2001年6月22日 01:28 (夏至)

今天好似係夏至, 以我僅有的地理知識, 今日天白天最長的一天, 亦都是我放假的一天.... 白天長的一日假特別見駛丫嘛, 哈~~~

今天, 去左沙田, 行o下街, 食o下野, 咁悠閒咁過左一日, 幾好丫... 不過, 今日真係太熱喇, 熱到有少少頂唔順, 成日都係一身汗咁囉.... 放假唔一定要走圍去先好玩o既, 可能真係返左工, 覺得清清閒閒咁過o下, 可能仲好....

今日知道左返工o個度呢, 個o個o的pages, 用global replace 時, 鏟錯左野, 唉.... 又係咁.... 明天是最後一日返vectors喇... 總結呢十幾日的工作, 就係做錯了很多東西, 見識到真係做solution的公司.... 點都好, 呢十幾日都係一個幾好的經歷.... 請食飯o個個, 應該係我!

2001年6月18日 03:15 (熱)

呢幾日我都有返工... 返到去都係做番差唔多o既野囉~ 冇法啦, 我係負責o個o的野!

早兩晚成班中學同學出黎食飯, 好多人, 有十六個, 阿sir都黎左, 幾開心丫~ 有人話我個人正經左喎.... 哈, 唔知係咪呢.

返多幾日有假放, 要開始搵長工做喇!

明天阿nat去澳門玩, 玩得開心少少..........

2001年6月13日 02:51 (天氣正常)

今日, 又係返去做scb的一天, 終於知道晒o的野點搞, 同時, 亦代表知道晒前面o的野點錯, 唉, 有排改呀... 冇法, 鬼叫自己之前戇居咩...

今日比較夜走囉... 回家條路都幾麻煩呀! 好彩, 最後都搵到條路... 我家陣在家update homepage架!

呢幾日都好大雨, 我次次都中到正, 濕晒!!! 真係衰!

明天要早起呀, 還是早點去睡!

2001年6月12日 02:18 (再次下著大雨)

下雨的日子特別麻煩, 仲要次次都等我在街上先黎落大雨.... 今日, 我在觀塘o個程路, 真係落 9C 咁落呀..... 搞到我濕透...

今日, 係第二日在vectors 做野, 今日換左個17" mon, 好好多, 因為早兩日個mon 少少矇架... 不過, 開始有少少悶囉. 好彩o的人唔悶, 仲有收音機o既森美同小怡...... 不過之前戇居居, 用錯左個template, 我之後真係要快快手, 改番晒佢先得!

昨晚, 出左街食飯, 好耐冇見佢地班人喇..... 大家都畢業喇, 祝大家快手搵到好出路.

2001年6月9日 03:50 (下著雨)

這幾天, 過的都是很悠閒的生活......

昨天, 同阿nat行左成日街, 去左太空館啦, 睇左《活力太陽》, 真係唔明佢個主旨係乜:p 後來又唱左k, 嘩, 三個鐘頭, 兩個人唱, 唱左好多歌, 不過舊歌居多..... 咁樣過一日, 好開心~ 其實, 活動冇乜特別, 不過兩個人咁玩番日, 真係唔錯! 仲有呀仲有呀, 佐敦間"澳洲牛奶公司"真係要bpr一下, 因為, 佢o的product咁好, 如果改善o下o的service, 生意會更好!!

今日, 去左剪頭髮, 剪得都幾短, 個樣都仲ok, 唔係太差, 起碼過到自己丫~~~

之後去左成班人(jason, carlia, ron, anita, kristy)食飯, 食野唔多, 影相就多, 哈, 佢地好喜歡影相呀...... 後來去左horse & groom飲野, 講左好多大學裏面o既野, 真係乜都有講, 我諗, 最開心o既係, 所有唔開心o既野, 都隨住大學生活過去而不復返....

明天, 去開工, 希望搞得掂啦!

2001年6月4日 04:30 (熱)

呢幾日, 都訓到好晏, 因為唔駛返學, 又冇乜特別野做, 所以, 訓得幾多~~~

今日我去左跑步呀, 嘩, 體能差到自己都唔信, 跑兩跑就斷氣咁樣喇.....

2001年5月29日 04:15 (熱的一天)

今日考左fb的strategy, 考成點? 唔知, 不過, 盡晒力去寫, 去吹, 做到手都軟架! 我仲威, 用埋is strategy o的野答落去, 實行一雞兩味! 其實今個sem o的野, 讀黎讀去都係都係o個三幅被~

考完試去左食肯德基, 食完大家講左陣野, 都幾開心呀... 尤其阿明o個o的 "睇落暖粒粒, 食落舒筋骨", 只見tiffany笑到有少少辛苦! 之後, 女仕們去左red earth入貨....

今日阿明講o個句"Friend is friend. Game is game." 真係有共鳴! 雖然, 佢講o個陣時又好笑左少少, 不過呢句好真.... 做乜講呢句呢... 佢話, 見過有人因為玩game, 玩玩o下大家哎交, 連fan都冇得做.... 其實, 為乜呢?!?! 有人會話, 睇清楚邊個邊個, 唉~ 點會冇bias丫..........

又要溫書, 明天e-marketing, 好運!!!

2001年5月27日 03:46 (很熱)

這幾天, 也到了學校溫書... 真係很多人unreal, 入唔到plab溫書囉, 去其他lab, 都幾靜, 可以溫到!

早幾日, 拿了畢業相, 唉, 影得好肉酸呀!!! 可能就注定係咁啦, 在city拿走的沙紙, 成績差, 連畢業相都差, 一切都係肉酸.... 仲要放得唔好喎, 有少少水蹟! 真係cheap.....

今日睇過fb o個科o的pastpaper, 唉, 冇信心去拿到分囉.... 點讀好呢?

昨晚, 執野離開project lab, 個感覺感真係唔好. 仲記得我搬部機入去o個陣時o既情景, o個時有個lab用, 同埋自己叫做有一部機, 好開心架..... 咁快就要走喇! 好多野執番出黎, 覺得好似好耐咁.... 但係, 其實都只不過一年都唔夠, 唔捨得架! 我部機, 得o個128m ram走去學人做server, 仲要個個人用都話佢快, 我花左好多心機去set佢架... 唉, 我一走, 就要俾tst鏟機喇...

都係要讀書喇....

昨天是子祺生日, 我點會唔記得, 廿二歲快樂!

2001年5月22日 03:14 (立立黐黐)

今天, 第一日考試, 係考BPR, 考成點? 唔知呀...... 只係知道我背好o既野, 入到去又唔記得. 不過, 今次都好好架喇, 因為我讀晒先入去, 仲要係讀左兩次喎!

呢次考試, 唔想考得差, 因為係最後一之exam丫嘛, 冇心機就係架喇, 可能真係因為之前o既project太辛苦啦! 好想快少少考完佢, 但係, 考完個試又可以做乜? 冇野做呀! 正式加入失業大軍囉!! 黎緊呢幾日都係要努力溫書, 或者話, 迫自己睇多少少notes啦, 希望任務成功啦!

阿nat每次考試就會唔多妥咁, 今次都唔例外, 俾心機呀, 好快就過架喇, 知唔知?

今天, 在巴士上, 又訓著左, 其實, 真係幾倦, 有好多濕碎的毛病出番黎喇, 例如個胃痛! 可能真係開始放鬆個人啦, 之前太忙, 唔多覺... 不過, 唔係話財多身子弱咩, 我冇財喎!!!!

2001年5月20 05:20 (少少熱)

頭先用自己個bookmark時, 發覺有好多broken link, 真係有少少唔滿意, 結果, 就走去改, 一改就花左好多時間, 加左個report broken link的地方.

但係, 最衰係.... 做完先發覺外邊support asp的server, 都唔俾我用佢個smtp, 唉, 最後, 都係投靠plab部server啦! 但係, o個個server都就快冇得用... 唯有到時先算啦!

2001年5月19日 02:58 (黑暗中)

為何黑暗? 因為有些昆蟲係見光就飛埋黎, 為左避開它們, 只好關了燈!

今日, 在學校讀書, 進度等於零!

最近呢幾日, 我發覺我個keyboard有一個現象, 就係成日用o的key, 例如: 字母, 半個space, 上下左右, 都係俾我用到好光滑, 但係, 有些key, 真係有塵架!!! 仲要係俾塵封住o個種喎~ 我就係咁, 會去用, 會去搞的, 就會成日掂; 唔用唔搞的, 封左塵都唔知! 我真係覺得, 我要diversify少少喇!!!

讀書去, 大家努力!

同埋, 多謝大家的留言!!!

2001年5月17日 13:55 (陽光普照)

這幾天也是溫習的日子, 但進度呢, 就真係強差人意喇.... 可以話係冇讀書o既心情囉...

做完個fyp之後, 都冇乜做野o既心情, 仲要加埋所有project都交晒, 好似忙完晒咁, 邊度會有心情讀書丫. 唉, 咁唔得喎~ 話晒都係考試, 計分架!!!

點都要考好佢!!!

2001年5月13日 (Finally, it's finished.)

整晚在上網, 到天亮也未覺半點累, 但是我知道是時候去睡了, 在上床前, 很想寫點東西.....

二零零一年五月十一日(星期五)係我學生涯裏面, 最後一日返學的日子, 真係百般感受....

o個日, 我八點十分回到學校, 好早, 我係第一個踏入課室的. 咁早返學, 因為要準備present e-marketing, 其實只不過係download個PowerPoint file. 個presentation真係麻麻地, 是但啦.... 下午三點半, 另一科要present, 係FB4303 Strategy and Policy, 做唔切, 大家都好趕, 都有少少發脾氣. 其實, 都最後一科啦, 唔好咁丫嘛~~~ 這個present, 都係好一般! 就係咁, 我最後一日的大學生涯就咁就完左!

三年大學, 就咁就完左, 呢三年, 好忙, 真係好忙, 忙到想搵多o的時間影o下相都冇, 最後呢幾個月, 想訓多一陣都冇~~ 忙碌o既生活完結, 好似應該好開心, 但其實唔係, 唔捨得? 又唔係! 其實心情有少少茅盾.... 真係唔知從邊度講起好........ 唔捨得o的人咩? 都唔係丫, 真係朋友o既, 我點都會搵番佢, 最多只係見少o的啦... 不過諗真少少, 識o既人就好多, 朋友就真係唔多喇! 唔捨得個project lab? 唉, 又細, 又亂, 仲要又嘈又臭... 邊會唔捨得丫. 或者, 我最唔捨得o既, 係在project lab裏面, 大家辛苦捱過o既日子啦. 一起身就返學, 返到去通常都勁眼訓, 食o下tea, 之後, 可能樹記, 可能飯盒(其實都係come from樹記), 等到"請注意... 請注意..."就走人, 係辛苦, 但係個感覺係: 有人陪! 好過坐響屋企, 日做夜做, 都只係對住部電腦, 頂多有個"喔噢"! 所以我成日都話, IS學生, 對人歡笑背人垂淚, 真係冇乜錯架.

這三年真係好快, 有好多好多人擦身而過, 當中有o的能夠成為朋友, 點都好啦... 多謝你地, 俾我好多好多開心同唔開心o既日子(開心>唔開心).... 同埋, 係你地令我長大, 從第一日eec, 到今日, 我都覺得我變左好多....

用番周東生o個句說話, "Finally, it's finished."

2001年5月4日 (好似落過少少雨)

好多日冇寫野喇. 因為實在太忙太忙! 訓得好少...... 做乜會做完exhibition都咁忙? 其實, 係因為出完exhibition, 有好多report都交, 成個sem都只係顧住做fyp, 冇理過其他科, 家陣係時候還架喇....

呢幾日, 係好忙, 又訓得少, 但係個感覺同做fyp好唔同, 係唔想做... o個時做fyp, 係點死都想死得掂佢... 真係好大分別... 講開fyp, 我o個組, 唉, 組員甲同組員丙昨日終於忍唔住... 唉~~~ 呢樣野, 真係唔想!

仲有一個week個大學生涯就完, 為乜唔俾人休息一下呢~ 真係好想玩o下! 或者, 考完呢次試, 休息一下先啦, 我唔想六月就返工, 點都等到七月先... 哈, 不過, 有人請我先算啦! 講開忙, 仲記得我中七o個陣時, 有人話, 你家陣辛苦, 入左u, 就好得閒, 好好玩架喇!!! 呃人架!!!!!

琴晚, 用learning park裏面, ebiza部pdc做野, 個mon好矇, 搞到我今日隻眼好倦, 真係慘!

今日本來要present, 但好多阻礙, 搞到下個week先, 咁我下個week就有四個present喇... 真係想死!

大家都要俾心機呀!!!

2001年4月24日 (少少熱)

昨天傍晚, 專登返學校影相.... 就係影畢業相喇! 真係著住晒袍咁影架!! 好開心.....

著住件袍o個陣諗, 咁就三年, 好似好快咁.... 其實, 諗番都經過好多好多野先到今日~~

行到埋去影相o個度, 見地下畫晒箭咀, 又要頭郁身唔郁, 都想笑出黎.... 好似好假咁囉.... 搞到好鬼"烚熟". 冇法啦. 鬼叫忍唔到笑咩.

唔知點解, 自從exhibition完左, 個人好似倦左好多咁, 每次坐車都係訓到傻晒, 上車訓到落車!

串錯左人名添! sorry!

今日阿神生日, 22歲快樂呀!

2001年4月21日 03:58 (潮濕)

Final year project 的 exhibition 終於都完了! 好倦...... 一來係咁多日的辛勞, 二來係呢幾日由朝企到晚...

今日有o的激氣啦. 返唔切學校做demo.... 唉, 意外.... 點都好, 今日exhibition完o個時, 真係好似放低左一樣好重要o既事咁, 成個人都輕鬆左..... 真係有少少唔捨得, 因為咁多人一齊有同一目標o既機會, 真係唔多...

今日好多人影相, 我都俾人影左好多... 好開心, 我都應該行動o下喇!

2001年4月19日 03:35 (毛毛雨)

今日, 係Nat的生日, 希望佢日日都咁快樂, 當然啦... 生日就更係要快樂啦!

上一次寫日記, 係11號, 過左咁多日先再寫, 真係因為太忙太忙, 訓得太少!! 如果要命名這個星期, 我會把她叫做Final Year Project Week! 真係好悲架! 日日一起身就返學校做野, 做..... 做..... 做到倦, 都冇得休息 =( 為都係為左個exhibition....

今日算係exhibition第一日, 我話我地成班year 3俾人罰企囉.... 都唔算愁架喇, 比起昨日, 真係天堂好多架喇. 話說昨日....

昨日係prepare fyp exhibition最後一日, 阿Louis Ma要睇晒所有project, 睇o下俾唔俾出! 唉, 放左咁多心機落去, 如果真係到最後一日先話唔出得, 會好傷好傷囉.... 所以, 都好驚架! 好彩, 我有得出! 之後成日, 好多好多濕碎野, 搞極都好似冇做過野咁, 個手提由朝響到晚, 一日之內講左三格電, 都算係一個紀錄喇! 琴日真係做到想喊, 一黎多野做, 二來受好多氣, 三來真係倦到癲 (我好耐冇訓覺架喇...)

講番今日喇... 見到個個project放出來, 都有野睇架.... 今日班大粒佬, 黎睇過o下.... 有人讚就梗係會開心, 我更喜歡那些俾意見o既人... 原來, 有好多野, 真係冇諗過架.....

做到家陣, 你問我俾自己個project幾多分? 學阿Brian啦, 六分, 俾自己合格! 唉, 其實我認架... 我真係有好多做得唔好o既地方架!

好喇, 訓喇... 明天仲要exhibition呀!

2001年4月11日 16:59 (涼左好多)

嘩, 前日我見到落雹呀, 真係好大粒架, 比起無線影出黎密好多架, 同蘋果日報的相片差唔多啦!! 我信一樣野, 就係落雹就係不祥... 呢次唔知係乜事呢? 不過, 我昨日就見到少少奇景喇已經.... 唉~

呢幾日呢, 繼續見到好多睇唔過眼的事情發生... 唉, 大家唔好咁細路仔啦, 睇野睇遠少少好唔好??

頭先, check mail見到出左schedule影畢業相喇... 真係話咁快就有得影, 我忽然間諗, 如果我畢唔到業, 係咪都照去影呢可??

琴晚, 收到鷓鴣的icq message, 佢話好耐冇見過大家, 不如在esater約出黎啦... 唉, 我easter應該忙到七彩, 因為個死人exhibition!! 我諗, 我黎唔到都唔定喇, 不過, 有時又真係幾掛住佢地o既~~~~

2001年4月8日 15:44 (立黐黐)

呢兩日(尤其今日)好立黐黐, 唔係好舒服咁. 仲要加上我對眼好痛, 真係唔係好好過!

近排身邊好多人好多事我都睇唔過眼, 或者話, 我呢排乜都睇唔過眼啦...

有說project lab有鬼, 我都覺得係, 好多解釋唔到o既野會發生! 唉~

2001年4月4日 09:29(下雨)

這幾天, 都不太專心做野, 所以, output自然少! 可能同剛剛安裝了broadband有關吧!

唔知人幾多人realize到這一版架左個counter呢? 個counter加左兩日, 第一版有27個人, 這版就有35個人. 我地make個assumption, 兩日裏面有一半人是重複的, 那麼, 來我這一版日記的人合共有23.3個人黎過!

今日係阿陸敏琪生日, 生日快樂!

2001年4月2日 04:40 (窗外有麵飽味傳來)

這裏, 久不久夜裏就會有麵飽味傳來, 因為附近有麵飽店, 為左大清早就有麵飽供應, 不免在未天光就要開始做麵飽.

今天好肚餓, 因為成日都係訓, 訓到好晏先起身, 搞到中午飯都冇食, 大佬打俾我, 問我去唔去飲茶, 我都唔捨得張床, refuse左冇去..... 結果起身就係咁e食少少野!

家陣算是精神, 但冇乜做過野, 明天要努力了!

我諗, project lab 打擊食物事件都差唔多完結, 我地一定會照食野, 肥婆一定會照捉人.... 我覺得呢件事好無謂囉.... 可能高層係覺得我地嘈啦, 但係做乜要捉人食野呢? 我地開飯佢又未見過, 如果要我地靜少少又為乜要捉我地食野呢? 真係唔明.... 唔通真係學jason咁講, 覺得個肥婆窮, set條rule出黎俾佢搵o下外快? 不過, 都係alex正, 走去報案, 拍佢門話: "唔好睇報紙喇, 去收水樽啦, 好多水樽!"

2001年4月1日 01:44 (少少熱)

呢個真係資訊年代... 昨晚的日記, 寫錯月份, 今日就有幾個人提醒我, 包括在guest book, icq話我知, 你地真係好快.... 唔該!

今日, 晨咁早返左去聽market 個 guest talk, 咁鬼倦, 點會有心機聽丫, 都係為左個attendance之嘛, 結果我中途出左去食早餐, 入返個LT, 都係發o下夢.... 之後就冇乜做野喇!

今日我俾自己休息o下.... 好似好奢侈咁, 我都覺得係, 但係, 真係覺得自己倦到發左癲, 再唔休息o下, 真係會死!! 所以, 去左行街..... 想買少少野, 但係冇收獲囉....