2000年12月31日 (大除夕了)

大除夕到了, 亦即係話新年好快會到, 祝各位新年快樂, 同時新年進步啦!!! 哈~

頭先收到鷓鴣的電話, 問我去邊度玩喎~ 嘛.... 玩咩丫, 大把野讀呀!

溫考試, 覺得倦, 走黎online一陣, 就改左日記個招牌.... 我覺得ok啦, 始終, 我好想保留原本o個個字的樣子, 但又要襯番成版喎... 家陣多左幾分矇矓... 嘻~

讀快少少呀, 加把勁呀!!!!!!

2000年12月30日 (涼)

天氣涼了....

俾心機o的啦!!!!

2000年12月29日 (偏涼, 但仍算暖)

好耐冇寫日記了, 一來, 冇時間, 二來, 真係成日都有其他野要做.... 早兩日同阿joe講話寫, 但又「甩底」... 真係有對唔住~~~

上次寫日記是12月12日了, 由那天到今天, 咁多日, 真係有好多事發生, 當中有開心, 亦都有唔開心啦..... 不過, 個聖誕都過得開心呀.... 陳盈光返左黎, 佢地今晚先至去左燒野食, 不過我唔去得, 因為, 我要讀考試喇!!! 其實, 今個holiday, 好多人叫我出去, 我都唔去得, 因為, 有個考試..... 好冇癮~ 其實, 我好想去玩架.... 可能就係咁, 讀書總係好心散, 冇乜成就, 再係咁, 真係會死架!!!! 俾o的心機啦~~~~

早排, marketing present前一晚, 要做power point時, 先發覺我部電腦死左, 搞到勁"呢hair", 我諗, 我開始知道死咩喇, 好有可能係我部機本身唔係太食個windows 2000, 在我部機裏面行得勁唔隱定, 久不久就死一次, 在不知原因下, 個2000都死左兩次喇, 你話丫~~~~ microsoft!!!

快o的考好個試, 今次要考好o的呀!!! 努力呀, 阿蓆!!!!!!!

今天, 撞到好多我估唔到會見到的人, 時間和地點都幾意想不到..........

今天, 返學時, 見到翁宇賓, 講左幾句..... 每次見到佢, 甚至諗起佢, 都會不其然諗起佢哥哥, 翁宇強......

今晚, 在學校見到我表姐, 鄧美玲.. 我成日都講, 我係因為佢而入左去讀is, 到底是否一件好事, 到家陣都未知.... 點都好啦, 希望佢快o的拿個master啦!

2000年12月9日 12:34 (陽光猛烈)

今天是星期六, 不用上堂, 就這樣便過了我生日的一個星期了, 這個星期很開心, 有很多節目, 真不捨這個星期過去. 這個星期玩的多, 做的少, 現在雖然要補番數, 做多少少, 但, 都是開心的.

其實, 星期三是生日的正日, 星期二開始都已經節目多多喇..... 班同學仔買左蛋糕, 約左阿joe食飯... 同佢食完飯就去左赤柱, 同阿潛佢地燒野食, 阿潛大我一日, 年年我同佢講完生日快樂冇幾耐, 佢就會同我講, 哈! 真係好多節目呀....

星期三係正日, 就真係勁喇, 同阿nat去左海洋公園玩左成日, 好開心呀! 玩左好多野, 睇左好多野.... 刺激的越礦飛車, 木馬TumTum轉, 摩天輪, 過山車撞到膊頭好痛, 可愛的海豚, 大大條鯊魚, 海盜船的小妹妹, 得手的攤位遊戲, 爛訓的熊貓, 高空跳水, 星際千秋之後傻左..... 好多好開心, 好好玩的東西!!! 其實, 唔係一定細路仔生日先至去海洋公園架~~~ 之後去左食飯添~~ 多謝小薇!!!

今年仲收到好多電話添, yeah~~~

真係好想多謝好多人, 但係, 真係好怕會漏喎~ 一係咁丫, 我唔list out我要多謝的人喇.... 你地應該知道我會多謝邊個架喇可?!?!?! 多謝!

今年生日呢, 真係令我覺得自己有幾樣野唔係太好, 真係要改改佢... 我應承會改o既~

2000年12月4日 07:35 (勁倦)

人類創舉呀.... 我昨天大約一點起床, 兩點幾開始做野, 坐在電腦面前, online, 就做... 做... 做...

真想不到, 就咁就online十七個鐘喇... 都係睇番個online計時先知!! 家陣覺得個籮柚係痛架~~~~~~

家陣.... 梗係訓覺啦, 早抖!!!

2000年11月30日 10:53 (燦爛的陽光)

呢幾日, 算幾辛苦, 因為算多野做, 又要咳..... 唉~

寫左成晚信, 都寫唔成, 都唔知點算好, 都係為左搵工, 呢樣野, 真係煩.

2000年11月26日 04:48 (少熱)

這幾日, 都過得好快, 可能天氣有關. 點解? 因為這些天氣, 人都懶一點, 好想去訓, 一訓就唔想起身, 就算起左身, 都好想好想去訓...

呢排, 好多人在city影畢業相, 想一想, 如果真係可以畢業, 好快會係自己, 舊年見o的人仲係在學校出現, 咁就就到佢地影畢業相喇.... 真係好快好快....

2000年11月23日 22:06 (沒太大成就的一天)

今天, 係咁易上左少少堂, 就一日喇.... 成日都唔知做左o的乜咁... 唉! 仲有好多野做添架~~~

呢幾日都係咁, 冇乜成就咁.... 點解? 可能因為上個星期好多好多野做啦.... 講番轉頭, 上個星期, 個test都唔錯, 我諗ok掛!!

講番早幾日, 因為張信用card, 都有o的激氣!!!!

話說, 我上期唔記得轉錢去俾佢自動過數, 咁就收我利息.. o拿, 呢個好正常, 我絕對接受.... 之但係, 後來我收到一封信叫我即刻好去交錢... 我就好聽話咁去提款機交錢.. 事後幾日, 我check過, 個balance真係變左「零」!!!! 問題就出現喇..... 早幾日, 我發覺我account忽然唔見左大約二千, 我再check番個信用咭戶口, 佢話我有錢「結存」一千八百幾...

今日, 我去銀行問, 問佢為乜會咁, 佢話, 可能因為曾經要俾錢, 你俾左, 之後你account又有錢, 就去左扣錢囉.... 嘩!!! 咁都得!?!?!?!?! 再問佢, 可唔可以取回現金? 佢話唔得, 要日後買野買左個銀碼佢.... 唔係呀嘛?!?! 屈我買野?

好彩, 我問佢, 如果cut左張咭, 可唔可以取回那些錢? 佢話遲少少會過番落我儲蓄戶口, 咁梗係cut啦.... 今次就千八, 下次真係唔知幾多喇......

各位, 那間銀行就係好大間的「獅子銀行」!!!!!!!

2000年11月16日 18:45 (我覺得幾涼, 但係有時熱)

呢幾日, 總係覺得自己好似乜都冇做過咁, 但又好似真係乜都冇做過喎~

o拿, 又講番去在project lab玩game的問題喇.... 我始終都覺得, 玩係應該, 之但係, 近日好似好多人都失晒控喇!! 頭先我remote緊返去用機, 都俾人搶左部機黎打機呀!! o個o下真係好無奈~~~~

我的宗旨是: project lab的電腦以做野為首要, 得閒, 咪打機囉..... 昨日, 我先remote咁reboot左阿許小姐. 唉~~~~ 為乜要咁? 其實, 如果佢係用黎到做正經野, ok... 之但係, 佢用黎玩, 仲要裝個unreal入去, 有冇問過我o的「同屋住」呀!!! 如果我o的「同屋住」返到黎, 見到有外人在打機, 阻住佢做野, 都唔係咁好..... 始終都係我authorize佢地咁. 仲有, 近排佢地要趕project呀, 做野為先啦!!!

咁, 如果我o的同屋打機呢? 得!!! 因為, 佢地有權用部機去做佢地要做的東西嘛..... 唔公平? 係.......

今日, 為hugo生日補番搞..... 覺得大家都好似好倦咁, 好唔留心!!! anyway, 21歲快樂!

今日, 買左66俾阿nat, 佢好開心, 其實又真係好得意o既~~~

又係今日, 阿鄺慧珊問我Ruby Tuesday的大大杯雪糕.... 好想再去食呀!!!!!!!!!!!

2000年11月15 01:09 (暖)

呢幾日都訓得勁少, 因為好多書/notes要看.... 都近sem尾了, 個個都勁辛苦, 不過, 今個sem我都算勤力左架喇... 希望有好少少的成績啦!

想寫番早幾日的事..... 話說, 上個星期六, rachael ip走入project lab, 問o下o的人做乜要加ram, 入到去, 佢話自己唔識睇, 就捉左我去睇o下到底夠唔夠ram.... 唉, 大佬... 你叫我講邊句, 話唔夠咩, 又唔係; 話夠ram咩, 又會得失同學.... 真係左右做人難呀!! 結果, 我看過兩部機, "阿諾"同"David", 我諗, 佢地兩部都加唔成, 真係sorry呀, 我都唔想架!

講開左右做人難, 上個星期五, 傾mkt minor, 都幾尷尬.... 因為分工事宜.... 三位「女隊員」好似死都唔想分開咁, 唉..... 我就揀左一樣, 之後就要決定邊個同我一齊做, 三位都唔想同我一齊... 唉, o個個時候, 你叫我講邊句好丫~ 唯有話「唉, 勁慘!」 不過, 都冇人明我up乜啦!

非常之地獄咁, 我看了兩晚law, 今早, 仲要起到身去上law.... 不過, 970巴士又唔生性喇... 我等左好耐, 先見到一架, 仲要唔開門, 走左!!!!!!!!! 搞到我遲到, 好彩.... 返到去, 時間o岩o岩同阿nat一齊, 咪一齊去左食早餐囉.....

講開同佢食野, 上個星期六呀... 同佢一齊食左個名叫「高力香蕉」的東西, 真係美食呀!! 值得加入阿蓆美食中! 正!!!!

2000年11月10日 05:53 (好靜)

過了忙碌的幾日, 雖然仍在忙碌中, 但係因為悶, 所以, 又開了個editplus, 寫起日記來.....

家陣都開始有搵工的消息了, 但, 我真係唔知做乜好.... 自己好多野都唔想做, 同埋好多人都唔會請我, 因為我成績差........ 唔緊要啦... 冇人請, 唔駛死o既~~~ 不過, 我就唔喜歡有些人, 去apply工時, 把口係都要話唔想做份工, 但係見佢緊張到飛起.... 傻o既都睇得出啦!! 唉, 做乜要咁講喎, 唔通話"想做"就即刻走黎搶左你份工咩~~~~

呢排project lab 興起打機熱, 打的是Quake III, 真係令一眾year 3 學生著迷, 行入lab, 打機的聲音此起彼落.... 真係開心.. 之不過, 咁落去真係唔駛做project咩.... 同埋, 會嘈住做野的人架!!! 真係有少少後悔把此game 引入project lab.

昨天, 見到一個新黎的人, 話專係做web 架喎~~~ 不過, 今日又唔見左佢. 唔知會唔會好似神出鬼沒的tracy咁, 十年返工一次呢? 聽首令阿steve講, 佢叫Anthony, 自從識得某anthony後, 對此名的人沒有好感, 哈, o個個anthony真係累街坊!!!

頭先數數手指, 先發覺我有咁多野未做, 真係好話唔好聽, 死得喇...... 大獲!!!!!

2000年11月7日 01:38 (清涼)

天氣已進入深秋了, 很涼, 也算得上爽, 功課也多起上來了, 希望一切都能順利過渡啦! 只要能順利過渡, 就心滿意足了, 不太強求甚麼高分, 只要自己是下盡了所能, 那便開心了!

上個星期五晚的城大夜宴真係搞到好"lair hair", 點解? 因為有人飲到醉晒呀!

好多同學都開始為各科的project而擔心了, 大家的心情都有少少緊張了.... 所以, 找來了一個Quake 3, 帶返lab為大家減一減壓, 也帶來了不少歡笑, 好開心呀!!!

今天出來打邊爐, 見到好多都幾耐冇見的人..... 都幾好丫~

2000年11月1日 02:00 (大風)

剛在家中埋下了六個「地雷」.... 即係「甲由藥餌」, 因為家中好多甲由, 晚晚走來走去..... 希望有效!

今天陳盈光生日, 生日快樂, 心想事成~~~

2000年10月29日

Homepage 的新樣子終於出街, 唔駛好似成日都話做, 但又唔做咁喇!!

點解忽然間會花時間去做? 冇乜原因, 做左少少, 想做埋佢, 結果成功囉! 哈~~~

是時候去睡了~~~~~

2000年10月25日 23:33 (天氣好像少少熱)

昨天, 算是因為病而休息了一天, 因為真的很倦很倦, 生活時間從美國, 回流到香港來, 昨晚早睡, 今朝也早起......

回校途中, 坐在巴士上, 可能因為剛病完的緣故, 很容易睡著了.... 剛遇到塞車, 結果, 車子停了下來, 早上的陽光隔著車窗曬在我身上, 很舒服... 好耐都冇試過咁舒服喇.......

今天, 算是清閒的一天, 做起一切事上來都不太趕, 真好! 不過, 欠了很久的東西, 總要做的, 或者, 一陣間沖完涼回來做啦......

2000年10月24 00:36 (繼續潮濕)

這幾天, 很想很想自己舒服一點, 其實, 實在點說, 是對自己要求低一點... 因為我覺得好辛苦.....

過去的幾天, 甚麼也不想做... 其實, 真係幾對唔住幾個人: 阿健、心姐、patrick、sindy.... 佢地叫我做的, 全都未做, 在此說句對不起. 因為, 我真係覺得好倦, 提唔起勁.

這些的日子快點過去吧, 因為等我去做的東西多著呢...

2000年10月23日 00:19 (好潮濕, 好"立")

今天, 天氣很差.... 對我來說, 潮濕的天氣, 比起一切天氣都要差, 因為我本身好大汗, 遇上潮濕的天氣, 會成個人都立黐黐, 好辛苦 =(

今天, 身邊的人心情好差, 可能, 因為天氣差啦...

工作總是堆積如山, 好愁............ 唔知係咪因為自己俾自己壓力, 覺得好多野未做, 成日都覺得自己做野好慢, 可能真係啦.... 自己做野又真係慢左少少. 唉, 呢排, 我好掛住我o的舊同學, 早幾日, 仲聽到阿ben話阿李海龜佢整親隻腳添... 我真係想去睇o下佢, 不過, 唉, 根本冇乜可能抽時間.

總之, 我好想放假呀!!!!!!!!!!

2000年10月18日 00:16 (好倦)

今天, 為了個final year project, 傾左四個小時有多, 真係倦... 講得野多, 把口真係會好倦架........ 最令人倦的, 是不停的用腦! 都好, 今天的討論, 算是拋開了很多問題, 開始埋手做了....

原本以為, 找到了新人來代我們一眾learning park的舊人, 但點知, rachael出手搶人.... 雖則vincent同kenny都想接我地手, 但, 強權勝於公理... 真係唔公平!

近來, 好想看多點書, 但, 要做的東西很多很多..... year 3 之中, 歎氣聲此起彼落... 「唉... 唉... 唉...」 好多人都好倦.... 係心理的倦囉~~~~

咁落去, 唔掂, 真係要cheer up!!!

2000年10月16日 (真的倦了)

記得今天是阿Don的生日, 生日快樂!

又一次, 不透露寫日記的時間, 因為, 唔想大家為我擔心..... 咁即係話, 我好夜好夜先寫啦! 其實, 都差唔多天光了......

這陣子, 發覺自己不像以往的自己了, 因為, 沒有了以往的鬥心, 做很多事都不大起勁, 可能因為太大的壓力. 以前, 我不會為了一塊只有文字的廣告板而停步, 昨天, 我就這樣的做了.... 因為, 那塊廣告板是merchants.net 我想, 它可能跟我的final year project有關, 所以, 停下了腳步....

近呢幾晚, 我真係有發夢都是在工作中....

所以, 晚上在icq收到朋友一句「i dont want to rush」, 好大共鳴.....

也好, 這幾天, 還是懂得為自己找來私人空間, 去逛逛, 去食飯. 我想, 這樣總好過去年, 因為, 去年只有天天都在做, 沒有想放自己... 今年, 不同了, 因為鬥心沒有了那麼強, 或許是好事... 起碼我想我可以真的有自己的生活, 不是只為工作而存在.

或許, 我真的倦了!

2000年10月4日 01:47 (我覺得今天很熱)

絕對地主觀, 今天很熱很熱.... 不要反對我的說法啊!! 因為, 我真有這感覺!!!!!

忽然覺得自己好老, 係想當之老o個種, 心態上, 比起同年紀, 真係差好遠.......

我真係好想放假...

點解? 因為今天看見hans在法國的一幅相, 個感覺好似我中六時的一幅相... 好輕鬆, 個感覺真係好遠好遠, 好耐都冇試過, 所以好想放假!

2000年10月3日 03:56 (去睡了)

國慶假期過得怎樣? 也不錯罷, 起碼算是享受到久遺了的清閒... 星期六, 我全日都在家, 還去了跑步...

那天睡到很晏, 午飯後再睡... 結果睡醒, 就到了附近的公園, 跑步去.... 跑步的感覺很好, 只管向前, 腦裏很空, 很多平日在煩的東西, 很多平日想不通的東西, 都暫時拋下.... 氣在喘, 隻腳不要停...... 那天, 我沒有為自己定下目標, 我只想跑到不跑不動..... 很好的感覺, 以後也要多點跑步啊!! 到健身室做運動 (或者在健身室跑), 都比不上那感覺!

昨天晚上同阿NAT去看煙花... 在金鐘看, 很好, 人不多, 又沒有東西遮住視線, 一句講晒, 正呀!