活雖無聊, 但開心..... 邊有人無聊到放學走去打保齡?? 真係掛住以前那班戊利, 好想過年見見佢地添!!!! 1999年2月4日 02:19 (又是平凡的一晚) 原來我們的evaluation questionaire 同埋我們的成績可以有咁大的力量, 我們令到一個 lecturer差點冇得撈, 哈哈哈....... 真想快點搞掂"舊日足跡", 可以將這黑板拿出來見人了!!! 1999年2月3日 00:00 (聽緊古巨基的《小指》) 我開學了, 唔知有冇咁多時間去日日update黑板的「胡言亂語」, 盡我所能啦!! 各位看官, 記得多o的來這裏分享一下我的生活點滴, 多謝!! 1999年2月2日 02:40 (平凡的晚上) 今天是開學日..... 今天亦是收到上學期成績的日子...... 今日真係唔開心..... 一來收到成績, 知道有一科incomplete, 好灰..... 二來, 真係唔想返學 =︴ 其實每次一個新的階段開始, 都會想想以前的人、物、事，今天也不例外..... 1998年可以說是我人生中的一個轉捩點, 由中學到大學, 真係一個很大很大的改變....... 上到大學, 要面對的挑戰實在很多: 功課、人際、家庭、自己個人........ 真係好多好多! 這個過程真是好HARSH, 但我自己都感覺到自己有了很大的改變, 雖然不知是好是壞, 但, 起碼面對困難時, 比以前更成熟。但, 這些改變真令我很疲累了。 其實我對現在讀的「IS」是不喜歡的, 但鬼叫我AL考得不好....... 真係好少人知道, 我在AL時真是支持不住, 我是指精神方面, 真無法去日日夜夜、不眠不休地去刨書, 睡覺似乎是不應該...... 灰!! ANYWAY, 希望明天會更好!!! 1999年2月1日 01:02 (流浪貓在街上亂叫) 假期終於過了, 真係千萬個唔捨得, 所以這麼夜還在上網、寫日記....... 唔想最後一日的假期過去!! 回想這假期有甚麼得著呢? 答案似乎是: 沒有. 但開心, 可能開心已是一個很大的得著啦!!!!!!!!! 1999年1月31日 03:36 (好夜了, 但無聊) 這個「黑板」除了欠圖的問題之外, 還欠了甚麼呢? 真誠? 我在這裏所寫的, 都是出自真心...... 思前想後... 可能是欠了一點東西, 那些東西是各位看官想知道, 但我又沒有去講的東西吧??? 我的家庭? 我對各朋友的看法? 我的愛情? 我的人生觀? 抑或是我對未來的看法?? 有時不是不想講, 而是千頭萬緒，不知從何說起! 好像「舊日足跡」這一頁, 正是因為這原因而遲遲未能開業.... 灰呀!! 愛情..... 對英皇仔來說, 好像是不可告人的東西, 其實都唔係o丫, 只是真係冇乜野好講, 因為真係冇嘛!! 對嗎? 1999年1月31日 01:35 (今早好大風) 嘻 =) 原來真有人看這頁、看我的「胡言亂語」, 好開心!! 多謝你們..... 海龜、野偉, 是你們的visit令我繼續有心機去續寫這頁的日記........... 離開學日越來越近, 真係唔想返學、唔想上堂、唔想交功課....... 可能我真係太懶了!! 今天是我家一班親戚食「團年飯」的日子, 見到很多親戚, 都幾開心架, 但發現自己原來已不細的了, 以前是小孩子的, 今日都已是中學了!! 阿蓆, 你好似到現在還是一事無成喎, 俾心機啦!! 1999年1月30日 01:57 (有少少病的徵象) 最近聽陳奕迅的碟, 其中有一條track是讀白, 大約如下.................
遠、近、遠、近.......... 有時真係好奇妙, 究竟是近是遠, 只在乎自己的觀點罷了! 上了大學後, 有些人雖然日日睇, 但感覺好遠.... 相反, 有些人好少見, 感覺還要近!! 這種感覺好恐怖, 令人感到很「孤單」...... 唉, 一個人空虛時, 是比較多胡思亂想的!! 1999年1月29日 03:00 (深宵, 大風) 今天在街上見到一個著住校服的king's仔, 見到佢時, 好期望佢會認得我............. 我好留意佢的眼神, 看看佢有冇望多我兩眼, 唉, 結果令我好失望....... 其實這並不是第一次了, 而是第好多、好多次了...... 我諗: 「我都唔好再期望king's的人會認得我了, 我已不再是活在紅磚下的了!!!!」 阿ben話那天打牌唔夠喉, 話想改天再賽, 唔知幾時呢???? 1999年1月28日 13:14 (陽光猛烈) 仲有幾日便要返學了, 真係好唔捨得放假的感覺, 好舒服, 好得閒........ 尤其是開學後要日日去我不喜歡的city, 就更加唔鍾意, 灰!! 今日冇乜野做, 真係好少可.......... 1999年1月27日 18:09 (黃昏, 好熱) 昨天晚上再上網check check我的時間表, 本來以為可以笑笑口咁望o下自己的day-off, 但發現其中一堂core的tutorial忽然消失了. 今日打電話返city問, 點知佢叫我返city先可以幫我搞, 唉, 就係咁, 我被逼山長水遠咁返city, 真灰!! 又要出街了, 有時真係唔係咁想成日出街.......... 1999年1月26日 17:41 (天晴, 但清涼) 昨天入了坪洲, 打了一晚通宵麻雀, 真係好耐都冇同類的活動了, 真係好開心. 值係一記的是阿Ben食了一次「十二張, 自摸包底」, 正!! 可能是自己的生活習慣改了, 從未試過打完通宵麻雀可以如此精神, 可能周公真係愈來愈不喜歡我了, 嘻.... 1999年1月25日 03:42 真想不通, 自己到底為何要寫這頁?? 想別人知道自己的東西嗎? 我真的沒人理到這個地步嗎? 抑或真的太過無聊..... 無論如何, 想認識我多一點點的人, 希望這裏可以幫到你們吧!! 1999年1月25日 03:35 (和暖) 明天入坪洲了, 但之前要去城大add/drop courses, 好煩...... 今天真不知自己冇甚麼成就, 就連以前最「耍家」的打機都打得奇差!!! 算了罷..... 今天早上, 老逗說了一句話:「你聽埋我講這些, 好唔好??」如果這句話在我口中說出, 聽的人是你, 你又會不會聽落去?? 世界就係咁, 冇乜公平可言, 挑!! 這陣子, 好多舊同學都為愛為情而失了常性.... 有人說男人用性器官去思考; 女人用腦去思考, 難怪你們能令那班精明能幹的男子漢為你們瘋、為你們癲........ 女人, 你們真了不起!! 1999年1月24日 02:45 (晚上, 清涼) 今晚都幾無聊, 上了icq, 冇乜人online, 但又唔係好想寫我的黑板, 算啦...... 今晚一於在無聊中渡過啦!! 其實今日上了人o地屋企攻打四方城....... 真係好耐冇打了, 好miss那種感覺, 但坐到桌邊, 先發覺自己已唔係好記得點打, 真灰!! 成日出街, 回到家總俾家人「炸形」, 不過我都冇乜同佢o地班友仔嘈. 算啦, 佢o地都唔係好明我做緊乜, 係咁架喇!! 點解會好耐都冇打牌?? 唔係唔想打, 只不過是好難約人o者.... 你知啦, 要四個人先至夠腳....... 下個星期一、二都唔知去唔去得成坪洲, 你又唔得閒, 佢又只係o黎一日..... 結果得番幾個人, 隨遇而安啦!!! 1999年1月23日 15:05 (天晴, 好暖) 今日同早幾日都冇乜分別, 好鬼無聊..... 繼續寫我的黑板.... 隻眼開始有點痛, 我諗應該休息一o下了! 昨天是Shirley Liu的生日, 在此, 祝她二十歲快樂啦!! |
|