2001年3月31日 02:49 (暖)

好倦! 因為訓得好少!

我真係極之覺得week 8係好難受的一個week, 每一個sem都係!

好彩, 今日阿rachael話ok.... 其實, 有好多野係唔ok架! 同埋, 今日真係幾燥, 有少少想打人呀! 唉~~

呢幾日都有少少財運, 我就快會有broadband用, 要俾幾百蚊, 昨天就收到一張o岩o岩好夠我install broadband的價錢的checque, 係sunday退俾我的錢, 真係好開心呀!

2001年3月27日 04:21 (涼)

今日係星期一, 亦都係day-off, 冇返到學校, 在家做左一陣野, 之後出街食dinner. 呢餐dinner, 係同幾個舊同學食架! 有老細, Egypt, 西牛, Shirley, 同埋我.......

真係好耐冇同佢地食過飯喇, 坐底o個種感覺真係好親切咁. 大家識左咁多年, 咪又係你話o下我, 我話o下你咁... 明知對方唔會嬲. 有時會覺得咁幾好, 唔通o下o下就住先好咩.... 食完飯就影左幾張相, 係上去行人天橋影架, 因為老細話在行人路影相好異相喎~

今晚, 俾人問我做乜唔俾番以前o的班相佢地, 唉, 邊有機會丫~ 依家scan左, 放上網俾你地download番去喇. 依家睇番, 好難相信呢班係未來的楝樑, 有幾個相好搞笑架! 又真係過份左少少o既, 大學都畢業喇, 家陣先至俾番中學o的班相人地....

其實大家都幾重視大家架.... 有邊個唔忙丫, 好似阿西牛, 老遠由科大出黎, 食一餐飯, 阿shirley就十一點機走, 行李都未執, 都陪我地陪到八點, 之後飛的返屋企.......

nat呢幾日腸胃唔多妥, 明天真係要睇大夫喇, 病向淺中醫....

今日fyp有少少進展, 努力!!!

除左o個張相之外, 仲有好多好多相upload左呀, 去睇o下啦!

2001年3月26日 05:20 (天氣涼了)

今天約左十二點傾project喎, 點知, 成點鐘先起身~ 對唔住呀!

今日o既output, 好少呀.... 好唔開心!

一個人有幾多手指? 十隻!! 一個人有幾多腳指? 十隻!! 手指同腳指加埋, 有廿隻, 大約仲有廿日就要exhibition喇, 仲唔死????

好倦, 都係訓喇!

2001年3月25日 03:40 ("立"黐黐)

昨天晚上在lab過了一晚, 同隊員健finalize左個model喇... 有了方向, 但係浪費左少少工作囉... 唔緊要啦~~ 最緊要係做得好, 同埋做得到!

呢排真係幾忙, 不過, 今日李榮安叫我去踩冰, 叫左好多次, 終於都去左, 嘩, 我第一次踩, 都幾過癮.... 係咪好似好得閒咁呢? 其實唔係架.....

都係倦喇, 差唔多是時候去睡了~ 各位早抖!!!

2001年3月20日 03:32 (初夏的感覺來了)

今日呢.... 真係好想能夠享受一刻的悠閑.....

所以, 返學途中, 專登經過商場.... 真係好似好耐都冇行過街咁喇.... 好miss o個種晏晝行街o既感覺囉!

呢幾排, 有人開始影相...... 開始realize到就快要畢業喇...

乜都好啦, 做埋個fyp先算啦, 得番好少時間咋!!!!

2001年3月18日 00:54 (睡醒, 清涼)

頭先九點幾, 倦到出奇, 去左訓, 之前真係極之極之唔清醒, 乜都諗唔到.

下晝又少少唔知點解咁就過左, 就係咁, 咁就一日.

點樣過一日, 唔係問題, 之不過問題係..... 咁樣去過一日, 感到好唔掂咁囉.

覺得咁好浪費時間.

咁係唔係壓力呢?

2001年3月16日 4:14 (傷風了)

隊員歸隊了!!!!

今日入到lab 3, 見到阿健呀..... o個o下真係好開心, 雖然唔係好想佢走動咁多, 真係驚佢行傷.... 真係好開心架, 一來因為佢歸隊, 二來佢返到黎, 大家都開心好多丫~ 我知佢一直都想返架喇....

今日同佢傾o個fyp, 雖然發覺好難做, 好多問題呀, 但係都係開心, 因為大家都對個project係有要求o既. 可以話係執著啦, 到左呢個時間, 好簡單咁做都未必做得起, 仲俾咁多要求自己... 但係, 大家都真係想做好佢. 點都好啦, when there's a will, there's a way!!

昨晚約左阿會長同團長tea, 講開o的學校野, 都幾箋鬼丫~

明天又係friday了, 忽然記得happy friday呢個term, 有少少想去輕鬆一下添!

2001年3月14日 04:04 (暖)

今日, 冇乜做過咩野野咋, 唉, 好愁!

話說我昨晚有訓喎, 只係天光後訓左一個hour左右, 結果今天下午過後, 都唔係好知自己做緊乜! 咁咪返屋企訓覺囉..... 一訓就訓到十一點幾十二點喇! 嘩~~ 唉, 起身o個陣, 忽然覺得自己好辛苦. 好想休息o下囉~

頭先發現, 阿roy姐個homepage, 加左個frame, link過黎我呢一版, o個o下真係幾開心呀.... roy姐有時好妙, 同佢真係冇乜幾可講野, 可能次次見到佢佢都係做緊野啦 (我唔想搞親做緊野的人), 其實佢係我入u即初識o既幾個人其中一個..... 仲有一個就係簡家明呀... 哈... 哈...

唔係好想做野, 個感覺好倦, 頭先搞左一陣間搵工的東西, 點知transcript的copy唔夠, 明天再搞過!

係呀.... 唔想reply我message的人, 不如咁啦.... 你老實同我講:「唔想reply喎」咁就得架喇.

仲有呀仲有呀, 我家附近有一個阿婆, 晚晚都拖隻狗響我屋企樓下"sh.. shh..." 好乞人憎呀, 遲早搵次真係要話o下佢先得, 己所不慾, 勿拖於人丫嘛.....

2001年3月14日 01:56 (清涼)

嘩, 原來我真係好多好多日冇update homepage喇, 唔怪得俾人話啦 =p

講番呢幾日發生左乜事..... 隊員健入院多天後, 已經回家休息.. 其實, 本來大家都冇估到咁嚴重架! 快o的冇事啦....

上個星期五晚, 公安生日喎, 去打邊爐, 飲到佢企唔隱囉!

上個星期六, king's open day, 返左去, o個日真係見到好多舊同學呀.... 有些十年都唔見一次o既人, 居然都俾我見到佢, 嘩.... 真係難得! o個日仲重操故業, 玩左陣排球, 真係老喇, 返到屋企手都痛埋.

呢排大家都開晒turbo架喇, 個個的樣子都唔會好架喇, 唉~ 俾心機啦各位. 好多時都會有磨刷, 平常心去face啦!

呢幾日都係為左個fyp做到好夜... 唉, 今日真係有o的"慶"呀! 不過, 算啦~~

2001年3月5日 04:25 (幾涼)

今日四圍去, 幾倦, 是時候睡了.

今日同鷓鴣坐在科大的手球場, 睇左一陣波, 發覺這種感覺好像離自己好遠咁, 遠的意思是好耐之前咁... 其實, 諗番轉頭, 我o既生活在這兩年間, 改變左好多.

阿nat聽日就返喇... 真係好似好耐冇見佢咁, 我儲埋儲埋好似好多計同佢傾咁呀.....

有時睇番icq的history, 好鍾意某幾句, 都係我寫架, 所以用左黎做icq info, 就係呢兩句喇:
Strive for what you think your life really need.... Don't leave any chance to regret in the future......

唔寫住喇.... 訓喇!

2001年3月3日 17:05 (有霧)

今日訓到好晏先至俾人嘈醒, 家陣好精神呀!

阿nat昨天去了泰國喇... 後日先至返...

琴晚返到屋企o個陣時, 已經倦到七彩架喇, 好想去訓, 不過, 因為昨日買左條ram, 點都插埋佢先訓, 點知後來發覺, 條舊ram同兩條新ram唔夾喎~ 試o下試o下, 咁就好夜喇.... 咁一訓, 就到左今日晏晝喇!

呢兩日holiday, 好似好輕鬆咁, 其實又係大把野做... 俾心機做啦!

昨晚同阿陞講左兩句, 提議不如出黎搵o的野搞o下啦, 就快grad喇, 玩o下啦不如!!!

2001年3月2日 05:52 (有風)

呀.......... layer呀........ 搞掂左喇!!!!!!

真係發左癲咁呀, 因為花左好多心機做的layer menu, 叫做成功了.... 真係開心!

不過, 就快天光喇~ 唉~~~ 八點半有堂, 都唔知上唔上好.... 計attendance架!

黎緊的下午, 阿Nat就要去泰國玩喇, 希望佢玩開心o的啦, 呢排大家都好大壓力架喇, 去輕鬆o下完全係一件好事! 不過, 唔好亂食野呀, 泰國o的野好似唔係太乾淨架咋~~~ 總之, 順風啦!

2001年3月1日 04:38 (涼)

真係話咁快就3月喇, 上個月好似冇乜成就... 不過諗諗o下, 好似唔只上個月冇成就喎.......

講開成就, 真係要諗o下, 我咁多年裏面做過o的乜, 唉, 真係冇乜, 最成功, 可能就係讀咁多年"書"啦..... 但係都唔見得讀得好, 相反, 係一塌胡塗, 可以話係字都唔識多隻~~~ 咁唔係法子喎. 有時真係幾想念細個o個陣時, 真係乜都唔駛諗, 開心好多... 家陣唔係唔開心, 只不過, 有好多野要去傷腦筋, 好多野要愁啦.... 好似家陣咁, 勁愁搵唔到工喇.

今日呢, 返左學校上一堂極無聊的堂, 阿Sabine發一陣up風, 就俾左個guest speaker講, 但係, o個個speaker叫我地唔好貪污喎~ 要守ethics. 不如咁啦, 我俾錢個guest speaker, 等佢早o的走, 當講完, 唔好講喇.... 哎o也, 弊!!! 咁同駛黑錢有乜分別呀.... 會唔會俾人拉架.... o拿, 你睇, 一早就變到壞晒架啦, 唔好浪費時間教育我唔好corrupt喇.....

跟住同阿陞行左一陣, 買左本書, 都唔知本書好唔好, 是但啦, 反正唔太貴, 又想睇o下....

2001年2月27日 17:05 (陰天)

咁快就到左二月尾喇.... 今個sem的感覺好怪, 唔以以前的sem, 好多精神放在做fyp上面, 但係, 又好似冇乜成就咁... 今日起身時, 本來想整理o下o的notes, 令我感覺似番少少係返緊學啦, 但係, 條電話線有事, 上唔到網, 點download notes呀!?!?!?!

呢排真係好想好想學好o的自己o的technique, 因為覺得極之唔夠用呀....

家陣屋企部機越裝越多野, 真係好易會死咁樣.

都係要早番少少訓架喇, 呢排日日都天光先訓呀, 咁樣唔好架!!

PS: 條電話線掂番喇, 可以upload呢個file喇, yeah~

2001年2月26日 00:16 (毛毛雨)

今天很晏才起來, 本來打算今天回學校做o下野, 但因為太晏起身, 沒這樣做. 後來想食完飯出來, 後來也取消了~~

今天很是提不起勁, 整天也周身唔聚財.... 好似個背脊有少少痛...

昨晚, 跟伯父, 兩個姑媽, 同我一家人一齊食晚飯.... 給我一個很強烈的感覺, 佢地都老喇.... 係好老添喇......

昨天跟nat行街, 近排都喜歡漫無目的的到處走走, 感覺好好, 好輕鬆~~

個walk through算是過了, 真係乜都demo唔到.... 唉~~~ 不過又多口左一獲喇! 似乎黎緊的日子, 都會好辛苦喇!

2001年2月23日 03:25 (真係好暖)

呢幾日都幾多野做o下~ 仲留左在學校一晚添~

因為明天五點半就係個final year project的walkthrough (即係要demo一些已做好的東西)..... 上個sem, 成個sem都係no progress, 真係昨日的因, 今日的果呀...... 唉~~~~

呢幾日, 我覺得自己真係重頭學起呀!!! 乜都唔識~ 唉, 做乜當初唔去學o下o者~~~~~ 唉~

2001年2月19日 04:56 (暖)

昨天加了個guest book, 一日之間, 都有幾個message, 真係幾開心, 多謝咁俾面!

今日, 又一個懶洋洋的日子, 再係咁, 真係唔掂......

2001年2月18日 02:11 (少少暖)

今天, 睡了很多, 也不明白自己為何會這麼倦......

睡醒後, 的起心肝做了三件事, 第一件係clone好家中的機, 因為我知道, 再過o下想clone都唔得閒... 第二件就係去apply broad band, 我申請hknet呀.... 希望佢的service 唔太差啦! 第三樣, 就係加埋個guest book 入我個hp度喇... 你地可以閒時無聊入黎寫個字架!

2001年2月15日 (天氣涼了)

今天是情人節, 過得很開心呀! 買了禮物, 也收了不少禮物.... 嘻!!

晚上今了一餐不錯的dinner, 阿nat每食到好食的東西, 就會好開心架喇~~ 哈~

2001年2月12日 06:13 (天快亮了)

這幾晚, 都臨近天亮才去睡, 因為都為了final year project...... 第一part總算有少少野睇o下了, 但只是一個layout.... 繼續俾心機啦!

離上次update, 都有好多天了, 這幾天內, 都有點不太平淡, 也沒甚麼特別的事...... 新一個semester開始了, 這也是最後最後一個sem; 上個sem的成績出了, 沒甚驚喜, 但都滿意了, 這個低低的成績, 對我來說已不錯 (因為一向奇差)! 上個星期見過晒所有科目的lecturer, 唉, 做乜大學請埋o的咁悶o既人教書架!!!

上個week, 唔記得邊一晚, 我夜晚整野食, 煲到個煲都黑左, 搞到我要洗... 真係煩!!

最後一個sem, 也可能是呢世人, 最後一個full-time 的semester, 真係要好好珍惜一下! 其實, 我真係好想知道, 我做過o的乜野.... 但, 真係冇乜咁... 好似好難交代咁~~

有時諗o下, 我都會問, 我忘記一件事的能力, 點解可以咁高!! 一件事, 轉眼可以在腦中清洗得如此乾淨!!!!!

2001年2月3日 (凍)

沖完涼, 等頭乾, 洗走了燒烤回來身上的氣味......

燒烤是因為去台灣那班人, 想出出來, 一為睇o下相, 二為聚一聚, 但人數唔多囉....

喉朧有少少痛, 而且頭痛了一晚喇, 可能就快會病 =( 唔好病呀!

今天去取回最後一卷菲林, 曾經一度以為晒唔到, 但好彩, 都晒得出來, 都幾靚呀!!!! 家陣睇番o的樣, 都覺得那時玩得真係好開心~~~

今個假期就快完喇, 呢個長假, 好有可能係畢業前, 最後一個長假喇...

2001年1月30日 05:02 (涼)

呢幾日都幾凍, 真係好易凍傷風, 好彩, 我仲未有事~~ 千祈唔好病呀, 好辛苦架!

呢兩日都係用左黎訓覺, 上網, 同埋砌機.... 好似冇乜成就咁. 都係唔好再玩喇, 再玩, 真係以後都玩, 唔駛旨意有人請我做野架喇~~

icq係咪真係好重要呢? 自己就成日都有online, 同人icq, 可能唔係好覺啦!! 今日見孔先生有得上icq, 覺得佢好開心.... 不過, 呢幾日我都icq得幾開心丫~ 起碼真係傾到o下, 唔係hi完, 講兩句就算......

今日Mays生日, 生日快樂, 應該係日日都快樂先o岩, 唔好成日話自己老啦~~~

2001年1月28日 (閒)

回港都已幾天了, 實際是年廿九晚九點幾返到屋企的, 算是趕得切食團年飯~ 但那天沒胃口食......

這次旅行的相片仍未沖晒, 有少少想睇相啦..... 講番今之旅行, 我會覺得係好玩o既~ 睇左好多野, 雖然話台灣好近香港, 好多野同香港都差唔多, 但係有好多同香港好唔同o既地方.... 麥記個經理會o係門口又唱又跳啦、 抵死電視節目啦、 排隊食街邊的阿宗麵線啦、 士多仔會賣o的貴o既high野啦..... 好多細微的地方, 都好唔同, 好得意... 用「騎呢」黎形容好貼切呀~~ 我好鍾意o個邊個個「年貨大街」, 我覺得好行過維園好多囉! 一直都聽人地話o個邊o的小食正, 又話夜市好, 仲有那些蟹粉小籠飽掂, 又真係唔錯o既~ 但係貴左少少囉....

回到黎幾日, 真係倦到出奇呀, 因為o係o個邊行左好多路, 人地用機車(電單車)行的路, 我都用腳黎行, 真係唔倦就奇啦... 所以, 呢幾日都訓左唔少!

呢幾日, 其實係好得閒, 冇乜野做 (應該要做fyp), 主要都係食同埋訓, 睇o下好悶o既電視, 個個廣告都係祝我呢樣, 祝我o個樣... 都好o既, 聽o下唔會蝕底嘛~~~ 我都想得到晒o個o的祝福呀... 但好似冇乜邊個廣告祝我學業進步咁o既??? 我好想進o下步喎.

一個人得閒就多搵o的野黎諗o下架喇, 似乎呢個係定律... 呢幾日呢, 我都有o的野諗o下... 人就係咁衰架喇..... 我係咪唔鍾意講自己o的野俾人聽呀? 不過有o的野真係唔知點講好~~

點都好啦, 我真係唔多鍾意我在別人心目中的形象架....

2001年1月22日 01:59 (在台北的網路瘋)

我黎左台北之後第二次online喇, 不過, 上一次因為太夜, 冇法同朋友們傾計, 今日就唔同喇... icq左都好耐! 黎到呢度, 都玩過呢度出名的廿四小時internet cafe啦!!

呢個trip, 都唔錯, 返到黎再慢慢講啦, 因為, 就快夠鐘, 否則又收一個hour的錢, 是NT60, 算ok, 不過, 為幾分鐘而俾多咁多, 唔抵嘛 :p

剛同nat icq, 先知佢呢幾日咁慘, 唉, 搞到我都有少少唔放心.....

2001年1月18日 10:19 (天晴)

上之update, 已經係好多日前o既事喇~~~

一陣間, 我就要出發喇..... 希望唔會落雨啦~~~

有機會的話, 見到我online, 可以同我say句hi架!!!

2001年1月10日 06:37 (好凍)

今天天氣開始好凍(起碼我覺得凍), 大家真係要多穿件衫呀, 否則好易病.... 阿nat都開始有o的o的似係病喇, 唔好病呀!!!!

我終於考完試... 考成點? 唔知呀, 真係唔知呀, 只係想一切都過關啦! 今次考試, 我覺得辛苦啦, 同埋, 我覺得自己係努力o既! 今次我個心態同以前有好明顯的分別... 分別就係: 以前我讀得卷, 讀得辛苦就會停一停, 休息! 但係今次, 倦都讀, 倦都讀.... 一訓醒又讀~~~ 雖然都係考得唔好, 但係都算係咁喇!! 當然, 可以做得更好啦!! 因為我真係考得好差呀!!!

考完試, 有乜做? 就係完成平日冇法完成的東西喇.... 家陣我一邊寫日記, 背脊有部電腦o係度裝緊Win2000, 我好想成功做到VIA Chipset + i740 + Win2000! 總之考完試的生活真係唔錯~ 但心裏總會擔心個exam result~~~~

其實, 話放假, 但係放自己兩三日之後, 又要做final year project的東西了~ 俾o的心機啦..... 鬼叫你讀is咩, 頂梗上啦!!

今天是Anita的牛一, 生日快樂!!!

2001年1月6日 03:22 (大傷風呀)

今日又考完一份卷, 就係那個所謂Lecturer的Joesph Ho教的Multimedia. 考成點? 其實, 我考之前真係預左會考乜, 因為J Ho放晒水, 有prepare, 仲prepare得幾好, 但係始終都係考得唔好! 唉~~ 冇法啦, 我真係覺得我唔適合讀書, 尤其係考試....

之前考過Business Law, 份卷我覺得係Scarlet出架, 因為睇o的題目, 好似見過, 仲有, o的人名係我o個班的人名黎架!! 有Ah Ming, Mary..... 不過, 裏面有一個名, 唔知係咪我, 叫"Ed"!!! 真係吹帳 :p 我都唔知點解, 由第一堂上佢, 俾佢認得, 就成日俾佢叫喇..... 佢份人係好好, 只係令我覺得, 我太受"重視"喇......

講開, 呢排我真係睇到好多我自己的東西, 有好有唔好啦... 不過唔好居多喇! 真係好多唔好o既地方喎... 點算呀? 唉....

計計o下, 個year 3過左一半喇, o係呢個sem學到乜? 真係好似冇乜咁...

• DIS學唔到佢想教我的東西, 明顯係我o既問題啦! 其實, 我好鍾意佢教o個o的野架, 不過, 都讀成咁 =(
• Multimedia令我走去學flash, 不過最後都係用html, 始終都係老本行嘛... 結果又係學唔到野!
• Law? 唉, 八點半堂, 上得少, 成日遲到(因為起唔到身), 只係知道你sue我, 我sue你.....
• Marketing, 都算ok啦, 但, 可能因為唔駛考試, 冇乜壓力咁.
• 最後就係會計喇..... 今個sem開始會得計喇! 希望ok, 因為仲未考.

就係咁, on居居又一個sem, 蓆~ 咁點算呀?!?!?!

遲少少真係要加番個留言版在我個homepage喇, 因為, 我開始想知邊個人黎過. 哈!!!!

(PS: 剛剛手快快咁走去close application, 但係, 咁就close左個icq, 收緊file, 斷左... 點解成日都做錯野架, 真係冇用~~~)

2001年1月4日 01:39 (溫書)

今天溫law, 唉, 好死呀~~~ 勁多野溫....

點都要爭氣少少喇!!

2001年1月3日 01:23 (新一年)

新年快樂呀!!!!

今日考左一科! 但, 好差.... 真係好差....

Tomorrow is another day!