2001年9月23日 (涼了少少)

我想, 我想冷親了, 鼻水長流, 喉朧好痛......

我花了少少時間, 改了homepage的頭版, 因為, i.am 的url forwarding 就快會冇得用, 會轉去用 come.to/ahmat , 即係以後黎我homepage, 要用 http://come.to/ahmat

其他的update會陸續出現!

希望大家都喜歡新的layout啦! Click here to view

2001年9月20日 03:41 (一號風球)

嘩, 原來懶o下又一日, 懶o下又一日, 成十日冇update過日記.... 真係要頻少少update喇!!

呢十日裏面, 都做過唔少野, 完成左五日o既《星光伴我行》, 同埋成功咁谷到粒cpu.....

星光伴我行... 我上個星期, 去左一間弱智人仕的中心做, 雖然做o既野只係照顧一下佢地, 同埋睇住佢地, 或者係教佢地少少野.... 但係, 都睇到, 明白左好多野.... 我真係會覺得, 班學員(我地對服務對象的稱呼), 只係在一個同我地唔同o既世界, 我地好多時都冇法子去明白佢地o既野, 同埋, 其實, 佢地當中有o的真係天才黎架!!! 我會覺得, 我地其實好幸運架喇, 起碼, 你同我都知道自己做緊乜野.... 比起好多人, 真係幸運到不得了~~ 其實, o個度o的學員, 有o的係朝思暮想, 都係想到中心外行o下, 或者返屋企, 但係, 佢地完全唔明白, 外邊o既世界, 對佢地o既態度係點... 有時, 真係覺得佢地幾灰架...

上次寫, 我咁多手, 我會谷起粒cpu, 結果一得閒, 就即刻overclock喇... 嘩, 粒celeron 600, 谷到上845, 好似仲stable過未谷之前, 真係講都冇人信! 起碼, 呢幾日都未hang過機丫!! yeah~~~

過往一個星期, 大家的目光, 總離不開美國的恐怖襲擊.... 我第一次聽到呢個消息, 係阿潛拿住CALL機, 讀那些新聞俾我聽, 我當時的反應是「唔係呀嘛......」 但, 怎也想不到, 情況居然比我想像中嚴重得多!!! 看著電視畫面, 真係冇乜野諗, 亦都冇乜野想做, 只係不太想信, 覺得只有在電影才能發生的事, 竟然發生了!

事發多日, 發掘工作仍繼續, 但相信能找到生還者機會很微. 我的確欣賞美國人的團結, 這樣的團結難在香港發生, 起碼我覺得香港人就是這樣的糟~~

這幾天, 知道美國想出兵, 唉~ 我一向都唔清楚呢o的野, 不過, 我知道戰爭係好恐怖o既.... 我會明白, 美國全國都好忿怒, 人係有報仇心理, 但係, 用好簡單o既道理去諗, 武力只會令事情越來越糟....

2001年9月10日 03:41 (悶熱的一天)

今日, 約左year 3 sem b marketing minor o個組的組員出黎... 好耐好耐冇見佢地喇, 出到黎, 傾左陣... 不過, 阿jacqueline o下o下疾住晒... 永遠都係要咁, 真係衰!!! 不過, 由得佢啦, 咁耐冇見~~ 唔好成日同阿lock嘈喇, 相哎唔好口呀!! 佢俾左兩張最後一日返學o個時影o既相我, 哈, 見番幅相, 我o個時個樣乜咁倦架?!?!? 哈, 家陣真係訓多左好多好多呀!!!!! 各位, 努力工作呀, 小弟希望快快手, 搵番個自己o既崗位, 同大家並肩作戰呀下~~~~

早幾日, 我行行o下灣仔, 見到有o岩我用o既cpu賣, 三百幾蚊, 買左!!! 插左落去之後, 部機梗係快左啦! 好開心! 家陣, 用緊Celeron 600..... 同埋, 順便插埋之前用唔到的ram, 又用得喎!! 家陣有512M Ram... 部機順左好多呀! 我呢o的手痕之人, 遲o的諗o下谷起粒cpu佢先!!!

早幾日, 阿潛一個電話打黎, 問我去唔去佢centre做幾日, 我一口應承左! 其實, 我覺得真係幾得意架, 有少少似《星光伴我行》咁, 不過, 有少少擔心會做唔黎囉~~~ 有樣野真, 我會努力做o既! 早兩日, 去過間centre, 真係見到好多野, 真係同我地平日o既世界, 好有分別..... um.... 等我做o下, 慢慢先至再寫啦!!!

2001年9月4日 20:45 (有雲)

今天, 由起床到下午, 都係毛毛細雨, 我就係咁架喇, 下雨天總是提不起勁出街.... 直到黃昏, 到外邊走了走......

食完飯, 休息了一會, 去了做gym, 今次, 比上次辛苦, 頭先沖涼前, 對手真係軟晒, 家陣好好多喇~~~ 我做gym o既favourite, 係划艇, 我幾鍾意o個部機o既感覺, 雖然, 都係死拉爛拉, 喜歡就係喜歡.....

做gym後, 見到一樣幾開心o既野, 就係見到我早排救番的一隻貓... 唔知有冇o係度提過, 早排, 有一晚, 我見到隻貓仔o係馬路邊, 好危險, 我把牠推番入行人路... 今晚, 我見番佢! 佢大隻左少少, 真係好開心見得番佢. o係上次咁上下位置, 原來隻貓呢, 係間生果舖養架!!!

琴晚, 同阿七去左銅鑼灣"hair".... 去左打機, 哈, 好耐冇同佢一齊"開槍"喇, 最後發覺: 老喇..... 其實, 之前都有一個人去打o下機, 結果都係一樣, 好唔掂... 算啦!!! 哈..

2001年9月1日 04:30 (潮濕的天氣, 特別辛苦)

真係唔知點解, 早兩日好倦好倦, 係咁訓.......

其實, 早兩日, 去左睇A.I., 嘩, 正~~ 成齣戲我都好鍾意, 個故事好簡單, 但係, 講左好多野出黎, 有好多位俾觀眾去諗... 而且, 特技都交足貨. 雖然, 後尾有少少悶啦.... 整體黎講, 套戲好正! 起碼, 我鍾意~

失業大軍少左一名"猛將"喇.... 阿蓆, 快手搵個適當o既崗位, 離開失業大軍啦~~~~

今晚, 在屋企附近見到好多hku的學生, 因為orientation, 全部著住同一樣color的t-shirt, 真係諗番起我入u o個時, 去o camp, 真係好似好近期o既事.... 話咁快, 就話畢業, 仲要失埋業添~ o個一刻, 有少少想返去讀o下書...

講開讀書... 琴晚, 去左阿陳盈光個 homepage睇過, 忽然間, 好想好似佢咁, 去外邊走個圈.... 離開一下自自己熟悉o既地方...... 我講o既, 當然唔係出去玩幾日o個種啦, 而係出去外邊生活一下...... 去睇o下外邊o既世界~~ 條友(frank)真係冇根架... 家陣, 去左Berlin喇. 不過, 有樣野都仲算好~~ 佢話, 十二月會"返"香港..... 佢用個"返"字, 即係仲記得香港係佢個"家"....... 哈, 睇o下到時, 條友又係一個咩樣啦!!!!

早兩晚(唔記得邊晚lu).... 有人忽然間一句icq msg 彈過黎, 好"應".... 講中晒!! 所以, 我話佢叻!! 到底, 其他人係睇唔到我諗乜, 定係唔出聲呢?!?! 定係, 我真係乜都收埋收埋~ 唉~~ 唔知!!!

今晚, 同班人(洋, 錢, 小俊, 永, 聰聰, 梁穎佳)食左一餐巧合的飯, 好耐冇見佢地喇.....

2001年8月30日 19:44 (不太熱)

今日, 全日都係訓覺, 由朝早訓到黃昏, 我覺得開始作病喇.... 可能因為間房個冷氣太凍啦.

琴晚, 好夜先訓, apply左好多份工, 唉, 今次唔知點喇...

2001年8月29日 05:00 (間中大雨)

改信改了很久, 始終都覺得唔好, 但係總唔想搞到封信長氣到死.... 有少少唔知做緊乜咁, 結果, 諗到人地未必會睇, 結果, 可能因為這個原因, 就完成了, 其實, 我都仲係覺得唔好架! 頭先, 在星島jobmarket剪報紙, 其實, 都唔多想剪, 因為, 好似明知寄左都唔得咁.... 但係, 話晒都係一封新信, 即管試o下啦.... 唉, 咪搞到好似o的細路仔, 俾老師迫做勞作咁, 拿著剪刀, 將o的recruitment ad剪落黎.....

這兩天, 我好倦; 這兩天, 我好悶.... 唔知係唔係因為我太悶, 所以覺得倦, 定係點解, 今日晏晝, 忽然想訓, 一訓就訓了個半鐘, 勁~~ 其實, 沒甚麼好做, 外邊不是勁熱便是下雨, 即係代表出街如果唔係出汗出到濕晒, 便是俾雨淋濕, 冇癮! 都係留在家, 但係, 想聽森美小儀, 都冇得聽, 因為佢地要采排咩野"十九樓半的夏天"....... 結果, 又係走番去聽芝See姑B!

頭先同朋友講, 這兩天好悶, 佢第一句就問: "u miss ???" 知道佢想問乜, 但係, 唔知道點答.... 雖然, o個o下我俾左個答案佢, 但係, 真係未諗清楚就答左. um.. 間唔中啦~ 間唔中會在腦海一閃而過...

前晚, 同阿珊icq, 我俾左我手提佢, 叫佢有咩直接搵我, 那感覺, 真係有少少古怪, 佢又聲稱搵我食飯喎, ,哈~~~ 都係得個講字架喇....

明天會去睇A.I. 希望會好睇, 因為口碑真係幾好!!!

2001年8月28 04:08 (有雨)

今日, 都幾早就俾老逗整醒左, 食完飯, 再訓一陣, 點知又俾佢整醒多一次, 真不是味兒.... 下午整天坐在電腦面前, 改信, 改到勁悶........ o個時勁想出街, 忽然, 阿anita打黎, 嘩原來約左幾個人食飯, 咁梗係去啦...

阿神介紹我聽芝See姑B, 次次聽都有少少啟發~ 都係一個好介紹! 聽芝See姑B, 就係聽好多好多人send去的fax, 好多好傻, 好多好冇理由o既事, send去電台, 同別人分享.......

星期六, 同阿七食飯, 佢買左本字典俾我, 勁正, 真係勁正, 係一本廣東俗語, 譯做英文的字典.... 多謝阿七! 仲有, 鷓鴣部機終於搞掂, yeah!!!

2001年8月23日 01:57 (熱, 而且焗)

"日日運動身體好, 男女老幼做得到"...... 頭先, 去左做gym, 感覺好似包左間gym room咁, 因為, 得我一個人在做.... 今日, 我覺得自己以一個"逃難mode"去做gym, 因為, 又划艇, 又踩單車, 仲要勁跑步~ 仲唔係逃難?!?!?

呢幾年, 肥左好多, 同埋, 體能差得很.... 好想練番好個身體, 同埋, 操fit少少自己, 我成日都話架, 我曾經fit過架.... 我呢個高度, 以前試過117磅... 冇多餘脂肪架....

仲有, 貪心少少, 想練o下游水....

2001年8月20日 04:40 (熱)

剛才在街上, 見到成班中學時的同學, 原來梁子傑生日, 祝佢生日快樂!

越來越發覺自己的東西要執拾一下, 很凌亂, 很多沒有的東西, 還是的起心肝, 把沒用的東西, 拋走啦.... 反正, 我的地方不多, 留下來, 只會把一切搞得更亂....

很倦.....

2001年8月17日 03:51 (間中有雨)

今晚唔開心.... 這幾天, 樣樣事都難提起勁... 最難過o既時間, 係入夜之後, 總係特別懷念以往o既日子. 好多朋友都同我講, 你都唔似有咩唔開心, 其實, 我會答佢, 我唔開心o既時候, 你睇唔到o者~ 其實, 冇刻意隱藏自己心情, 只係大家睇唔到, 又或者我個人就係咁, 任何時候都係一樣的樣子.

o的朋友對我真係好好, 都好擔心我....

唔知第日, 睇番轉頭呢段日子, 會係有咩感覺, 會笑? 會後悔? 會覺得自己好傻? 點都好啦, 將來一定會變, 但係, 呢一刻, 的確非常想念你.

2001年8月14日 01:59 (熱)

要記住2001年8月12日......

唔開心!

王菲的歌, 係你先揀到
If I'm not back again this time tomorrow
Carry on, carry on as if nothing really matters

2001年8月11日 03:50 (有雨)

今天, 出街時天色好好, 但不久就下大雨, 沒帶傘... 咁就俾佢淋到濕晒! 今天, 在銅鑼灣下車時, 見到有陽光, 同時又在下雨, 當時好期待見到彩虹, 因為我在相似的情況下, 見過彩虹, 但今次看不到.

幾天沒見阿nat, 今日同佢食飯, 見佢好病咁, 真係擔心.. 快o的好番啦!

這幾天, 有繼續send信, 同樣, 冇回音... 真係弊!

2001年8月6日 03:37 (又熱又立)

好慶..... 點解咁慶? 今日去換mother board, 點知, 俾條友仔是但up 兩句, 打發我走, 早知就唔好俾佢捉到痛腳啦, 仲要叫我返去試..... 試左好多次, 真係好多次, 發覺唔得.........

我始終都係覺得塊mother board有事, 呢塊板, 我install左不下廿次win2k, 都係失敗!!! 咁肯定係mother出事, 係因為, 其他component, 換得o既, 我都換過晒, cd-rom, hdd, cable, floppy.... 全部試過... 今次, 睇o下videocom係咪真係有壞包換, 如果唔係, 我總相信asus會換俾我....

今日, 出街行o下, 買o下衫, 結果, 收獲係一條特價褲, 都唔錯!!

今晚, 睇左Hero, 又幾好睇喎~~ 追落去先, 最衰, 部錄影機壞左丫.....

明天又要返scb, 唉, 快o的完啦~~~~~~

2001年8月5日 04:18 (熱)

呢排天氣好唔穩定, 今日好好陽光, 亦都代表個天氣好熱... 下晝o個時, 太熱喇, 走過隔籬房涼冷氣時, 訓左... 一訓就兩個幾鐘, 哈~~~

今晚, 成班親戚食飯, 其實, total得八個人, 都唔係好多人, 因為, 係我老逗幾姊弟約出黎食飯o者, 話係因為我終於都畢業, 所以, 就食飯喎~ 我成日都話, 坐多幾年就大學畢業架喇, 冇乜特別o者. 今晚, 我又一次覺得佢地真係老喇... 等我搵到工, 請番佢地食番餐啦.

呢排, 都好似冇乜野好download咁, 今晚, 搵左兩個icq patch, 一個係令到icq show其他人個ip, 另一個係令個icq唔show banner ad的. 終於都搵到個冇問題o既patch喇.... 好開心! (邊個要, 可以叫我俾佢)

2001年8月3日 03:40 (有驟雨)

是時候去訓了, 但想留幾個字....

今天, 的起心肝send左幾封信, send左個lower limit, 日日都要send, 希望快o的搵份工...

但係, 點知今日出街寄信, 有帶傘, 俾雨dup到一身濕晒, 真係冇運~~

阿爸呢排有少少橫財運, 希望快o的中條六合彩頭獎啦!

2001年8月1日 01:56 (很熱)

好似好耐都冇update, 雖然今晚好倦, 點都要寫少少野....

今日, 同鷓鴣砌機, 唉, 真係唔知乜事, 裝唔到OS, 要慢慢試~~

呢幾日都有頭暈o既感覺, 我相信係因為天氣實在太熱喇, 我呢o的咁怕熱o既人, 梗係有事啦, 未死算偷笑... 天氣實在太潮濕, o的汗出左, 散唔到, 好弊!!!

上個星期打左一日風, 好無聊的一日, 之後同阿潛, 同埋佢父母去左澳門... 都算幾好玩啦, 今次係我第一次去澳門, 地方真係好細, 諗唔到, 在香港隔籬有個咁o既地方... 其實, o個邊冇香港咁大生活壓力.

呢排間中都去o下scb做野, 唉, 做埋呢兩個week啦, 應承左, 唔做又唔好, 是但啦... 不過, 快手搵份長工啦....

呢排, 都間中有搵o的朋友食o下飯, 見左o的平日幾少見o既朋友, 係放假先至可以咁喇, 都幾好丫.

2001年7月24日 (熱)

這幾天, 都是悠悠閒的, 沒甚麼特別的做....

homepage的新layout在製作中, 不要抱太大期望, 只係現時layout的改變.... 在testing時發現, 在netscape看有問題... 又係netscape, 我就快去放火架喇....

2001年7月18日 00:31 (下雨)

這幾天, 又下雨了, 真係唔明, 點解今個summer成日都落雨呢... 我真係唔多喜歡下雨, 因為好唔方便, 同埋成日都濕立立, 我呢o的咁大汗o既人, 去到邊都係成身汗, 唔多好囉.

今晚, 我諗要早少少訓, 因為明天又一次被招入伍, 再上scb, 好似話阿ken會去, 當然, 唔少得小魚啦!

今日, 去左鄭元山新居(即係鄭劍豪新居, 皆因佢地同居), 上去睇百萬富翁的錄影帶, 期間, 阿明打俾我喎~ 原來係brian搵我, 佢打黎, 問我好唔好去vectors做contract, 試o下響佢度做... 其實, 我真係乜都未知, 隨遇而安啦!

其後, 去左cityu搵hans,公安食tea, 點知, 食食o下, 阿jason居然打黎, 仲返埋黎一齊食飯, 後來, 阿nat又打黎, 又黎埋.... 最後, 五個人就食左餐幾巧合o既飯, 幾開心呀..... 不過, 見佢兩個都執得幾正, 有少少覺得佢地大陣象左少少囉...... 是但啦, 佢地咁樣, 好似幾開心咁.

聽日唔好落雨啦不如..... 好冇?

2001年7月15日 03:16 (頭痛)

北京成功申辦奧運, 係件開心o既事, 我都有o的開心, 見到電視上, 北京人民咁開心, 真係有少少去想行o下. 琴日, 收到阿團長o既postcard, 佢身在北京工作, 我諗, 佢可以睇到咁多人慶祝o既場面喇... 等佢返黎, 問o下佢先.

我又再得閒lu, 搵o下工啦..... 做o下想做o既野啦.... 有時都覺得咁幾好丫, 哈, 起碼, 可以去用學生証, 享受o下那些非繁忙時間discount呀.....

在icq上, 呢幾日都冇乜特別野講, 見到maggie陸話學o下倉頡咁.... 俾心機啦!

今日電話冇電........

2001年7月14日 02:39 (下雨)

今日, 我放左一日假... 因為琴晚在scb做到好夜好夜. 做完呢兩日, 得到少少結論, 小魚係好好人, scb班職員好衰(一黎把口衰, 講野好多骨, 仲要駛人駛到好盡), 以下係o個班人o既衰野實錄:

個file明明未upload上ftp server, 我問佢點解冇, 佢埋黎睇, 睇過真係冇, 咁佢一邊講話明明upload左, 行番埋個位度, 一陣就有番喇, 再加多句:"明明upload左....." 呢個人係叫Codie.

又有一個人, 拿住張hardcopy, 大聲說道:"到呢個時候仲會有個窿(爛gif), 你話係咪好珍貴呢?!?!?!" 呢個人係叫Simon.

到左五點, 叫人不如你返去訓兩三個鐘之後返黎公司啦, 加多句:"你唔訓唔好o既....." 呢個又係Simon.

做乜講晒o的人個名出黎? 唱衰番佢地囉, 非常非常之唔抵得佢地o既行為, 難為小魚對左佢地咁耐.....

所以, 好鍾意阿王傑o個句..... "報警囉....." (當時有人好吋咁問佢做乜做錯野.....)

最後, 好想scb俾o的training佢o既員工, 教佢地按browser的refresh!! 佢地因為唔按refresh, 搞到我浪費左好多時間去睇一樣做好左o既野.

2001年7月12日 02:25 (熱加濕)

今日, 係我第三次返Vectors做野, 返到去, 個個都講兩句, 感覺幾好.... 今次係去scb做, 真係深入龍潭虎穴..... 今次, 係同小魚上去做野 (好似明天王傑都會入局).

今日, 我覺得自己幫唔到小魚, 因為我真係唔識做.... 可能有人會問, 做乜搞到html都唔識做呀, 因為, 佢要我改o既野, 我又冇乜跟開, 仲有, o個度個衰firewall, 乜都block晒, o的人係用telnet去改file架, 唉, unix... 我唔識, 學小魚話齋, 都係時候學架喇.

真係唔係好想咁囉, 叫我去幫手, 但係就幫唔到咩手, 好似好cheap咁....

今次, 去到scb個office, 又一次感受到大公司o既office, 好唔鍾意o個種atmosphere.... 到底係我唔鍾意靜, 定係唔鍾意做野呢? 我自己都唔知.

呢排都幾多野諗呀... 都幾弊!

2001年7月11日 03:12 (熱)

嘩, 睇一睇, 原來上次update, 已經係成十日前... 我呢個網主, 真係想趕visitor走. 真係唔知點解, 唔駛返學之後, 好似冇乜motivation去update......

明天又會去Vectors開工, 早排都番左去開兩日工, 明天又返去, 不過, 今次有少少唔同, 今次係直接去scb做, 不在vectors的office做lu... 唔知會點呢~~~

上個星期, 冇野做o個幾日, 都係悠閒中渡過, 有搵過工, 不過, 冇reply... 都預左架啦, 家o下咁多fresh grad, 大把俾人地去揀....

阿nat就開始左返工, 佢話好多野都唔多識做囉.... 其實, 個個都係咁架啦, 在學校學一套, 出到去又另一套....

琴日, 返左king's, 同詩農, 文x, 曾浩洋, 等人飯o下飯.... 期間居然關子祺忽然出現喎~~ 返到去, 見到龜婆 (F6-7 Pure Maths Teacher), 同佢講左兩句, 結論係: 佢唔記得我pure 咩grade, 否則, 唔會唔對住我笑, 哈!!! 今次返去, 真係會覺得咁就三年, 好快, 但係呢... 中學o個o的野好似係好遠好遠o既事咁.

終於講到今日喇... 我裝番個modem落個電腦度, 為乜? 就係為左send fax 囉, 每封application letter, 如果係郵寄, 大約要兩蚊(包影印費), fax平好多呀, 哈...... (其實係懶print信封)

2001年7月1日 00:00 (三號風球)

黎緊是香港回歸紀念日, 對大部分香港人黎講, 最大o既意義係有幾日holiday, 但係, 對我黎講就呢個意義都冇埋, 因為, 我真係冇乜特別野做.... 好清閒, 好似退左休咁!

原來好多日冇update喇, 講番呢幾日啦, 先從今日講起.... 今日, 係六月三十日啦, 今日我好早起身, 專登走去匯豐, 取消晒所有戶口, 之後就回家. 其實, 我會覺得, 匯豐呢次話收錢, 真係為好多人帶黎麻煩, 其實, 佢都有錢賺丫, 唔駛咁去再收費丫其實.....

早幾日, 去左大嶼山camp, 都幾好玩, 今次大嶼山的camp, 三日兩夜, 係結合左兩個唔同o既camp架, 第一日真係一般, 第二, 三日就好玩o的... 最正係個海灘啦, 真係好有feel架, 但係陽光唔好, 美中不足囉! 天氣如果能夠涼少少就一流喇~~~

又係早幾日, 公安, hans, 阿don, 我, nat 出黎食左餐飯, 大家都係咁上下啦, 冇乜點變, 係阿don肥左好多囉!!

呢排因為冇工返, 比較得閒, 所以, 愛上了看日劇, 先來一齣"Love Generation", 之前冇睇過, 嘩, 原來真係幾好睇, 琴晚一口氣睇多好多集呀!!! 佢結局o個兩集真係好緊張..... 看完之後, 結論係, 大家都係劇集, 香港o個o的, 真係要爭氣少少... 人地製作真係認真好多!!!