2001年12月31日 01:55 (仍是涼)

做乜寫完又寫? 就係因為頭先忽然間記起, 有o的野好想寫, 但係未寫.....

星期六下午, 同班中學同學出黎, 因為hku的人影畢業相, 哈, 在hku影完, 返左去king's行左一陣間, 真係幾過癮! 返到去, 都有幾多野係唔同左, 感覺就係成間都翻新過咁樣, 但係, 返返去7C班房, 個感覺係一點也沒變, 地板仍是梅梅爛爛的, 班房的味道一點也沒變, 就連黑板上那兩支快要掉下來的光管, 都仲係咁樣... 睇番咁多舊野, 大家都有少少興奮, 影相啦, 坐o下自己以前個位啦.... 好過癮, 最後, 大家竟然發現左一本書..... 唉... 算啦, 係咁架喇!

琴日, 睇左千與千尋, ok啦, 好多得意野, 琴日, 同阿maggie陸去睇啦, 我諗, 同佢睇會開心過自己去睇, 因為要用一個天真少少o既心去睇呢o的戲o既.....

阿陳盈光返左黎喇........ 歡迎歡迎(國語)......

2001年12月30日 20:39 (涼的一天)

今日, 我正午十二點醒過, 再訓, 嘩, 點知四點先識得再醒..... 算從返工之後, 就會一訓就好似大昏迷咁.... 可能因為平日唔夠訓啦!

其中有一晚搞到好夜先訓, 係因為翻晒左之前影的畢業相, 要分番開一疊疊, 咁一搞, 就搞到好夜好夜lu, 不過, 分好晒, 先至知道, 原來自己有咁多朋友.... 仲要好多都唔係hi & bye的!

今次翻晒相片, 真係要特別鳴謝阿jason, 係佢幫我畫菲林架, 真係數人頭數到佢眼都盲.

聖誕節假期, 真係俾我叉番少少電, 個人都fresh左唔少, 不過, 仍然好想放大假, 呵~~~ 唔知幾時先至可以有大假呢可...

呢排, 個人比較唔隱定, 有時好開心, 有時好唔開心咁.....

明天是大除夕, 咁又一年喇, 老套還老套, 都係o個句, 希望出年樣樣都咁好, 各位 "新年快樂" 啦!

2001年12月24日 02:33 (平安夜)

這幾天, 天氣好凍, 好彩, 我尚算健康, 希望可以keep到唔駛病啦!

已到了平安夜了, 今年的聖誕, 我收到一份好好的禮物, 就係老闆娘的利是, 人人有份, 哈, 我很貪心呀, 呵呵呵....

今年, 買了聖誕card, 但沒有寄, 因為, 自己也不知到底寫甚麼好.... 我覺得, 如果只得一句聖誕快樂, 不如, 唔好寫! 結果, 我都係冇寄~~

我好似成日講, 但, 都要再講一次, 我好鍾意聖誕節架!! 好似好傻咁, 但係, 我係相信聖誕係會有驚喜架!

今年, 仲未同人講過聖誕快樂, 就o係呢度, 祝大家聖誕快樂啦!!!

2001年12月21日 02:44 (凍)

嘩, 原來真係好耐冇寫過喇.....

諗番起呢咁多日, 真係好似冇乜好特別的東西發生過... 近聖誕了~ 走在街上, 今年算是有氣氛, 今年的燈飾, 好似多過去年, 有一晚我走到海傍及尖東, 拍了幾張照, 哈, 最過癮, 係叫鬼佬幫我影相... 做番遊客轉頭!!

早幾晚, 做了一個我覺得幾準的心理測驗, 有邊個有興趣, 不妨問我拿去做一做丫....

2001年12月9日 03:59 (頭痛&眼痛)

剛回家.....

個頭好痛, 眼亦都好痛..... 其實, 今天整天也都是一樣, 睡了很久, 但, 幫助不大啊! 放工回家就蒙頭大睡, 晚上, 同一眾兄弟們落bar, 剛回來.....

在bar裏面, 總係唔覺飲左幾多, 飲飲o下, 就飄到七彩~~

其實, 呢幾晚都係約左人出黎, 因為o的fan都係知我生日, 出黎慶祝一下.... 其實, 真係好多謝佢地, 真心架... 同埋, 真係多謝阿jason同我搞掂晒約人的問題......

老喇, 廿三歲喇..... 唔可以再係咁, 經常對自己說:"大個仔喇...."

其實, 好miss以前細細個, 開開心心o既日子.....

2001年12月7日 03:24 (涼)

我的生日剛剛過去, 好開心, 收到好多好多人的祝賀, 不詳細的寫了..... 真的, 很多謝你們!

今年, 我送給自己的, 是一日假期, 很開心, 哈~~~

2001年12月1日 02:46 (喉朧痛)

前晚, 放工落街, 第一眼, 見到聖誕燈飾亮起了... 好開心, 感受到一點點的聖誕氣氛, 今年的x'mas唔知會點過呢? 我真係好鍾意聖誕節架! 個感覺好開心!

呢幾日, 其實真係好多野做, 都幾倦, 仲要好似有少少病添, 弊! 做咁多野, 好似係為左份糧咁, 等到今日, 終於有糧出了~~~ 但係, 又收到一個消息, 就係其中一個同事, 冇得撈! 其實, 老實講, 我覺得佢做到野, 同埋有sense架, 不過, 係對高層聲氣唔好囉~~ 咁就俾人炒左, 真係替佢不值....

12月好多大節日, 希望個個都過得開開心心啦!

2001年11月26日 01:52 (凍, 我覺得)

昨日, 返了city影相, 今日, 亦返了city影相..... 做part-time model..... 哈.

昨日, 黎city同我影相的, 先後係阿joe同阿珊... 佢地真係好俾面好俾面, 多謝!

今日, 過了"不濟的一天".... 感覺唔多好! 不詳細寫了, 大約係.... 大清早起身就係哎交, 冇乜心情, 仲要聽到o的消息, 搞到我個人唔知點咁.. 唉唉....... 不過, 朋友們對我真係好好呀, 打從心底覺得, 好多人好錫我, 真係感動架~~

今日, 黎city影相的, 係姨媽, 姑媽, 表姐(師姐), 祺哥, 爸, 媽, 哥. 好多人呀!! 都係老土的一句, 多謝!

講番早兩日, 我聽左一句說, 呢幾日, o個句話都在心裏面重覆又重覆... 我真係唔想自己再係咁喇, 要好好諗o下, 自己應該點!

2001年11月24日 03:17 (很涼, 乾燥)

今日返工, 整天都不想做任何事, 只在無聊的打發時間, 但其實有很多很多工作等著我去做, 但我仍然不顧一切, web surf 去也.....

後來, 竟然很久沒有check的polylink都check 埋, 居然發現, city 的alumni email account已經activated!!! 很開心, 雖然, 只得2MB的email quota, 但, 我很喜歡這個email.
edmond.tse@alumni.cityu.edu.hk
喜歡這mail, 是因為它是永遠屬於我的, 而且, 也清楚地說出我的"身世".... city 的 alumni.... 知道這email 後, 真係急不及待的告訴同學們.... 真係幾開心呀!

今晚, 同jason, 公安, hans出黎食飯, 食日本野, 仲係有一個火添!!! 哈, 好食... 仲要唔係貴.... 唔錯唔錯... 今晚, 幾個人講左好多好偉大的目標... 我會覺得, 唔同o既人, 追求著不同的目標, 只要目標明確, 努力去做, 總會成功的. 努力吧!!!!

2001年11月21日 02:06 (涼呀)

原來好多日冇寫喇... 寫番之前o的野先~~

上個星期四, 係畢業禮, 讀左三年大學, 真係等到畢業o既一日, o個日爸爸媽媽同我一齊返學, 我如果冇記錯, 係第一次, 哈! 個congregation, 我覺得有少少悶啦, 不過都幾唔錯丫... 起碼, 每個畢業生都有個機會上去行一行.... 我係session 5 的congregation, 係i.s.同account一齊的, 夾夾埋埋都唔少人架, 不過account就慘少少lu, 上台冇人拍手架... 我地i.s. 就唔同, 我地自己i.s. 的人係會拍番手俾自己人架, 有o的除左掌聲, 仲加送歡呼聲添~~ 好yeah!! 有o的人仲上到去玩野添, 例如阿jims就贏得全場掌聲喇!!

Congregation完左, 我同爸媽周圍影大o的相, 咁佢地食埋飯就走左喇.... 點知, 後來晒出黎o的相, 一睇... 嘩, 原來王家衛都係學我阿媽之嘛..... 由我媽媽操刀的十幾張相, 我真係睇唔明! 不過, 算啦, 開心咪得囉..

星期四o個日真係燃燒菲林呀.... 一日之內, 居然可以影到成六筒呀! 我相信係一個錄黎架喇... o個晚, 就係grad din喇... 話時話, 個grad din 食得太少野喇, 好似唔抵添, 不過, 好食囉. 我覺得, 大家都應該對grad din o既organizer講番句多謝囉...

o岩o岩呢個sunday, 約左成班今年的year 3 影相啦, 嘩, 點知, 原來佢地好認真咁, 係專登返黎影相架, 仲要買埋禮物添... 搞到我極之唔好意思呀. 其實, 我覺得黎影張相已經好好喇, 唔駛咁架. 不過, 真係好多謝你地.

講呢講, 今年收左好多估唔到o既禮物, 真o既, 好多都估唔到, 都係講o個句, 唔駛架, 黎影相已經好好架喇. 長氣咁講多一次, 多謝!

呢排, 返工真係幾忙, 同埋, 好似做極都有咁! 呢排, 完全體會到Life sucks呢句說話........

2001年11月15日 03:27 (凍)

明天早上就是畢業禮了, 今晚, 不想去睡....

今日, 看見 city 的畢業禮video, 每個人上台大約得十秒, 真係有少少"三年等十秒"咁.... 哈, 忽然好似好無謂咁! 其實, 都唔係o既, 可能越係珍貴, 越值得珍惜呢....

不過, 今晚真係諗番好多野, 諗番起以前jupas 揀科, a-level 放成績炒粉, jupas 改choice, 最初返學.... 到今日, 好似所有野都過得好快咁, 有少少似發左一場春秋大夢咁呀.... 三年喇, 呢三年裏面發生過好多事, 遇到過好多人, 點都好.... 呢三年俾左好多野我.

今日, 面子真係好大好大, 因為, 我叫左A Ho, 同埋Eva去city同我影相, 嘩, 真係好開心架.... 多謝呀!!!

明天是畢業禮了, 阿爸阿媽都會去, 同佢地影o下相先!!!

2001年11月14日 02:55 (少少凍)

今天, 運氣真差, 一返到公司, 就死呢樣, 死o個樣, 樣樣都唔係因為正常問題而死, 而係唔知點解..... 亂咁搞佢, 就會得番! 你話.... 咩世界丫~~ 真係好想打去o的software 的technical support鬧人!!! 因為呢排真係忙到傻.

其實, 最驚係我搞到佢lost data, 好大獲家嘛.... 個個record都係錢, 如果出事, 點算丫~ 好彩, 後來問題不太大!

近排, 我覺得, 我要開始培養少少興趣俾自己... 可能係看書, 可能係運動, 又可能係音樂... 好似o的父母幫個仔揀興趣班學咁!!

見到o的朋友行為有少少同平日唔同, 我預感到有事發生.. 我的預感, 又黎喇~~

今日, 我相信我俾人誤會左喇. 喂, 唔係你諗o既咁架!

Hugo 廿二歲快樂

2001年11月11日 02:51 (很涼)

頭先, 同阿七去左睇"被偷聽的人", 個idea唔錯, 但係, 做得太出, 如果唔好樣樣講到咁明, 會靚好多.... 兩個人, 戇居居咁, 去睇o下有咩戲上左, 就睇... 哈, 真係有趣! 多謝阿七碗什果涼粉呀....

返左工唔係太耐, 但係feel到自己好想放假... 點算, 一世人流流長, 點算?!?!??! 同埋, 返工之後, 個人好似好空虛咁, 放工會四圍行... 冇目的架, 真係四圍行... 仲有, 加上夜晚訓得唔好! 真架, 我真係訓得唔好! 講都冇人信, 阿蓆居然會訓得唔好..... 訓訓o下會醒囉~~ 講真, 我自己都有少少驚, 我未試過咁架, 好弊呀!!!!

呢排都唔知自己做乜咁~ 成日都會憑感覺去做野! 你都咪話唔驚....

明天會見到好多人返去影相架, 我諗係.... yeah~~~~

2001年11月6日 02:12 (清涼)

琴日, 星期日, 入左科大影相, 都影左唔少呀... 幾開心丫! 有o的人真係好耐好耐冇見架喇. 中學同學之中, 真係有好多係ust人.... 所以, 入ust影, 會有好多人! 其實, city得我一個, 都唔係好敢叫人地黎, 熟o個o的我會問o下o既~~~~ 我都唔想人地太過頻撲丫. 不過, 真係想搵o下king's入左city 的人黎影.... 個感覺我諗會幾奇妙, 因為, 真係數得出有幾多個!

今晚, 同阿珊食左個飯... 好耐好耐冇見佢lu, 嘩, 佢個頭highlight左喎, 又真係幾型呀...

一個好經典的假設性問題: 假如生命只餘下兩個月, 你會做o的乜?
一個幾好的答案: 我會好似平日咁, 一切照常!! (為何?) 如果你要做這做那, 那麼, 為何你平時不做?? 很喜歡 Hans 這一個答案......

2001年11月3日 02:24 (深秋了)

很久很久沒有寫日記了...... 要寫這天, 真係很多東西可以寫....

我剛過去的星期天, 回到city取畢業袍, 終於都真真正正feel到, 自己真係畢業喇! 真係令我諗番起好多好多野呀~~ 起碼, 我曾經好認真好認真咁諗過, 不如唔好讀啦.... 結果, 今日畢業喇~~ 真係唔識講...

星期四, 即係琴日, 我放左下午假... 去左剪頭髮... 嘩, 有少少難接受呢個頭, 不過, 改改look都唔錯丫~

呢排, 我都唔知自己做緊乜, 好弊!!!!

2001年10月26日 2:11 (涼)

差不多時候要去睡了!

今日, 是重陽節, 我去左拜山啦..... 我諗, 好多人都知, 家陣真係乜野都有得燒, 今日, 就唔知屋企人從哪兒弄來了一本"存摺"以及一本"回鄉証"......... 哈!!!

今日, 我去了看 "北京樂與路" , 很喜歡, 好有feel, 好浪漫... 那種的浪漫, 是年青人, 不顧一切地要理想, 要愛情, 要完美..... 同埋, 不離不棄, 咁去支持身邊人去追求心目中o既理想..... o係北京拍, 一片舊景觀前面, 一個搖滾樂手的故事, 好有feel!!

同埋, 今日, 入去睇戲時, 佢俾左一粒"墨西哥跳豆" (又名愛情魔豆).... 我一邊寫日記, 佢就一邊o係度跳!! 真架! 真係細細的一粒豆, 真係識跳, 好得意, 好有趣!!!

2001年10月22日 01:14 (涼)

一個星期的工作過去了, 而且放了一個星期日, 明天早上又要早起身去返工喇.....

這樣的一個星期, 我習慣了幾年的生理時鐘倒轉了, 夜晚早了上床去睡, 而且, 要早起身, 對好多人黎講, 已經好幸福, 能夠訓到八點幾.... 但係對我來話, 係一種挑戰黎架... 熟悉我的人, 都會知我一向都係冇十一點都唔會起身架啦!!!!!

可能因為生理時鐘倒轉了, 夜晚我訓得唔好, 訓一陣就會醒一醒, 轉身自己都知.......

結果, 星期六下午唔駛返工, 返到屋企就即刻飛身落床, 向周公報一報到先!!!

這個星期, 都集中在lan admin, 個windows network.... 唔算太難, 但係, windows 始終都唔係太stable!!

今日, 阿bera謝打黎問我去唔去grad din, 結果, 我決定去!!! 其實, 一班搞手都好辛苦架喇, 仲要吃力不討好, 辛苦你地喇.... o係呢度, 講番句thank you先!!!

2001年10月17日 02:20 (涼)

返左工兩日, 無驚無險, 係悶囉....... 我諗, o的工作我可以應付o既, 希望黎緊要做o既野, 唔太難啦!

不過, 話時話, 真係幾悶, 因為, 冇人講野架, 如果熟我o既, 都知我把口架啦, 係亂講亂講家嘛.... 家陣冇人講野, 咪悶囉....

o拿, 我諗, 都冇人會陪我食lunch 架喇.... 現招各方好友, 黎同我lunch, 有興趣者, 請在適當時候, 致電我手提!

唔詳寫住喇... 第日先慢慢講啦!

2001年10月15日 01:30 (涼)

明天要返工了, 終於要離開退休生活!

其實, 搵左咁耐工, 應該好想返工先係, 不過, 真係有少少茅盾, 因為, 有點不捨自由自在的生活... 每天訓到唔知幾多點, 訓醒又唔知去邊, 或者在家看看下午的電視劇, 又或者出街逛逛.... 好自由!

但係, 從另一個角度睇, 真係好悶o下架, 冇人陪, 同埋, 冇人理, 仲要冇錢駛.... 其實, 點都好啦, 都係時候返工架喇, 唔可以長期做寄生虫!

希望一切順利啦!!!

2001年10月12日 05:03 (涼)

剛沖完涼, 吹著風扇, 好涼, 好靜, 好舒服, 很久也未有過這感覺... 真係好舒服~

其實, 這幾天, 也過得很舒服... 可能就快要返工的緣故, 總結自己很多空間, 去逛, 去玩, 去閒聊....

近來, 我的預感準得有點不合理, 有點沒可能!! 連自己也不太相信~~

這時間, 仍有幾個朋友online, 做得很夜, 但仍要繼續, 努力啦! Hans, C, Pat.....

2001年10月11日 02:45 (陰, 但覺今日有點熱)

唔知點解, 這幾天, 總是很多好濕碎的東西要做, 要處理, 雖然唔可以話忙, 但總覺有少少唔得閒....

話說這陣子, 阿jason 成為了我的私人助理, 個個人想約我的, 都係through佢黎約我.... 問題係, 我呢幾日, 有開手提, 要搵我的, 一定可以搵到.... 甚至email or icq都得. 但係個個都係覺得要through 佢先搵到我, 唔知點解. 不如大家想搵我o既, 直接contact我丫!! 學jason話齋, 唔想好似hans同公安咁, 俾人地以為搞基! 各位, 我唔係架!!!!

今日, 見過一個好耐冇見的朋友, 真係成年冇見喇... 佢講左一句野, 我記得好清楚, "你家陣見我正正常常, 其實, 我都成日有好失落o既時候..." (exact wording係咪咁我唔太記得) 第一個感覺係... 呢個朋友, 唔係吹完水就走的人囉.. 真係一個可以傾野o既人, 家陣越來越少呢o的朋友喇. um.... 祝你順利升職架薪啦(雖然你未必見到呢page).

2001年10月9日 03:24 (少少清涼)

這幾天, 開始覺得有少少清涼, 但係, 我依舊係經常大汗淋漓!

昨晚, 中國打入2002世界杯決賽週.... 好野, 我覺得, even 到時會勁輸, 能夠入到都已經係一個好好o既開始!!

呢兩個week, 有少少interview, 做過written test.... 我最鍾意都係個written test喇, 唔識做, 勁冇心機做, 做到中間, 去左toilet... 但係又呃到個interview番黎! 在interview時, 終於見到o個份written test的作者, 真係想問佢: "你做乜打題目, 而唔係自己出o者???"

同埋, 有一份工的interview撞左時間, 我打去改時間, 佢話: "咁我遲少少搵你丫~~" 唉, 咪即係冇行啦... 我真係好想問: "駛唔駛咁呀你?!?!? 大家都係搵餐飯o者!!!!!!"

搵工就係咁... 感覺唔好! 好彩, 總算有個著落喇, 不過, 驚做唔黎囉!

聽緊阿芝See菇Bi Family的"苦榮小苦妹在台灣"... 諗番起o個次去台灣, 真係有少少想去行多次, o個次真係黐線架.... 行路多過乜!!

本來想買城大夜宴, 點知, 買唔到, 唉, 好想去, 但係冇法啦....

美國終於開火喇!

俾人話我似黃日華, 因為套西裝, 同埋個樣喎~~~~ 唔好咁講啦不如~

起linux, 又起, 又鏟, 又起, 又鏟.....

近呢排, 所有野都係這樣的"濕碎", 沒甚麼大件事, 沒甚麼大件得可以詳細咁講的事....

唉, 前面好多uncertainty, good luck!!!

2001年10月2日 (仍是假期日)

過了中秋, 以及國慶日, 但晚上有雨, 我相信令不少想以中秋為藉口玩玩火的人, 有點兒掃興.... 我今年沒有甚麼興趣玩燈籠或蠟燭, 畢竟都叫做大個仔喇.... 只是去看了一套笑片"絕世好BRA", 真係好好笑, 嘻嘻哈哈咁樣過中秋都OK啦!

今年, 只係食左八分一的月餅... 唔知點解, 近呢一兩年, 真不喜歡月餅這食物, 雖然我愛吃甜品. 那八分一的月餅也是因為不想中秋節甚麼應節食品都沒有食, 先至自己去拿少少來食!

十月了... 真係快...

2001年10月1日 05:00 (不太熱) - post on 2nd OCT

同hans, 公安遊車河回來不久, 幾個人傻下傻, 去左西灣河開"大食會", 食左好多街邊野, 之後仲要上左山頂, 好舒服...

近排, 我唔知自己想點, 好多事都俾自己任性下, 有時都覺自己過份架, 但係有樣野又係事實, 能夠俾自己咁樣o既日子唔多架喇, 點都好啦.... pick up 番o的目標, 再去過啦!!

近排, 留在家的間的確多, 亦多了不少機會去同屋企接觸, 真係發覺, 我同佢地o既世界好唔同, 有時真係會諗, 到底係佢地唔明白我, 定還是我唔去妥協呢?

中秋節又到喇, 由細到大, 都很喜歡這個節日, 因為每年這一天都會很開心, 近呢幾年, 已經同細個o既心態唔同左喇, 但仍然希望人人都一樣會開開心心啦!