2000年3月31日 03:40 (三月最後一個晚上)

今天, 過得不知怎的; 其實這幾天, 也是這個樣子..... 總了忙個不停. 每每可以有機會停下來的時候, 就會有另外的工作到手上了. 而且, 覺得自己很差勁呢! 因為事事都辦得不好.

頭才, 路人甲問了一個問題, 我做計中, 五年後的我, 會是怎樣....

明晚再寫, 因為, 太倦了.

2000年3月27日 02:11 (清涼的天氣)

今天是星期日, 但回了學校做HCI的project, 都算好煩...... 因為呢, 都唔知邊個方法會好少少. 如果用web cam拍real的rm file, 之後又唔可以再edit, 起碼我找不到software可以去edit它. 但, 我們又偏偏需要去edit它喎. 如果想edit, 最容易的要算是avi format的file了, 但, 用乜野去做個avi的種呢? 真係抓穿頭的問題, 最衰是器材不足, 以及要找樣樣都要去摸. 好o徒時間! 又唔甘心草草了事.

有時真係覺得, 外邊那些專業做這些的人, 是值錢的, 因為, 這些東西, 若要懂少少, 很容易, 但要做得好, 真的很多技巧, 真係做過先知!!

看看時鐘, 兩點有多, 仲有野要做..... 是否注定忙碌呢? 在icq上, 還online的人有很多, 係咪個個大學生都咁忙呢? 今天, 阿nat又話, 唔多喜歡這樣的生活, 忙碌啦、樣樣都唔識啦.... 其實, 我覺得這樣的生活真的幾辛苦, 但, 今個學期到現時為止, major的科目都幾實用, 學到野... 但無奈, 係辛苦啦....

應承了幫人買野, 但, 仲未買, 點算好? 真係唔好意思, 明天搞番掂佢啦, 好帽?

後記︰ 剛去看過一個兒歌網站「www.pazu.com」 忽然間, 覺得聽那些歌的日子好像只過了不久, 跟現在的距離好像很大很大似的.

2000年3月24日 03:47 (倦極了)

MKT的test今天完了, 都幾難架, 我覺得自己做得唔好, 不過都OK啦~~

這幾天, 每晚也只睡得三兩個鐘頭, 現在, 很想很想去睡...

今天, 同阿NAT出來食飯... 雖然乜都好普通, 但都好啦, 係咪?

2000年3月22日 19:51 (....... 潮濕 )

今天, 很是不濟...

雙眼通紅、咳, 加上test mkt, 而且, 有其他的東西要做, 太多太多事了~~

加上, 心情很是煩燥.... 很想放一個星期大假, 不想過著這樣的生活!! 很厭倦!!!

2000年3月21日 21:59 (很暖)

今天, 很晏才起床, 因為昨夜都幾夜才去睡.... 起來時, 都上唔到八點半那堂了 =(

今天, 去找了Tony問a/c, 之後跟他談了一陣台灣的情況, 他本身是台灣人, 因此, 很有興趣跟他談談他的看法. 也相當同意他的看法, 他說, 中國人的地方, 能由人民選出領袖的地方, 除了台灣外, 沒有了.... 所以, 無論邊個當選, 也是人民的選擇.

明天要test mkt了, 要俾心機, 唔可以俾anita叻晒!

2000年3月21日 03:04 (咳... 咳... 咳...)

真係咳到甩肺.... 為何會這樣? 這幾天來, 我身體的情況都很不穩定. 之前, 連續兩晚都發燒, 之後, 被迫去看醫生... 算了好了少少, 但本來不太好聽的聲音, 變成了更難聽.... =( 最後, 更啞了添......

今晚開始, 不斷地咳, 沒完沒了..... 要別人擔心, 真沒法子, 我自己都唔想係咁.

這幾天, 很多朋友仔都有很多問題... 中七有中七的問題, 大學的又有大學的問題.... 唉~~ 其實, 做人真係多問題!! 不過, 聽阿潛講, 真係好多人都變了很多喇, 搞到佢同我今晚都幾「慶」! 真係丫.....

今早, 聽了老逗講一些故事, 嘩, 真係有少少突然.... 我也不知該怎說喇!!!

很久沒有在online時見到青蛙仔了, 真係少少欠了些甚麼的感覺....

2000年3月17日 10:28

今天, 已感到好好多了, 不過, 還有少許頭痛..... 真多謝阿nat的關心, 以及阿joe的電話....

今天, 杜中回來了香港, 過他的spring break, 今晚見過他一面, 在感覺上, 他沒多大的改變.....

今晚都係唔online喇, 因為要專心讀書呀.......

2000年3月16日 22:09

今天, 從朝早起來時, 已覺有點不妥了, 回校中途, 可以話係腳步浮浮... 由地鐵行上lab 1, 居然用了十五分鐘....

之後上了幾堂, 真係十分之唔妥, 最後, 還是決定回家休息休息了.

阿nat同我一齊搭車, 我回到來, 乜都唔理, 就一覺訓到九點喇. 真覺得有少少浪費時間啊~ 不過, 沒法子啦, 鬼叫我病咩.

星期六又有test了, 今次, 好想考好少少!

2000年3月16日 03:47 (矇下、矇下)

很倦, 因為睡得少.

還是早點去睡.... 買了printer墨盒, 唔抵買, 190, 我覺得唔值, 但冇法, 點都要買....

阿nat叫我飲多o的水, 嘻, 因為, 我有少少唔舒服.... 我個女今晚居然會遲過我去訓, 好少可, 好啦, 去訓喇!

2000年3月15日 00:44 (無聊的一天)

今天, 好像沒做了甚麼的, 便過了... 很是不滿意!

今天沒甚麼特別, 很晏才起來, 之後回了學校傾interactive skills, 哈, 真係對個present冇乜信心.

分組的事情, 總算是完結了, 但好像令到很多人唔多開心. 其實, 問題係咪真係需要搞到咁大呢? 不過, 今個學期開始, 很多人都唔同了, 算啦.... 很多事都不能控制得好好.

我總覺得, 我不能好好的做好我的學業.... 往往花了很多時間、 心機下去, 得回來的, 也是一團糟... 唉~~~

今天在街上碰到曾浩洋, 看他的樣子, 覺得他很倦... 考試真的不要捱壞呀!!!

這兩天, 都有更新一下hp, 也執過hp內的html code, 之前用frontpage做得很是凌亂啊~~~

2000年3月13日 02:07 (有點涼意)

不知道大家正用哪一個browser來看網頁呢? 我本身一向都用netscape, 但近來發覺它很多地方也很不爭氣. 例如, 經常出現error, 要close. 行起某些java來, 不及ie穩定. 唉, 但係, 有些function係netscape先有, 很方便的, 所以它仍是我的default browser. 但, 假如有朝一日, ie有了那些function, 我一定會轉用ie.

這個sem開始黎料了, 往後日子應該會很忙很忙, 阿蓆, 比心機!

2000年3月12日 05:22 (很潮濕)

今天開始下雨, 很是沒趣..... 到處總是濕濕的, 沒有了我喜愛那種清爽的感覺.

昨天, 約了大佬joe出來食飯, 他做東, 真係多謝. 感覺真不錯啊! 同他一齊影了相呢!

這幾天也很夜才去睡, 這樣下去, 很易會病, 所以, 還是改改吧.

很久也沒有專登出街玩了, 因為實在很忙碌.... 雖沒甚麼特別的東西玩, 但, 仍很開心, 但下雨卻有丁點掃興呀.

2000年3月10日 12:32 (天氣微涼)

我自己部電腦終於回來了, 早幾日, 沒有電腦用的日子, 真係好慘, 因為剛好有野要做 =( 唯有週圍去找電腦用啦, 去過hku, 也去過人地的家.... 真係勁灰呀... 依家用緊自己部機, 真係好有親切感呀...

呢排好多野要做呀~ 忙到飛起呢..

2000年3月3日 05:08 (氣溫略升)

今天晚上, 去了看張國榮的拉闊音樂會, 氣氛一流, 可能因為係LIVE關係, 本來沒多大感覺的歌, 也動聽起來. 真要多謝路人甲的兩張入場卷喇!!! 張國榮在這種沒豐厚酬勞的concert也有這樣落力的表現, 真值得一讚. 看罷他的演唱會, 真覺他已是一個老牌歌手了, 因為他搞氣氛以及壓台都比後生一輩的歌手好, 他不得不認老了~

真的要努力讀書了, 好多野要學呀......

2000年3月2日 04:15 (又一個深夜)

這幾天, 不快的聲音此起彼落...

今晚, 看過了路人甲的夜話後, 都有多少得著. 的確, 很多時候開心, 真的很簡單....

2000年2月29日 05:21 (少有的二月廿九日)

仍未想去睡... 因為, 很貪心, 很想做多點東西.... 因為, 很想做多一點!

今個SEM開始到現在, 已聽到很多人話同以前唔同了.... 真係好覺, 起碼大家的話題也變了不少呢!!

2000年2月26日 03:57 (很冷)

嘩, 很久沒有UPDATE了, 算算手指, 都有一個星期了...

為乜唔UPDATE? 因為沒有甚麼特別的東西囉.... 一切的事也很鎖碎.

很平淡過了一個星期, 返學, 忙, 做功課....

明天會成班人出來食飯啊, 那班茂利很耐都沒有一齊出過來了... VIVIEN終於都.... 恭喜恭喜...

2000年2月19日 05:16 (唉)

本來沒打算寫這版的....

但, 見到FRANK的日記中的一句"I hope tomorrow's exam would go fine!"...... 身同感受!!

會計.... 面對著它, 頓感千頭萬緒...

.................................... 真無奈 ....................................

2000年2月17日 01:03 (有少少涼)

好幾天了, 已沒更新這版好幾天了, 真的沒有這樣的時間啊!

現在又有時間多餘嗎? 不是, 只是心血來潮, 想寫寫東西....

想寫甚麼? 沒甚麼特別的想寫, 只是些鎖碎事....

近來讀書好辛苦.... 沒法子啦....

分了STREAM後, 感覺不太好啊... 為何? 可能很多EC的人都不太熟啦..

不知何, 一個ICQ A/C, 可以在兩個不同的地方同時開啟, 真令人費解....

個個同學仔中好勤力呀... 點算呢??

05:26 (嬉戲時間)

跟陳盈光講了一陣ICQ, 我們打賭邊位阿嫂出現最快

且看邊個跑出!!!!!!

2000年2月12日

今天, 回英皇走走, 今次不同的, 是母校已不再沙塵滾滾, 一切都回復舊貌, 獨是新翼, 跟腦海的印象格格不入, 或者是沒感情吧! 雖然一切都很親切, 但感覺很遠, 或許, 這就是"超人"所說的"淡"了吧....... 那裏的確有很多回憶, 但全都已過去, 曾經執著過的堅持, 都隨時間而淡化, 妥協....... 或者這就是回憶啦.

跟阿NAT食飯, 但, 佢忽然感到不適... 真有點被嚇壞....

拜年... 好多蘿蔔糕啊, 直頭飽晒, 好唔好食? 老實說, 一般啦~~~~ 哈....

2000年2月10日

真的很多天沒有UPDATE了, 因為我的電腦仍未搞掂, 唯有用住另一部先啦, 真係要唔該阿七.

昨天開學了, 新學期的東西仍不算得很忙, 最令我頭痛的, 是那科會計, 真係好煩 =(

好啦, 都係唔寫住喇....

2000年2月6日 00:19 (剛過了大年初一)

各位, 新年快樂呀!!!

剛過了今天的年初一, 沒有甚麼特別的節目, 只是成班親戚, 聚埋一齊, 談了一陣間... 也收了些利是... 就是這樣, 就過了年初一

好似好耐都冇update胡言亂語了, 而且, 之前有一part的胡言亂語不見了, 因為我家的電腦down了, 所以, 不能去update... 至於, 不見了的部分, 算啦, 因為一時大意不見了, 希望早日能尋回啦!!!!

就快開學了, 真希望新一個學期, 學業能有進步, 因為上個學期實在太差勁了.

2000年2月1日 02:15 (天氣好凍)

今天本來約了衰女食飯，但她人間蒸發了。真係...不過冇計啦，兩父女！

今天下午check 了成績，真係好唔生性。真係要考慮drop minor 轉elective喇。 唉，這樣下去真不是辦法。

今天約了Nat看東京攻略，但係因為交通問題搞到我遲到，跑到身水身汗。 無法啦~~~好彩套戲都ok啦！勝在靚仔靚女多。

昨天電腦down了，直到今時今日仍未好轉，咁，到底我是怎樣update homepage? 好簡單o者~~~因為有「她」的上帝之手幫我，特此鳴謝！！

2000年1月30日 04:24 (很凍)

今天約了文X同詩農出來, 真係好耐好耐都冇同佢地出過來喇... 聽他們說學校的事, 跟我距離似乎真的很遠, 但依然親切. 希望佢地邊個都好, 考得好好睇睇啦.

我總是用不到cti那個free account, 真係好激氣..... 見人地用得咁開心, 啖氣真係頂住頂住呀~~~

我個口腔內生了很嚴重的「飛支」, 很痛啊, 講野都會痛, 點算?

2000年1月29日 05:00 (很凍的天氣啊)

今天, 是我母校英皇書院的西翼落成的大日子呀, 而且也是一年一度的speech day. 所以我回了去看熱鬧, 很多舊生也有回去, 說到尾也是一個歷史時刻嘛... 哈!!

其實, 我不太喜歡新翼的design, 但相信它可以為king's