| home | messy words | thru the lens | exif | dream | miscellaneous | you say |
 |
| 2.0.0.8
| 2.0.0.7
| 2.0.0.6
| 2.0.0.5
| 2.0.0.4
| 2.0.0.3
| 2.0.0.2
| 2.0.0.1
| 2.0.0.0
| 1.9.9.9 |
1999年9月30日 04:17 (未睡) 探頭看看夜深的街, 只有微黃的街燈照著無人的街. 我仍在電腦前........... 這一刻的平靜, 跟日間分秒必爭的生活, 真有天淵之別. 這幾天來, 也沒時間空出來寫日記, 因為, 實在太多的東西要做了,
想停下來也不能. 相信有心人會說︰「你不是晚晚在玩ICQ的嗎？」是很難戒掉啊!
已經少了很多, 今天SONDES話夜晚唔多見我ONLINE, 我真係開心了一陣子,
因為我已經成功踏出了第一步 =) 希望往後的日子能善用時間啦!!! 1999年9月24日
1999年9月24日 02:55 (好倦) 真想說說新學期........ 新學期到底發生過甚麼事? 其實我也不大清楚, 因為實在太亂了︰時間表由此至終都無法得完全落實、學校的人流多到經常"塞人"、舊書買賣沒有一個好好的秩序…… 可能這一切都是因為一樣很簡單的原因︰我放假實在太久了, 沒法一下子去重拾上學的生活, 所以才弄至每天放學回家都要睡兩個小時之久, 真係搞笑!! 明天要回學校, 回是早點兒去睡. 1999年9月21日 01:39 (倦) 今天, 想寫的東西, 都已在icq的info內寫了, 就咁quote下來啦︰~ > 一年三百六十五日，話快唔快、話慢唔慢， 呀, 頭先坐車回家時, 又想到一個老問題, 就是自負............ 答案仍舊是︰阿蓆是自負的！ 為何會想到這些？真係忽然想到..... 1999年9月20日 01:48 (夜了) 開學大吉！ 1999年9月19日 14:57 (薄薄的雲) 今天是假期的最後一天, 真十分不捨得假期的時光......... 由第一天上學到現在, 數數手指, 已十七個寒暑了, 這些年來, 我並沒有很傑出的成就, 也並沒有做過驚天地、泣鬼神的壞事..... 有人說最好與最壞都有其風采, 但這種風采都不能在我身上找到, 因為我生成「二奶命」, 還記得小學時, 就因為差零點二分, 咁就冇o左個獎 =( 以前都見過好多最好同最壞. 先說說最好的....... 好的, 莫過於好成績、好操行…… 他們的而且確有其過人之處, 例如他們經常會覺得自己總比不上別人, 而且很希望能跟上別人, 這就給了他們一個很大的動力去前進了. 又或者, 一些是工作狂, 沒有一刻能讓自己停下來的........ 我對他們有何看法? 呵呵呵, 不知道 =) 最衰的........ um...... 做衰野, 我唔多介意, 因為佢地都係人, 人會有歪念, 就自然會去做壞事, 很正常..... 最重要是做o左肯認, 一句︰「係, 係我做o既!!! 咁點o丫?!?!?」多痛快!!! 錯o左, 唔認, 仲要抵賴的人, 簡直係人渣... 為何會說到那麼遠呢? 明明在說開學的事...... 開學真有很多東西要prepare, 都係第日先講喇, 陣間仲要出去食飯. 1999年9月18日 21:39 (清爽) 這幾天, 聽了很多別人的事, 有關於別人的過去、別人的生活、別人的愛情……別人的一切, 聽別人的事, 我有很大的興趣, 可能因為我八掛, 也可能我想知多少少自己生活以外的事…… 但往往發覺, 很多聽起來很普通的事, 當事人在親歷其境時, 可能痛苦到極.... 為何這樣說? 別人的事, 不便多提 =) 但總相信, 經一事, 長一智!! 但千萬不要因為一些事, 而去做一些無謂的傻事啊!!! 從o'camp回來已經好幾日了..... 所有疲倦都已過去, 但不知為何, 仍然好想食野..... 今次o'camp, 真係令人失望, 失望的原因, 是因為今年的新生太差, 好鬼死吋. 遊戲方面, 都算好好玩, 今年的oc已安排得不錯了....... 但始終班細o既都係唔掂, 搞到roy姐媽媽聲~~ 阿nat終於都從日本回來了, 買了很多東西, 也有我的份兒, 收到那些東西, 真係開心, 尤其是那些餅, 好好食呀. 不過, 總少不了發o下我的脾氣, 唉~~~ 這幾天的事都很鎖碎, 買了一塊沒有用的768機蓋, 配了阿tiff locker的鎖匙............... 近來, 發覺自己的對睡覺的需要越來越大, 從o'camp回家,
我足足睡了十八個小時呀, 嘩!!!!! 之後這幾天,
真係無時無刻都有點睡意啊..... 到底係咪以前久落的, 到現在要還呢??
1999年9月11日 03:14 (很倦) 今天起床時, 疲倦簡直是滲透每一個關節, 很累、很累....... 因為昨天玩足球太落力了, 而且我都已經很老了 =( 早上起來時, 爸爸對我說有一個叫shirley的人打來, 最初以為是我的女朋友找我, 後來才知是ssss找我去打牌...... 其實, 邊個shirley找我也沒所謂, 我也覺得自己對她們很冇心(有心的相反), 她們回來香港都有一段日子了, 但, 我都總是忙著其他的事, 沒有找過她們....... 跟她們講過幾句電話後, 就更覺自己唔係咁好... 嘻嘻.... 真sorry~ 人的通病就是︰忙個不停去做某些事情, 不會去關心身邊的人, 但總結自己許許多多的藉口, 例如: 忙嘛、別人也忙嘛、別人住得遠嘛.......... 但, 回心一想, 其實, 可能簡單的給別人撥個電話, 給朋友一個電郵, 可能已是關心他們的一個好方法.... 人就偏偏不會這樣去做. 人會對遠方、不太常見面的人不關人, 就算日夕相對的人, 也不會去關心、去珍惜........... 人──可能就是一種可惡的動物了, 尤其是香港人啊!!!! 1999年9月10日 02:29 (倦) 見到JASON的老人夜話中提到「興趣」, 最近自己的生活中又遇到一些事令我想到這個老問題..... 其實, 從小到大, 我都沒有甚麼的興趣, 又沒有甚麼的專長.... 或者, 最有興趣的, 要算是玩吧, 但有誰人對玩沒有興趣呢? 除了玩以外, 我還有甚麼興趣? 不如不說興趣, 說說理想, 或者說說理想的職業..... 小學時, 我相信每個人都會寫一篇「我的志願」的文章, 那時不知為何, 老師給我們幾個選擇, 必須從那些之中選一個出來..... 我選了郵差, 哈!!! 係咪好正呢??? 點解我會選郵差? 真係說來話長, 不過, 大家都可能沒有甚麼的興趣吧..... 說回興趣, 我覺得, 我自己好應該去尋找一下,
不能人做我又做咁就一世.... 1999年9月9日 01:21 (熱) 昨天打了咁多字, 都仲未upload就去了睡, 証明真的很倦.......... 搞到今天睡到很晏.... 取了相片回來了, ok啦, 不過.... 黑了少少呢!!! 1999年9月8日 01:06 (已回到香港了，外面下著雨） 9月6日的日記的確是在上海的千鶴賓館晚上四時左右寫的，哈，是不是很得閒呢？那麼為何寫了一晚之後又停了？因為沒有時間與精神吧…… 今天約16:20在杭州機場起飛，18:07在香港赤蠟角機場著陸，終於結束了這次熱到溶的旅程。今次回程的飛機很細小，在遇著氣流時也相當之搖。可能因為杭州的機場太細，無法讓大飛機升降，只能坐這樣的細機吧！不過杭州的機場真是細得太過份了，而且竟然有單車在停機坪上行，真係吹漲！！！比起上來，香港的機場實在太好了。 今次的行程有沒有特別的事？ 有！ 黃埔灘有很多古老的銀行大廈，在其中有一間叫荷蘭銀行門口……令我想起「荷蘭銀行支票」，所以叫了一個路人幫我們幾個後生仔拍一幅照，但那條友真係正的Holland Bank Checque，教極都唔識用那部相機……其實有何因難呢？只是按一個掣吧！ 不知為何，我的耳竟然像聾了般，甚麼也聽不到……搞到我成日俾人吋…… 最滿意的一餐是自己出街食的火鍋夜宵，我「唔知死」地叫了一個勁補的老鷝煲做盪底，結果……真係熱氣到我喉嚨痛。不過那一餐真是最滿足的，是真真正正的飲飽食醉啊！ 大陸的馬路就真係好鬼冇秩序，搞到老鼠過馬路時無所適從，哈！講開交通，真係佩服大陸人上巴士的功力，香港人在他們面前，真係全部投降……冇一個可以上車，灰呀！ 上海姑娘真係好掂，一個字來形容──掂！！ 其實大陸的消費都幾高，買包餅食都會收成十蚊，當地人是不可能負擔的啊！不過我們去到就好好駛喇，我買了一塊乒乓波板，老鼠買了一個足球，yeah！ 不過，真覺得大陸對有歷史民物的保護很不足……係咁架喇，大陸嘛…… 不說了，真的很倦，去睡吧！ 1999年9月6日（在上海，間中有雨，熱） 從9月4日中午來到上海到現在，已超過二十四小時了，在這個時候，同行的阿七、老鼠已在甜夢中，可能是太疲倦的緣故吧，而阿蓆就在飲飽食醉後，又在胡言亂語了。 問我對上海的印象……不如說說對中國的印象吧，真想不到今天的中國竟是那麼的先進、那麼的美麼。說她先進，當然也有些「先進」得有趣的地方，例如街邊會有兩大張桌球檯給人耍玩。但美麗方面，就真係毫無保留了……尤其是上海灘那裏的建築物……還記得導遊──陸先生唱著《上海灘》，旅遊車穿過從從的樓房，眼前出現的是發光的建築物…… 今天的下午，到過蘇州，看的都是廟、塔、亭、台、樓、閣，聽的也是古老的傳說……但在上海所看到的、聽到的，都是一頁頁歷史的遺跡，宋慶齡故居就是這個樣子了……上海的的確確是個很大的歷史民物館。 還是去睡吧，明天還要繼續行程 =) 1999年9月4日 02:19 (熱而且濕) 話唔online……話唔online……點知都係要上一上網…… 今天我要出發了去上海了，希望一路順風啦（打緊風呀），仲要旅途愉快！ 回來再寫啦！ 1999年9月3日 03:29 (熱, 間中有雨) 今天, 都到過很多地方, 做過得多的東西...... 就快去上海了, 不知怎麼, 今次沒有甚麼準備..... 沒所謂吧..... 阿nat好番喇, 正常番喇, 同以前一樣咁癲... 1999年9月2日 01:26 (熱) 今天是中、小學生第一天上課的日子, 在街上見到不少穿校服的. 今天, 我過得很充實..... 做了很多事︰整機、茶會、o-camp helper gathering...... 出門口前上了一陣網, 看了Nat的info, 知道不妥了..... 回家後, 再看看, 才知事情的原來是那樣...... 有時會覺得, 點解佢咁多野, 我都唔知..... 是我看不穿、沒有問,
還是你不想我去知.... 但總不想去估...... 不要這樣, 開心點, 可以嗎?
你不快樂, 我也不好過. 1999年8月30日 12:20 (晴) 個personal sever終於都好番, 我可以改我個hp了......... 今天, 我個胡言亂語作了都幾大的改動, 希望大家會喜歡啦!! 1999年8月29日 04:17 剛才寫寫o下, 個Frontpage有問題, 自動關掉了, 真灰 =( 算啦, 反正我由廿七日到三十一日都可以免費上網. 為何有這樣的優惠? 因為城大安裝了新的Dail-up Network, 我被抽中了成為其中一個tester, 可以免費上網 =) , 這算是「暑假末禮物」吧！ 今天, 去了飲茶, 因為蔡鎮生日...... 都幾開心, 不過,
約人方面就問題多多了...... 唉, 都唔知做乜.... 杜中硬係會咁,
又要搞, 但係又要「點」別人去做.
仲要成日「無情白事」話我負責呢樣、負責o個樣, 有冇搞錯,
我都冇應承過...... 老屈都唔係咁掛!!!!!!!!!!!!!! 1999年8月26日 10:38 (天氣終於好轉了) 今天中午, 去探望過阿BEN, 見佢的鼻子上戴著膠製的「帽」, 真係超慘............... 之後同李榮安唱o左一陣歌, 都幾充實的一天! 但我仲未執拾屋企呀!!!!
1999年8月26日 00:48 (沒風、沒雨) 這雨天, 真係慘, 黑色暴雨警訊號, 雖為我帶來多幾個小時的睡覺時間, 但卻令我........ 唉...... 希望得罪了的人都不要把事情放在心上啦!! 今天, 大部分時間都係留在屋企, 目訓了很多, 搞到傻o下係o下咁...... 之後出去灣仔, 開了個「hknet」的account, 幾抵呀~ 今日我幫阿NAT約時間、地點, 搞到佢白等添...... 真係SORRY!!
我都有少少責任, 應該問清楚少少嘛........ 1999年8月24日 03:39 (三號風球) 昨晚中華航空的飛機在赤蠟角機場撞了, 真係大件事, 希望留院的人都能沒事出院啦! 昨晚, 上過去葉展恒的網頁, 看到佢的網頁, 記起自己的hp初初搞掂時, 真很開心, 希望我都快少少寫番個新架啦!!! 今天下午, 終於決定了大陸旅程的細節, 明天早上去報名了~ 希望玩得開心點啦! 有時真係覺得自己好忙, 這兩天因為打風, 都留在家中, 覺得自己平日實在太忙了, 成日都不在家, 週圍走.... 很想靜一下.... 今晚, cciv上了只不過一陣, 同班友仔(阿賤、nat、hugo、阿陞、心姐、vivien、鳴鳴、shirley、我)去了dan ryan飲野, 好開心, 真係好開心呀!!!! 咁就上完cciv, 我總係覺得, 有少少對唔住簡良如, 因為佢好俾心機教, 但係我..... 嘻.... 在此說聲sorry啦, 希望妳聽得到啦. 唔知點解, 今日好想寫好多野, 但係, 下筆時, 總是不知如何寫好.......
算啦. 1999年8月22日 00:31 ( 35.1度, 熱死) 今天真係熱死人...... 三十五點一度呀~~ 這兩天, 很多很多東西要做, 昨晚做cciv做到天光, 所以, 現在很倦呀...... 今天仲要對住部電腦一整天添~~ =( 明天先再寫啦.... 1999年8月18日 03:55 (熱、熱、熱) 我在ICQ上消失了幾日, 是因為我的電腦DOWN了, 終於搞番掂少少喇, 可以上上網, 也可以ICQ....... 不過, 相信遲少少都會再「鏟」多一次...... 點都好啦, 用住先啦. 今天早上去了踢波, 真係好耐冇踢了, 落到場真係同廢人一樣呀, 慘~~ 下午去了唱K, 也不錯, 可以輕鬆一下, 嘻~ 今晚, 阿NAT幫我CHECK ICQ MESSAGE, 期間同其他人傾了幾句...... 所以, 如果大家發覺剛才同你傾的人有少少「發癲」, 那人便是佢了, 嘻~ 一句到底..... 你明就最好啦. 1999年8月15日 嘩, 這幾天呢, 真係慘呀, 因為呢, 我家的電腦DOWN了, 搞到我好似同外界隔絕咁呀..... 可能真係已經太過習慣有電腦用O既日子啦........... 不過話時話, 我就襯呢兩日冇機用, 咪用O的時間來搞其他野囉, 例如在屋企鋪電話線, 真係搞到一頭煙 (因為屋企兩條線, 三個電話, 兩部電腦, 唉, 得個煩字). 係喎, 我部機壞鬼O左, 咁我依家O係邊度寫緊野呢,
之唔係用七仔部機囉.........................
真係好想快少少搞番掂自己部機呀..... 又一次, 祝我好運啦!!! 1999年8月11日 01:55 (少少熱、少少雨) 今天, 是中七的JUPAS放榜, 也是中五的HKCEE放榜, 對我來說, 雖不是甚麼大日子, 但都回了母校英皇去看看熱鬧..... 見到班師弟, 不禁想起很多以前的傻事、趣事, 也想到到底英皇還是不是一個好地方呢??? 真係唔知...... 總之, 希望回未有著落的中五及中七, 快點兒找到理想的出路啦. 今晚, 同陳不染食宵夜, 好耐都冇同佢講野了, 真係好開心, 我同佢乜都講...... 跟佢說話, 我被點通了不少東西.... 我真的相信緣份, 我同佢.... 真有一點緣啊~ 阿NAT今天唔知做乜, 好呆呀.... 總之..... 我...... 你知便OK啦, 嘻~ 寫完今天的胡言亂語, 之後便FORMAT電腦了, 希望OK啦...... 祝我好運
=) 1999年8月10日 04:01 (呀..........) 大穫!!!!!! ICQ終於都壞了..........
點算?????? 1999年8月10日 02:37 (外面打著雷) 今晚真係好開心啊~~ 因為是7C班的RE-UNION, 見番好多好多人........ 出席的人有︰
好多人啊可??? 玩o左乜??? 首先係打邊爐, 跟住就去了唱K...... 嘩, 陳志傑唱K好掂架..... 真係好有FEEL.... 繞樑N日呀...... K就成日都有去唱, 好少可好似今晚咁FREE, 搞到把聲都「拆」晒添.....
1999年8月9日 15:24 今日隻眼好痛呀...... 點解?? 因為昨晚幫阿潛打字囉......... 都係去訓番覺先~~~ 一陣仲要出街. 1999年8月8日 18:27 (倦) 昨天下午, 直至今天的上午, 我都在錦繡花園渡過, 因為去了陳盈光的家玩, 又燒野食, 又打機..... 我只贏了一鋪 =(, 真係差勁...... 不過, 真的很開心, 因為好耐都冇試過咁多人一齊玩..... 唉, 同鷓鴣呢個衰人一齊訓, 俾佢輕薄, 真係唔抵..... 我有講「唔好」架, 不過, 都係冇用...... 我要報警呀!!!!!! 呀, 仲有呀, 仲未影那張「拿著刀」的相添...... 1999年8月7日 0:29 (又下雨、又出太陽) 昨天西貢之行, 真係有去了火焰山感覺........ 昨天之行, 被列為「家長指引」類別, 原因並不是內容有問題, 而係心姐的媽媽我們同行啊!!!!!! 總之個個都沖晒涼啦........ 今天, 終於可以有多一條電話線用了, 這一天值得紀念!!! 1999年8月5日 03:19 今天不是太熱, 但都溶到變Liquid............. 真係慘 明天仲要去西貢啊, 早點訓吧啦! 這首歌.......
到底是怎樣呢???????????? 1999年8月3日 19:45 (熱到溶) 昨天真係頭頭碰著黑....... 慘...... 昨天回到家, 沖涼時, 在想有關新hp的東西, 發覺黑板這個主題會限制了我的創作, 所以, 希望以新面目見人, 有幾個proposed的主題:~
以上的主題之中, 我諗, 我都係會用山寨o既機會比較大了..... 呀, 同埋呢, 我諗我唔會少少少少咁出俾大家睇, 而係, 一次過做好晒先俾你地睇了, 因為呢, 咁樣會有驚喜多少少. 今天做了乜? 叫做打理一下自己好耐都冇理過的電腦囉..... 都幾好呀.... 講住咁多先, 要去食飯, 否則..... 1999年8月2日 01:49 (熱) 今天是清閒生活的第一天, 我也幾滿意 =) 今天早上, 遲遲才起床, 聽了個電話後, 又再訓過, 結果到三點才正式起來, 出街食完飯, 回家online一陣, 剪了髮, 食完飯, 又訓........ 之後, 咪又online囉...... 無聊嗎? 幾啦, 休息嘛.... 是該應的!! 昨天影了一張唔見得人的貼紙相, 嘻~ 1999年7月31日 02:40 (正在download Netscape 4.61) 又有幾天沒有寫這版了, 因為, 沒有太多時間想開電腦. 可能因為太倦啦~ 去了prefect camp、又去了這、又去了那..... 總少不免會有點疲倦 =( 今天, 是我正式返工最後的一天, 雖然沒有很多東西放在公司, 但總要收拾東西, 例如在電腦內的icq, 又例如一些無聊的文件..... 都要清理. 第一天返工老細給我的那隻120M Floppy, 從今天起不再跟我了, 放回公司.... 在印象之中, 那隻120M Floppy就像是警察的配槍, 很powerful, 但離開時, 就要交還! 今天發現, 就算是不喜歡的工作、不喜歡的公司, 在收拾東西時, 感覺也不太好, 因為長久以來的工作足跡 (e.g. ICQ) 都要清除..... 這叫不捨得嗎? 唔係掛!!!!! 早幾日, 去了長洲的prefect camp, 見到細的那班, 很多都唔識, 但存在於他們社會之中的文化、感覺, 依然是很熟悉...... 見到以前的中四, 現在是中六, 而且快要升中七, 真覺得自己已老了, 不再屬於他們那個圈子了, 很合理的現象啊!! 仲有呀, 你地都已升中七了, 好應該為自己想想了. 工作完了, 是時候去想想怎樣去用餘下的時間, 我會寫過這個hp, 但這一版「胡言亂語」一定會保留. 也很想用這個假期到外面走一走, 但, 找朋友相伴很因難啊, 真希望今次能成行!!!! 呀, 今晚阿七又一次「PK」......... 已不是第一次了, 搞乜咁唔小心呢???? 阿蓆奉勸各位朋友, 行街不要睇異性 (尤其是不太好quality的) !!!!! 明天的電腦展到底會否去呢? 唔知呀, 明天會有分曉喇! 1999年7月26日 16:32 (終於搞掂了) 屈指一算, 已有好幾天沒有寫diary了, 點解? 因為好多野做囉~~ 每次行埋部電腦度都係為o左做野....... 咁, 到底阿蓆有乜野要做呢? 其實, 我沒有返工已有幾天, 代價是將公司的東西帶回來做, 咁咪搞到我咁囉. 不過, 咁有咁好, 可以唔使俾份工困住我o的時間. 呢幾日做過o的乜? 嘩, 多囉............ 前天, 去了看來自英國的紅魔鬼──曼聯, 好唔好睇? 唉..... 真係幾失望 =( 我覺得, 南華好應該入番一兩球, 但係, 偏偏又俾一個九唔搭八的「亞寶」搞到屢次失機..... 算啦, 香港足球都唔係第一次令人失望架喇..... 不過, 我覺得最不值的是那隊曼聯, 當香港是甚麼? 是但搵o的球星來, 又打得唔落力...... 昨天終於都有幸見到傳聞中的人物──鷓鴣菜!!!!! 有乜comment? 嘻.... 幾ok啦, 哈哈..... 見佢地也幾開心啊........ 今天真係好倦呀, 不過, 一陣仲要返學校上cciv, 所以, 寫住咁多先啦~
1999年7月21日 02:10 不開心的事, 不要提了...... =( 剛才看了「摘星奇緣」(Notting Hill), 很喜歡那齣電影, 因為︰好故事、好演員、我喜歡的配樂…… 整體感覺很舒服. 戲中有一個叫Sprite的角色, 很搞笑, 正!! 回家途中, 碰上了很久沒見的蔣仲宇, 他現在學影相呀,
o岩o岩send了兩張俾我睇, 真係好正, 下面就佢o的傑作黎喇~~ 1999年7月19日 22:05 (熱到..... 溶了) 假如我是一塊冰, 早已不存在了, 因為天氣實在太熱了...... 假如我是一張紙, 早己被火燒掉, 因為天氣實在太熱了...... 這兩天做甚麼也提不起勁, 原因只得一個︰就是天氣又熱又潮濕, 一向怕熱的我, 早就高舉雙手──投降了 =( 每次出街, 都不停到找「雪櫃」過冷河. 七哥終於都要返工了, 嘻,
唔駛等佢成日都在我面前絃耀自己的清閒..... 問你死未?? 仲有呀,
記唔記得以前有一課中文話「世上第一等苦人是沒事做的人」, 所以,
七哥終於逃離苦海了. 1999年7月17日 02:54 (熱到飛起) 這幾天, 放工後都沒有即時回家, 總是有些東西做...... 上班的日子相信快將過去, 老細越見對我不好, 可能因為利用價值已減低了...... 昨天, 約了人出來食飯, 其中一個沒有見面已有一段很長的日子, 到了今天, 距離真十分之遠..... 唉, 不要亂諗野喇, 好嗎? 1999年7月15日 12:57 (熱) 今天食午飯時, 碰到兩公婆, 佢地自稱是美國回來的, 跟他們說了幾句, 但幾句之後, 他們就開始談到宗教的問題. 我不覺得他們有甚麼問題, 只是, 他們所說的, 對我來說似乎很遙遠, 所以, 他們說過甚麼, 到現在已不太記得..... 可能在幾天後, 他們可能將會在我的腦海中被淡忘,
但他們始終都曾在我的胡言亂語中出現過,
也算得上是曾在路上遇到的人吧!!! 1999年7月13日 202:37 (熱啊) 可能大家會發現, 阿蓆經常都在相當晚的時候寫胡言亂語. 你可能會問︰「阿蓆不用睡的嗎?」當然不是啦!! 我當然想睡, 但更想生活能豐富一些. 今天聽張SIR說︰「生活要講求量之外, 亦要講求質...... 有些人會覺得由天做到晚得到的快樂, 其實只是因為忙碌而令他不能去想, 而其心靈並不是真正的滿足......」 我很不想自己因日間的忙碌工作而放棄我生活的姿采, 所以,
我會覺得我應該以少少睡覺時間來換取自己的樂趣...... 當然,
我生活的樂趣有很大部分是來自每一個你, 我的朋友, 所以,
每晚都上網見見你們.... 希望快點見到每個朋友都online啦. 1999年7月12日 01:15 (熱) 為何幾天也沒有寫這一版? 因為, 太忙了, 或者說是太多東西令我不想寫? 不過, 也不是甚麼特別的原因, 大概只是因為自己太倦了...... 上個星期五, 幫陳盈光拿A-LEVEL成績, 就借故放了一了假, 那天真係正, 到過很多地方、做了很多事︰去了中旅社、去了行公司、去了會展看阿健的exhibition、也出來食晚飯...... 不過, 剛才發覺原來那天要聽cciv的talk, 但....... 冇去, 點死? 星期六、日都去了做「jupas」改choice的工作人員. 時間真快,
咁快又一年了, 一年前的我、一年後的我, 雖出現在同一地方,
但相隔一年, 真的相去甚遠...... 就這樣便一年了.......
這麼的一年, 我到底得到幾多呢? 失去的又幾多呢? 可以怎樣去計算呢?
1999年7月8日 02:37 你沒事吧? 真叫人擔心. 1999年7月3日 01:41 (好熱好潮濕) 本來想昨天寫的, 但最終都沒有寫, 為何想寫? 因為昨天出街玩得開心囉!! 同邊個? 之唔係同那班cciv的groupmates, 掛名出來做野, 點知.... 玩多過做! 其間, hugo做了一陣明星, 明星總是多一點福利, 例如.... 你地去問明明啦, 哈哈 =) 仲有呀, 九龍灣的「鐵匠日本餐廳」真係要去多一次 or 成日去, 嘻嘻...... 那裏的伙記真係好靚女呀 =) P.S: 原來美國有跌打讀, 真係講都有人信, 不過, 我都係唔信多過信........ 今天, 我沒有返工呀, 因為終於都病倒了, 個頭痛到....爆啊! 現在呢?
好少少, 不過, 成個人都係呆呆滯滯咁, 冇癮 =( |
|
