2000年9月21日 13:18 (竟然在家)

早幾日收到阿鄧廣祐的email喎, 嘩... 真係越來越覺得多人看這一版!

我都係昨晚先搞番掂自己部機, 可以上o下網, 又一次發覺, 自己部機係最好用的機啊!!! 這陣子, 真係幾多野做呀, 本來剛剛開學, 唔應該有咁多做... 之但係, 又要fyp, 又要做is個homepage的手尾.... 日日唔想留在學校, 但又要留... 真係衰!

2000年9月19日 22:30 (仍在學校)

昨天是今個學年第一日返學, 到現時為止, 都未算係太忙, 只係這兩天也留在學校, 想把IS個HOMEPAGE搞好少少先俾佢放出街. 之但係.... 都係做唔到D乜野野, 都算好彩就係找到一隻REMOTE的SOFTWARE, 之但係係SHAREWARE, 唔似VNC咁FREE咁好囉﹗

真係好唔想開學, 因為都未放夠, 成個SUMMER都去用左黎做野..... 都幾慘!!!

2000年9月13日 (中秋後)

今晚, 因為是中秋節, 祝所有人都中秋快樂, 人月兩團圓啦!

同阿nat出了來玩, 去了九龍公園, 人也不太多, 算是熱鬧, 好好玩呀!!! 我用 7-Eleven 的紙杯做了一個燈籠, 有個鬼佬話「Hey~~ That's a good idea~」 好開心呀!!!! 哈...

回到家, 就想試試把電腦超頻.

嘩, 勁呀......

家陣, 我用緊超了頻的電腦啊!! 有冇快左? 好少啦, 因為只不過係由350超到了392~~~

咁少... 好無聊? 哈, 好過冇啦, 超碼多左12%. 本來都冇諗住去搞, 不過, 昨晚上網看了很多有關自己塊底板的 document, 先知道我塊底板用的 chipset (VIA Apollo Pro chipset), official 公佈那 bus clock 最多去到100Mhz, 不過那些document又衰衰咁話俾人overclock喎..... 越睇越想玩o下..... 就咁就得左, 正!!!

2000年9月10日 (街上寂靜)

真的很久很久沒有寫日記了! 上一次寫, 已是十多日前的事... 這十多天, 過得真慢, 多少因為發生了很多很多事.......

去完韓國回來, 整個人總是倦倦的, 在contract完之前仍有很多東西未做好. 結果, 我在過去的星期三晚在學校「扎營」去做, 好辛苦..... 同埋我會簽part-time繼續做, 不過, 今個summer holiday真係好倦好倦, 無論精神上, 抑或是肉體上, 都好想休息一下. 經過今次做IT related的工, 要好好想清楚自己是否適合這類工作了~

昨晚同阿潛、阿ben、鷓鴣、杜中食飯, 杜中剛從台灣工作回來, 行色匆匆呀. 之後鴣提議去打機, 但係去到, 大家都發覺冇乜興趣, 大家真係老左喇....... 之後都係去左飲野, 席間大家講到以前中學的人, 真係有少少感慨, 真真正正的各有際遇. 大家都只不過畢業兩年, 但中學的事好似離開自己好遠咁....

仍在數天的假期, 好好享受一下悠閑吧!

2000年8月24日 01:54 (滂沱大雨)

這幾天, 好像都沒有update日記, 其實, 都有些東西想寫的.......

我真真正正的開始做新hp喇... 因為有一天, 自己手痕去看看自己的hp, 嘩, 真係雞到咁都得?!?!?! 仲話full-time寫webpage, 真係俾都冇人信呀.... 不過, 新o個個都唔會有幾複習, 因為我唔想搞咁多野呀, 方便maintain, 有自己的style便可以了!!

今天, 在地鐵碰到「小俊」, 談了幾句, 仍然享受同佢地班人講野的感覺~~~ 很久沒有聽人咁講野了!

這幾天, is hp的工作開始緊少少喇, 因為都近deadline了...

今天, 同nat去了青衣城食飯, 那間「Little Tokyo」真係好食到傻, 價錢也可以, 正呀!!!!!!!

近來, 發現很久沒有做運動了, 想練番好少少個身體.... 早兩日一個人去了做gym, 玩跑步機, 像遺忘了很久很久, 很想很想拿回以前的那種感覺, 很想去跑步呀!!!!!!!

2000年8月18日 01:37 (熱)

總算從韓國回來了, 真是說來話長....... 這兩晚都想在這裏寫寫那六天的經歷, 但, 實在很多東西要搞, 同埋好倦......... 等有時間先寫啦!

昨天, 買了兩隻Monchhichi, 「復刻版」又真係好靚喎~

2000年8月10日 04:19 (天氣總不太好)

執好了行李, 把平日亂七八糟的書桌也一起執拾好....... 明天, 上機去韓國.... 今次好像physically & mentally都沒有準備好出門似的. 晚上九時, 仍未開始執行李, 心裏仍在想有甚麼要在天亮前辦妥....... 很多很多..... 像是不能停下來~~~

自己讀的是information systems, 但跟自己有關的東西, 似乎都未能在適當時間得到information, 好像是親戚入院了, 原來為了要動小手術, 都是在遲遲的今晚才知道.... 我諗, 是時候到外邊走走, 把腦袋裏的東西清一清了罷~~~

天就快亮了!! 我自由喇!!!!!!!!!!!!!!!!!!!!!!!!!!!!!!!!!!!!!!!!!!!

2000年8月7日 01:06 (今天好像沒有下雨)

好像很多天沒有怎樣update這版了.... 我怎麼樣? 也是這樣吧! 平常的weekday, 都要返工, 總是很倦, 加上有final year project的東西在身, 很難抽到甚麼時間出來, 給阿nat啦、給自己啦.... 越來越發覺, 不用工作的時間, 真是特別的美好.... 好似昨天咁, 唔駛返工, 好開心呀!!!!!

這幾天, 發覺自己部電腦真係慢得像蝸牛... 諗諗o下, 發覺好多好多software都係唔會用, 當初裝落去, 都係為左試o下用, 用完又冇鏟番, 就搞到咁..... 今天早上, 的起心肝做backup, 點知, 太多mp3, 七百幾M....... 結果, 重施故技, 把另一部電腦的HHD, 插過黎用住先... 哈, 真係過癮..... 家陣部機快左好多喇!

早幾日, 為了final year project, 上了去公司, 去聽佢講o下關於個project的事, 那個叫Elton的人, 看看自己的工作紀錄後, 知道那天他工作了七小時, 之後說: 「我今天只做了七個鐘, 唔夠喎~ 做IT的, 冇十幾個鐘, 都唔似樣啦....」 聽到, 真係有少少心寒..... 因為第時出到黎, 都好大機會係做電腦架啦... 如果真係注定係咁, 都幾慘喎~

2000年8月3日

這幾天, 因為final year project的事, 也花了不少時間.....

冇乜精神呀............

2000年7月25日 01:27 (今天天氣真不錯)

今天, 我很倦呀, 身、心都很倦.....

忽然間, 好唔想對住部電腦.... 感覺不好!

2000年7月24日 03:00 (外邊真的很焗)

今天睡到早上九時才有知覺, 十一點三十分才能起床.... 昨天是在下午五時走去睡的.. 嘩!!! 真的一睡不醒啊!!! 因為之前o個晚沒有去睡... 但怎也估不到, 一睡就是一整晚了~

今天, 跟爸媽去了飲茶... 回家看新聞, 聽見台灣有四個工人, 被洪水沖走的新聞, 覺得很可憐.... 最可憐的地方, 是他們如果能夠及時得到援手的話, 一定可以得救... 但, 因為台灣政府的所謂「行政延誤」, 眼巴巴看著四條人命就此斷送......

傍晚, 買了兩本書, 都是一些design的書, 係for寫web page的, 希望能拿一些靈感, 真的很貴啊! 兩本都是圖畫, 但就買了六百幾蚊~~~ 好在可以claim錢, 嘻~~ 之後, 去了買野食... 都幾好食丫~~~

2000年7月18日 23:40 (細雨過後, 街上濕濕的)

前天, 我去了剪頭髮, 很短、很爽! 我剪頭髮多數會去那間店子. 不是特別好的服務, 而係, 習慣了.... 那間店, 很爽手, 但又唔會覺得佢地"求其"... 之不過, 一向同我剪o個個, 前日不在那間店內... 同我剪髮那個, 是一個外形很"飛"的後生仔. 有時, 我真幾服那個老闆, 因為, 佢會肯請那些人, 因為, 好易會令客人唔喜歡而去左另一間度剪... 但, 從其他角度去看, 沒有佢這些老闆, 那些剛出來做野的人, 就很難找到工了~

今天早上, 我冇返工呀, 因為成個人都軟晒, 冇力, 仲有頭痛.... 真係好慘. 下午仍返了學校, 但, 都做唔到o的乜, 因為仍是呆呆的... 真係要訓多幾個鐘頭喇!

2000年7月16日 (天亮了)

好久沒有整夜不睡, 因為白天要上班, 由早到晚也對著電腦, 所以回到家也不免有點累. 沒有去update這版日記也是自然, 因為整天都對著這些code, 悶得要死..... 所以, 哈, 到現在才update.

這去這麼多天, 做過些甚麼? 除了天天都要做網頁外, 還有很多很鎖碎的東西啊...

星期六晚, 約了中四、五年代的班主任Miss Chow出來, 但可惜, 因為某些聯絡問題, 老師就沒有出來, 只有數位同學出了來! 有點兒灰.... 可能遲少少會再organise罷! 今次搞成咁, 誰之過? 不要問喇..... 哈... 我唔會講係乜事架!!!

星期一晚, 去了聽英皇書院在大會堂的concert, 我的興趣不太大, 只是去湊湊熱鬧. 也總算是不錯的一個表演, 我不懂得去評論, 只覺很好聽.... 有一段小小的「趣」事: 就是當我們的音樂老師Miss Fung一出場, 全場也「嘩」了一聲... 因為她的夜著比較少布, 哈, 男校始終係男校! 還想一提的是, 近來聽到有關母校很多很多負面的消息... 我只想說的是, 學校是讓學生學習、長大的地方, 還是純潔一點吧!

好友阿潛終於找到了工作了, 是昨天找到的, 很值得恭喜!! 那份工作是一份在弱智人仕宿舍工作的.... 他能學以致用, 真係好!

今天, 出來見過一見班舊同事.... 之後上了阿陞家玩了一會兒, 也去了九龍城食泰國野, 也幾好啊! 難得一天假, 出來玩玩真開心! 今天見到嗚嗚, 她精神了很多, 去完歐洲回來, 買了一個杯給我, 很靚架....

阿nat買了一塊貼手提的貼紙給我, um... 因為形狀問題, 有少少想甩... 唔緊要啦!

2000年7月10日 03:10 (精神、不倦)

昨天晚上, 入了大嶼山, 住在渡假屋, 在行的有鄭大貓、阿謝(音:姐)、劍豪、張瀚懷、阿阮. 佢地都係好耐冇見過喇~~ 今次, 訓左好多呀.....

返左去學校做, 返左一日工, 都仲未有乜做住.... 叫做install了一些software咁啦.

2000年7月4日 03:00 (夜深)

明天是最後一日返那份「政府工」了! 只做了十多天, 怎也說不上是一個很長的日子, 也總算是在「食物環境衛生署」有丁點兒的瓜葛! 這十多天, 我得不到甚麼(薪水另計), 但親身感受到一些東西....... 其中, 對政府部門的管理以及部分公職人員, 感到失望! 很多人也的確「哈吧」, 小弟的上司也是其中一員!

他們教識我一個道理....... 「不進則退」

好喇! 快將過去的, 不提也罷~~~ 想講講今天看了的《小親親》, 一齣小品電影, 也不錯! 但, 給人估到晒下一步是怎樣, 沒驚喜, 也沒很特出的東西.... 比較好的是很多很多舊歌. 好聽!

2000年7月2日 05:48 (外邊剛下完雨)

幾天沒update日記了, 原因跟上次差不多, 因為放工返到屋企, 時間不多, 總有很多鎖碎事, 而且online都會跟朋友們談談天, 轉眼間, 就到上床的時間, 能留給hp的時間, 真少了很多!! 所以, 有時都幾服青蛙仔, 可以maintain那麼大的hp, 真係好有心機!

我出番新手提喇, 不過, 在新機「落地」不夠廿四小時, 就出現問題, 開唔到機, 真係唔掂! 好彩, 拿去維條部, 佢地即刻給我一部新的, 條氣都順番少少~~~ 不過, 如果有人想出motorola, 就真係要考慮考慮喇, 一向我都覺得佢地o的機唔多掂!!!! 咁我家陣覺得部機點? ok啦, 個樣只係一般, 輕、薄, 好多花巧野, 但係, 打電話取線較慢, 震機震得唔夠勁, 手感好似好"化學", 同埋, 個人黎講, 唔多慣.... 話晒我用左愛立信兩部機夾埋都兩年幾~~~

收到Frank的email, 真係好開心, 感覺好好, 真係學佢話齋, 「天涯若彼鄰」呀! 佢講過o下近來點啦, 又講野無聊野..... 哈, 不過, 最正係那個mail用中文, 我好耐都冇收過中文mail喇.

做乜又咁夜訓? 係咪因為明天唔駛返工就搞到咁夜? 一部分啦, 其實, 好多野儲埋儲埋, 想搞埋佢... 想砌好部機, 但又問題多多. 剛把那個舊hhd插左入我部機度, 用住先, 起碼多3G用o下都好嘛~~~ 部機又要找阿陞了! 其實, 真係唔想找佢, 因為成日都有好多人問佢電腦野, 煩住佢.... 如果自己搞得掂都自己搞啦, 之但係...

阿Nat有人請喇, 又係政府, 都鄧佢開心.. 不過, 真係要早少少訓呀, 因為返工要早起身嘛!! 講開返工, 我辭左份政府工喇, 遲少少會去做第二份, 返city我自己個department做, 人工都係同政府差唔多, 但起碼冇咁無聊丫嘛~~~~~ 希望係咁啦...

一於放長雙眼睇o下黎緊o既日子會點啦!!!!!!!!