2002年6月23日 03:23 (荒廢的另一天)

睡覺, 似乎是我一向不想花太多時間的項目, 但近來, 我愛上了這"活動". 尤其是假期, 好像今天, 就睡到下午才捨得起床.

醒來後, 給電腦打掃打掃, 感覺真好, 很久也沒見過它這樣的清潔了.

後來出街, 到戲院觀鳥 (鳥與夢飛行), 感覺很不錯! 整齣戲沒有甚麼高低起伏, 但, 廣闊的, 自由的感覺就放在銀幕上. 看罷沒有感到甚麼大自然偉大, 只覺得自己站在地球上, 的確渺小得很.

假期就這樣輕輕鬆鬆的完了, 沒有成就, 真有點內咎.

2002年6月22日 04:23 (荒廢的一天)

很久之前, 報考了一個公務員的考試, 太久之前的事了, 早已忘得一乾二淨. 但早幾天, 居然忽然記起此事, 從"垃圾堆"中找回那封"考試通知信", 信是找到, 知道真的有考試一事, 但幾天過去, 再一次忘記考試....

直到今天醒來時, 回覆voice mail時, 知道阿ben在趕去考試的途中, 才彷然大悟: 要考試!

在心理、生理都沒有準備的情況下趕去試場. 遲大到!

我相信, 我會fail... 問題不大, 我在乎的是, 浪費了一天假期, 去做一個這樣的考試.

在試場見到阿ben, james, 結果跟他們睇波去.

考試的感覺, 好像早已離我很遠, 今日再入試場, 再一次面對試卷, 多麼生硬. 離開學校才一年, 未算得上很習慣社會大學的"制度", 但正規學校的一切, 早已還給了老師們... 忽然想起一句歌詞: 終於終於不需要再管積分, 祇恐怕更多的考試未見.

2002年6月21日 02:52 (涼了一點點, 但仍是熱)

"物件本身, 就是一件物件."

很是多餘的一句, 但的的確確說出事實.... 一塊朱古力, 一本書, 一隻杯... 它們本身只是一件冷冰冰的物件, 但往往令人想起一些人, 一些事.

好在, 那些"驀然回首"過後, 總對自己的傻氣笑笑, 算是一點回報罷.

好耐冇見過阿pat, 今日見到, 個新髮形ok喎, 唔好話差啦!

2002年6月19日 01:33 (熱而且濕)

很久沒有寫日記了.... 因為太多太多事, 無論發生在自己身上, 抑或是發生在身邊人身上, 每樣都花盡心神, 花盡力氣... 真的很倦很倦!

忽然有一天, 回頭一看, 自己都被嚇一驚... 每件事都來得如此巧合, 好像所有事都好似"整定"! 想不到原因, 怎也想不到... 為何每件事, 每個人, 甚至每個人所做o既野, 唔通真係夾定o既? 仲有, 我都唔知點解, 5月初時, 我對老逗講的一番話, 全部中晒, 我都唔知點解當時自己可以咁肯定咁同佢講....

多謝阿陞幫左我咁多手, really thx!

我諗, 我講o既野, 太天馬行空, 完全唔知我講緊咩... 其實就是這樣的過著日子, 唔知發生甚麼事, 很亂, 沒次序... 但時針仍舊的運行著, 有點無奈!

最近, 久不久有人對我說我這一版"胡言亂語"好得意... 對我黎講, 這一版只是我生活點滴的紀錄, 讓將來自己看看, 邊笑邊說: "原來... 我就係咁架喇!

2002年6月10日 02:21 (雨停了)

不喜歡下雨天.... 雖然今天撐新的雨傘, 走在街上, 仍不是味兒.

後來, 一場悅目的足球賽, 把好心情喚回來....

日本對俄羅斯... 日本接連的攻勢, 加上主場, 那技高一籌的勝利, 有好大o既感染力. 今屆的日本隊同去屆相比, 真係有好大的進步... 希望今日的中國就像過去的日本! 希望下屆能給大家一個驚喜...

Good luck to me!

2002年6月9日 16:56 (下大雨)

昨天看中國對巴西(世界盃), 中國隊的確技遜一籌, 但面對巴西, 能夠做到有攻有守, 已經值得以"掌聲鼓勵".

昨天終於收到一個消息, 一個似乎是等了很久的消息, 但感覺並不好! 是因為, 那個消息, 或多或少替我作了很多決定, 而且我除了接受, 似乎沒別的可做...

成日講感覺, 但我相信, 有時人係要將自己交俾感覺o既~

2002年6月8日 04:30 (夏天可惡的天氣)

不知為何, 這兩天, 倦得要命, 經常收到周公的急call...

可能生理時鐘亂了.....

而且, 個人幾好火, 好易鬧人!

得了一個病, 叫"世界杯冷感症".

2002年6月7日 03:16 (還是熱)

讀了十九年書, 中幼稚園到大學, 對唔同o既老師都會有著唔同的感覺, 有讚, 有彈, 更有不少咒罵.... 怎也估不到, 居然有機會, 能夠倒轉位置, 執起教鞭, 一賞做老師的滋味.....

過去一個星期, 每天剛剛天亮(五點半), 就要爬起床, 因為要趕搭07:00的船上學去 (如果趕不著, 就大件事了), 對於我呢個"夜鬼", 五點半呢個起身時間, 真係難比登天....

我教的學校, 可以算是一間鄉村小學. 我對於這種學校, 可以講係一無所知.. 因為, 由細到大我都是在市區的學校讀書的, 今次係我第一次真正接觸這種學校. 第一天, 跟住其他老師們, 從碼頭穿過窄窄的街道(聽說那條叫"大街"), 見到一個個學生叫著唔同老師早晨, 有的更是踏著單車上學的... o個種close o既感覺, 的確好好! 走進校園, 那一座座平房式的班房及教員室, 真係眼前一亮... 好多樹, 的確好多樹! 後來知道我主要教高年級, 而那高年級的班房是要經過一條路, 走到山上較高的班房.

鐘聲一響, 上課了.. 走進課室, 甚麼也不知道, 之前只是聽了幾位老師說的幾句話, 大概是要教書, 有不清楚的地方可問學生.... 拿著那疊課本, 真不知從何說起, 那是第一堂, 那堂是中文課! 那一堂, 如果我是學生, 我都會話: "呢個阿sir好唔掂..." 之後, 我要求自己, 點都要prepare過先至行入課室, 入去時, 心裏面要知道: "呢堂要做乜做乜..."

我教中文, 數學, 常識, 仲有, 我是小六的班主任, 而且, 會帶一些興趣小組. 我自問中文奇差, 數學唔好, 冇乜常識, 仲有, 最妙的是..... 我負表的興趣小組是"書法"! 上左咁多日堂之後, 我覺得自己教得最好的是數學, 因為我覺得我俾到佢地數學o既野最多(相對其他科).

教書是辛苦的工作! 辛苦的不是捱更抵夜, 而是心力的付出. 在教員室改簿, 會有好多學生入黎, 對老師講不同的東西, 往往都是一些雞毛蒜皮的事: 可能是學生哎交, 或者是遺失了物件, 但就要走出教員室到外邊處理. 有時, 會聽到老師改簿時用膠紙.... 因為, 學生的簿爛了, 就幫他們修補. 仲有, 對不同學生的認識不單止是課室內, 而且對他們的背境, 性格也是非常瞭解....

現在的學生, 感覺上是壓力大了(多了很多考試及評估), 但是, 明顯學習能力低了... 點都好啦, 我諗, 這樣的教育制度, 這樣的社會環境... 冇辦法. 但高興的, 是見到家陣的學生同教師的距離近了.

每天, 來來回回的從教員室走到班房, 又從班房回到教員室改簿, 穿過樹林間的小路; 坐在教員室改簿, 改簿時總有一隻手在抓痕(很多很勁的蚊); 站在班房邊教書邊叫學生不要談話, 放學回家時總覺口朧乾痛....... 就這樣, 在鄉村小學過了一個星期, 的確難忘的一個星期.

2002年5月30日 01:29 (熱)

今日... 電話少有地冇電, 害得很多找我的人很不方便, sorry~ 以後唔會!

心情, 有少少緊張, 因為, 明天開始, "星光伴我行第二輯"..... 嘻, 真係要用做去試o下!

今日, 真係好倦! 可能太耐冇用個腦, 忽然間去abuse佢, 所以好倦... 還是去訓吧, 明天要很早起來啊!

2002年5月25日 15:11 (我覺得涼)

一個可惡的夜晚, 隨之而來, 竟是一個可惡的早上.....

昨晚, 睡不著, 只睡了兩小時! 不知為何, 不是覺得頭放得不夠舒服, 便是覺得對腳不夠位去伸! 總是周身唔自在... 我諗, 這算失眠....

早上晨早起來, 聽了一番非常難聽的說話.... 心中只有一句: "若有話要說乾脆說吧, 不要給我來這套...."

星期六下午, 反正沒事要做, 不如睡一覺... 尋夢去....

最近, 有一種好奇怪的想法... 可能因為睡得不好, 醒來總記得一丁點夢中的事. 發覺, 夢中的事與物, 明顯跟現實距離十萬九千里, 但為何發夢時, 偏偏對那一切深信不疑~ 仲有仲有... 發夢, 雖然係斷斷續續, 但, 故事明顯係可以連接的.... 所以, 好想將夢中世界o既地圖, 畫出來, 看看到底是怎麼一回事!

2002年5月24 04:50 (熱)

訓喇.....

呢句, 似乎由三點講到家陣....

每每都係因為唔滿意今日做過o既野, 令到夜夜不想去睡.....

很喜歡芝See菇Bi Family呢幾晚的節目安排: 走訪不同的家. 每一個訪問似乎都平凡到不得了, 但就偏偏講出左o個種平凡o既溫馨感覺. 同Leo老逗一樣, 我老逗都玩死唔少金魚架喇.... 小儀媽o係知道Poly收左阿小儀之後, 喊左出黎... 唔知我媽媽又為我流過幾多次淚呢?! 真係好想睇o下某o的時候, 爸媽的樣子係點.....

聽呢o的訪問, 真係諗番起好多細個o既野架. 我印象中, 有一次老逗買左一件玩具俾我, 我唔小心跌左, 執唔番, 佢帶我去買過呀. 我媽媽久唔久就話: 細個有一次, 佢背住我o係街度滑倒, 佢為左掩護我, 搞到隻手定雙腳瘀晒.. 雖然, 我細個到乜都唔知/唔記得, 但係我信架! 我好清楚記得我細個日日都要媽媽背著我, 我先至肯訓晏覺. 仲有, 最近期o既係, 我老逗做account家嘛, 我account永遠fail佢都知架, 佢冇話過我... 只係話: 可能你個性真係唔適合啦.....

佢地, 其實好錫我o既........

2002年5月19日 04:35 (下雨)

討厭下雨.....

下雨的日子, "不暢快"三個字可能已能道盡一切感覺!

遇上突然下起來的大雨, 想多留一陣子, 雨又停了.... 撐著雨傘在微雨中散步, 想吹吹風, 不是冇風令到滿身汗, 就是忽然狂風吹得傘也反.... 不暢快!

想到大澳郊遊一天, 但發覺, 屋企附邊的"鹹魚欄"比大澳還有特色, 感覺還要好... 起碼, 沒有咁多gimmick.... 不暢快!

晚上, 三個腦, 一起想一個簡單的問題... 結果一晚過去, 得不到一個滿意的結果, 只係許多無無聊聊的提議....... 亦是一個不暢快!

不如, 停雨吧!

2002年5月16日 04:38 (熱)

母親節... 我同哥哥請左一餐飯, 都ok好食啦.... 幾好幾好...

星期日, 同鷓鴣 & C To 出左黎, 冇咩特別, 傾o下計咁o者..... 但係, 忽然間諗起, 會唔會第日, 幾十歲時, 都會係咁呢... 星期日, 晚飯後, 冇咩野做, 出o下黎啦... 到時講o既係: 你個仔有冇問你拎錢去溝女呀? 你個老婆係咪餐餐都係o個樣送? 其實, 咁... 都幾好o既, 哈! 好彩, 大家家陣仲後生, 講埋晒o的無謂野o者....

同西牛一齊跑步, 感覺幾好喎, 起碼有人陪o下, 冇咁悶, 第日多o的一齊跑丫~

2002年5月12日 04:12 (母親節)

打完邊爐回家, 坐了一陣..... 做乜去打邊爐? 因為, 去年的5月11日, 係我地眾I.S.人最後一日返學的一天... 一週年嘛.... 出o下黎打番一次邊爐丫嘛~ 都幾好丫!

席間, 講到別人對我o既感覺, 其實, 我真係覺得, 我一直都唔多鍾意向人解釋自己野... 無錯, 我係成日把口唔停, 有幾可係講緊自己個心諗緊咩丫.... 咩都好啦, 人地點諗, 問題唔太大o既~

琴日, 對我黎講, 真係熱到極o既一日! 因為, 四個人(我, kelvin, maggie, rance)去左行山, 由萬宜東壩, 去浪茄, 經吹洞坳去西灣, 去鹹田灣, 最後去赤徑搭快艇... yeah, 搭快艇好開心架原來! 話咁快就去到黃石碼頭, 渣快艇o個個阿嬸好威, 我問佢: "你日日都係咁飛馳架??!?!?!?!" 佢淡淡然的回答: "係呀....." 呢位高速阿嬸, 一個字.... "勁!"

講開琴日, 真係有過好驚o既時候! 因為最初以為有充足水源啦... 人人都帶少少水去... 點知.... 後來發覺唔夠水, 仲要, 幾個人o係在山頂時唔夠水! 勁熱, 落完雨濕度高, 唔夠水, 真係幾大獲! 好彩, 後尾有士多o者.... 但係, 點都會記住o個o的廿蚊一樽的Bonaqua!

我o的皮膚好黑(or 好紅)呀... 但係, 好痛囉!

ps: o係鹹田灣個海灘上面, 見到海浪沖左一個電腦monitor 上黎, 我幾sure, 香港冇得賣架, 我諗, 係韓國飄過黎架! 個mon真係識撈, 知道香港呢排興韓國野, 就走過黎....

2002年5月6日 04:49 (熱得很)

這幾天, 有一種奇奇怪怪, 說不出的感覺..... 總覺有點事.... 若問我到底是甚麼事? 我答唔出....

媽媽給我的玉給我打爛了, 有人說是擋了劫, 希望是啦.

熱得很的天氣, 可能令人煩懆, 但係一個好似我咁o既人, 在這樣的天氣下, 就更懆..... 琴日搭970, 一架冷氣車, 居然可以坐到個個都話熱. 一氣之下, 我就打去客戶服務熱線.... 點知, 更嬲, 因為錄音話"非辦工時間", 要我錄音喎~

聽番林海峰的"天空小說".. 很喜歡那平凡生活中, 那不平凡的奇想...

琴日, 睇左"給我一口嫁" (The Bachelor), 令我笑得開懷. 喜歡那種捉你共鳴的笑料. 這齣戲, 男士們可以一看啊!

事實, 黎到面前, 總不是味兒!

琴晚, 在茶餐廳食左一個燒味飯, 幾好食.... 近排, 食左好多以前一直都唔太喜歡的食物, 點解會咁架呢可.... 自己問自己呢個問題, 但係, 答唔到喎! 係自己唔同左, 定係咩呢~

可能, 今日o既阿蓆真係有丁點變左啦!

2002年4月30日 04:05 (熱)

好想講番琴日, 同阿陞兩個人, 去左長洲行, 冇錯, 係長洲..... 做乜去長洲? 因為之前阿神propose過, 有少少想去行o下, 咪去左囉......

整日的旅程, 我會用一個字黎形容... nice! 睇左日落, 用紙網捉左好多魚仔, 點知.... 只係可以拎兩條返屋企! 20蚊, 兩條魚... 貴過買, 不過, 係enjoy個process!

阿陞問左我一個問題. 我的答案係: "要對呢個世界有faith囉...."

今日, 返city, 諗住簽名, 收錢..... 點知... 要返多去一次! 車錢都蝕埋.

今日, 去買左本書... 可能因為係academic書, 俾錢o個o下, 我用左city張咭黎俾錢. 係, 我係有少少專登o既. 如果有一日買衰野, 我唔會俾city card 囉 (註: 我冇買衰野架).

2002年4月27日 04:08 (涼)

今日..... 朝早食左隻死貓, 無端端俾人鬧, 真係慘...

晏晝, 終於收到等左好幾日o既野, 開心!

今晚, 成班中學同學出左黎, 約人方面有少少"呢o棄", 但係, 都幾開心丫....

知道新一年的year 3 又返完學喇.... 咁就一年! 快手搵野做!

呢幾排, 腦海真係有少少空盪盪o既感覺.... 唔知點咁, 有少少古怪咁~

2002年4月21日 (熱)

很多很多天沒update了.... 這個星期裏, 盡是古古怪怪的事!

星期二, 成套西裝, 諗住去interview, 點知, 去到係做test.... 仲要係test MS Office, 題目是甚麼不是問題, 問題是... 俾人扣分都唔知錯左乜! 我word 同power point 都係fail, 哈, 我真係笑左出黎!

收到rachael電話, 話幫手做些web interface.... 點知, 係賊船!

星期三接到資料, 原來星期五要finish! 去交貨, 有好多要做過! 原因係: this title should be animate... that word should be animated! 更有趣是...... 星期六mid-night是deadline!

我星期六約左BBQ家嘛..... 咪死趕爛趕.... 終於趕起! 立刻出門口去BBQ, 去到, 都係遲左好多. 唔緊要啦, 都係見o下o的fan o者~ 今晚個BBQ, 麻麻地好玩啦....

很倦... 明天, 仍要早起床! 早抖了........

2002年4月14日 (一點涼)

這幾天, 活動多多!

先是CityU I.S. F.Y.P. Exhibition.... 星期二那天返了去看, 很多很多舊生返左去, 有好多好耐冇見的人... 見到咁多人, 本應很開心才對, 相反, 回家時有一點點古怪的感覺! 真的不明所以......

昨天, 約了朋友食lunch, 很久沒見, 傾了一陣, 覺得大家都大個左唔少喇.......

今日喇..... 以King's Open Day 為名, gathering為實! 約左好多人返去king's, 返到去, 個個都冇乜點睇過那些年年一樣的board! 一齊食完lunch 後, 就打波喇.... 成班老骨頭打波, 比起以前, 好似有少少鈍手鈍腳咁~ 其實, 我真係覺得, king's 個open day, 係欠了一點idea. 可能, 真係太多constraint啦!

之後, 去左睇不一樣的爸爸.... 其實套戲, 我覺得一般啦. 演員演得太多"漏洞"... 不過, 的確係感人o既!

今日, 終於完成同大胃幽會的夢想.... yeah~~

呵~ 充實的一day!

2002年4月9日 04:22 (熱)

傍晚, 跑步, 跑到最後, 差點暈倒~

很多很多"理由"給自己: 天氣是潮濕了, 昨晚是睡眠不足, 很久沒有跑了..... 其實說到底, 未夠體能o者!

問我有甚麼原因去練跑? 那種向前跑的感覺很好. 仲有那種好勝的心態: 跑十個圈, 但我過你三次頭! 最重要的, 其實是同自己的"過唔去"! 每次跑之前, 都會要求自己跑幾遠, 明知對自己來說是太多.... 但係, 的確享受那種push自己完成目標的感覺.

今日, 算是跑畢全程, 但實在辛苦.... 朋友們, 有興趣的, 歡迎一齊跑呀!!!

ps: 今日去海防博物館, 見到坦克呀, 好興奮好開心呀!

2002年4月1日 03:52 (潮濕)

四月了. 只不過是四月, 似乎沒甚麼特別.... 其實標誌著時光流逝!

今日, 同阿陞, jason, vivien, hugo出黎... 可以算係一個巧合, 因為冇預先約好..... 去左打機, 又食左個飯.... 打機打得勁屎! 但, 唔緊要, 都好開心! 因為, 見到好多朋友仔丫嘛~

hugo 件褸.... 講真.... 好古怪!

呢排落雨, 唔鍾意... 好似成日都濕立立咁......