2002年12月27日 03:31 (雨 + 凍)

放了兩天假, 過得很好, 昨天睡了一整天, 今日, 出街行了行, 之後跟班舊同學食飯.

我經常把假期形容為re-charge的時間.... 近來假期多, 所以, 電量比較足, 哈!

27日是哥哥的生日, 生日快樂, 同埋希望佢事事順利.

2002年12月23日 02:25 (涼)

星期日的晚上.... 亦是冬至過後

星期六日, 一如以後, 留在家中, 睡至下午, 才懶懶的起床... 這兩天也沒有約人, 能夠悠悠閒閒的一個人到外邊走走... 回家吃飯去, 真好!

今天, 冬至, 回家吃晚飯似乎是必然, 但我提議飯後到工展會, 哈! 佢地一口應承... 一家人到工展走了一圈, 沒有甚麼驚喜... 但居然俾我講價講到25蚊4支洗潔精 + 一支起濃縮洗潔精! 勁! (好似一個師奶)

ps: 今天upload了一些相, 有些我也很喜歡.

2002年12月19日 17:35 (大霧)

在公司...

剛食了panadol, 對眼痛, 當然唔少得頭痛. 今日真係身、心都不適宜工作... 整天只係打了幾行code... 很不productive!

這麼頭痛, 很大機會是因為睡眠不足. 不知何時開始, 習慣了遲遲才去睡.... 到底那些唔去訓的人, 是為了甚麼遲遲都唔去睡呢?

好老實咁講一句, 訓得少, 很多野要suffer: 日間要抵受周公的叫喚, 頭痛, 嚴重的話要會病... 如果你問o個o的唔去訓的人, 那些人都會答你: 其實好倦架... 但當問到將唔訓覺的時間花在哪兒? 真係好難答.

之前, 同公安傾開這問題, 大概大家都認同, 自己是因為不滿自己在快要過去的一天所做、所得的不夠, 便嘗試從睡覺的時間拿一點出來...

很倦... 頭很痛... 今晚真要早些睡! (有哪天不是這樣說........)

2002年12月17日 02:28 (涼)

天氣回暖了一點點....

不知為何, 近來很多新希望.... 可能太貪心, 但都想一一實現... 學野啦, 參加呢樣, 參加o個樣. 如果做得晒, 一定會好好... 但, 我知唔係咁容易.

香港經濟差, 人人都知... 不用多說, 人們消費意慾低, 更是人人皆知... 但, 我發覺自己 越來越大駛! 藉口推動香港經濟, 但損害自己的荷包, 不妙不妙! 還是節儉一點吧!

阿陞生日過左... 都好啦, 都係生日快樂啦!

聖誕了, 我最喜歡的節日, 希望今年過得開心啦!

2002年12月11日 01:42 (冷)

很久很久沒有update了... 十天以上!

過去的十天, 多姿多采....

我過了廿四歲的生日, 是的... 廿四歲了... 唔細喇.... 真係好多謝我咁多好朋友o既祝賀, 好似好冇禮貌, 收到別人的email / ecard / sms... 都沒有回覆 =P 在此, 先說句多謝啦, 之後, 我會搵番你地架喇. 每年生日, 都會有唔同的感受, 今年.... 我覺得自己o既朋友, 幾多都係平時見面機會不多, 但對我真係好有心o既... 呢一樣野, 真係開心.

剛過去的星期日, 我去了玩war game... 算是第一次玩, 很凍, 毛毛雨, 穿不夠衫, 但仍覺好玩, 可能因為男仔天生喜歡這玩意吧!

作病了, 還是早點去睡.....

今個星期, 好像過得特別快, 不只我一個有這種感覺, 很多人也這樣說. 的確很怕日子就這樣子的過下去, 很怕每個星期、每日.... 做同樣的東西、 煩同樣的煩惱、為同樣的東西而快樂; 日子就走在一個圓圈上, 重覆再重覆!

所以, 我想 keep 住自己有新的東西, 否則大件事啊~

越來越覺自己好似爸爸, 尤其o係思想上, 唔通佢真係遺傳左咁多俾我?

2002年11月25日 01:56 (涼)

今天, 星期天, 我去了跑步...

上次update 日記已是上個星期日了...

好像很多事都要留到星期日才做: 跑步, update 日記, even 睡覺也是....

不能夠這樣啊!

2002年11月18日 03:04 (涼了不少)

跟今屆的畢業生影相, 頓覺這樣一年過得很快....

這樣的影相約會, 由主角變成了花瓶... 就在不知不覺間, 自己真的變了, 尤其跟畢業生大談現況, 聽聽他們對工作、對前途的看法. 算是走過了人生必經階段嗎? 也許很多東西也不是所謂的「必經」, 但當事過境遷, 往往回頭一看, 也會慶幸自己曾走過這樣的路....

不得不提昨天晚上, 慣常地用電腦, 可愛的「死鷓鴣」提議來一個online chat, 哈.... 感覺好正, 鷓鴣是那鷓鴣, 七是那七, 陳盈光是那陳盈光.... 這是老朋友的感覺吧!

雖然, 星期六睡了一整天, 但這樣的消耗, 很快會用盡, 還是去睡一覺好的, 我來了, 可愛的周公!

2002年11月6日 02:34 (病了)

可能是天氣轉涼了, 加上這幾天真的太倦, 終於病了...

昨天晚上, 從台北回來, 三天的 trip 結束! 怎樣? ok 啦, 時間太短, 自己的時間不多 (一早估到)...

去到台灣, 大概是到處走走、看看... 當然會吃吃那邊很多款式的小吃啦~ 哈, 去過阿明在台北的"家"! 點估都估唔到, 上到去佢o既家, 會係生日會, 食蛋糕, 哈... 也行過24hr 營業的惠康 (在那邊叫"頂好"). 麻辣火鍋真係辣到我傻... 仲俾thomas 影到我辣到咳o個個樣~ 去左台灣公司, o個邊個MD又幾靚女架喎..... o個邊o的同事, 相比起香港呢班, 香港呢班真係o靚仔到飛起. 難怪台灣o既MD都話, 真係好年青, 呵~

各位, 真不好意思, 今次, 沒有買東西! 去時, 一個背囊加一個"速遞袋", 回來時, 也是一樣大少的兩個袋, 只在機場買了罐茶葉俾老豆.

2002年11月5日 04:26 (阿陞在刷牙中)

身在台北兄弟大飯店, 等候toilet刷牙的同時, 寫兩句.....

今天很早很早在機場集合, 直至去到台北, 整天也沒有多大旅行的心情. 或者一來為公司而來, 二來這個多星典也是工作、工作、工作......

直至去到淡水, 看日落, 行夜市.... 才覺得真的到了台灣!

往後兩天, 沒多大的期望. 只希望能ok 咁啦~

是時候去睡了.

2002年10月28日 02:28 (涼)

早幾日, 看了"Cube", 不錯電影.... 想起一班人在面對困難時的reaction. 這部電影, 有些對白太"出"... 如果收埋那些, 會更好~

星期四晚, 留在公司, 從窗望出去, 好高.... 諗番起那次火警演習, 哈.... 45層樓行到地下, 原來要十幾二十分鐘! 諗番起都笑了一笑 =)

今晚, 吃完飯... 一個人走到"上環大笪地"走走... 說是個刺激市民消費的地方, 但我去到, 只花了十三元正在些零食上, 沒買甚麼... 因為看不到想買的東西, 感覺上, 有點像年宵....

矇矓的記憶中, 小時候好像去過以前的"大笪地", 吃過那些的螺.....

看過了幾天後那trip的schedule, 很是失望, 基本上, 沒甚麼自己時間, 真灰~

2002年10月21日 23:35 (涼)

早幾晚, 一個巧合, 跟hans傾了很久....

所談的, 也離不開前途問題. 不知為何, 總覺前途總是不明朗的. 或者是大家想得太多, 又或者加上在這樣的社會環境.... 或者說到最終, 也是不樂觀...

跟他一樣, 也是programmer, 在這一行, 感覺不好! 為何, 不多提了!

這類傾談, 大多數沒有結論, 那一次也不例外... 只結我一個感覺: 大家都老了! 可能應該用另一種說法... 長大了.. 就在這一年多的時間內....

真的很希望每一個人都能夠找到適合自己的路!

記得以前聽蔡元雲講, 是要找到一處的工作, 自己能夠講一句: "I belong to here!"

2002年10月18日 02:34 (是晚不工作)

不工作是因為太倦了! 哈~

今天, 收到杜中的icq msg, 說有一位 king's old boy 成為了十大傑青... 那一刻的感覺, 是很親切的... 並非因為別人得甚麼獎而對我有任何影響, 而是咁多 alumni 之間o既那 connection. 記得中學時不只一次, 走在街上, 碰到舊生, 也能談上幾句... 那親切, 可能就是這種關係吧! 好似好耐好耐沒回去了, 也想今年的 speech day 回去走一趟.

講開中學, 近來, 好似跟 frank 斷了聯絡.... 就連阿伯母都through icq, 問我他去了哪兒.... 的確有點奇怪!

2002年10月17日 03:50 (熱)

今天, 有得著喇.....

如果發覺it's not my cup of tea, 就要諗諗是否值得再那事上兜兜轉轉, 如果不值得, 不如早點release些resource 出o黎, 等著我做的事多得很呢.....

想講, 若果你不尊重別人, 其實同時係不尊重自己架o者!

又想講, 玩 uno, 俾別人"draw", 沒問題! 抵輸就係抵輸.... 如果唔係, 做乜要玩呀?!?! 係咪? (我真係唔同左!)

2002年10月16日 03:06 (像是很焗)

可能有很多人以為我已荒廢了這個網頁... 不會吧!

昨天, 知道jason 回來了, 出去跟他吃了一餐飯, 聽聽他的奇遇, 行了一陣, 這樣的一天假期, 很不錯....

這幾天假期, 真的可以休息一下, 可能之前實在太辛苦! 這樣一下子有三天的假期, 雖然不是完全離開工作, 但能夠悠閒地出出街, 睡到自己醒, 真是人生一大樂事! 不得得提提, 星期六晚, 阿珊請我看了一場實驗戲劇, 我覺得好好睇呀, 真係多謝~

仲有仲有.... 終於可以去台灣喇... 正!

2002年10月9日 03:25 (清涼)

早兩天, 阿姨帶了表妹上來家, 哈, bb女, 真係得意.... 見到bb仔成日笑, 人都開心一點!

工作仍然佔了生活的百分之九十, 很倦, 想去旅行行開一下, 但, 似乎很難成行啊!!

今天, 收到jason 的postcard, 有點羨慕他可以悠悠閒閒的到外邊走走....

哎o也, 原來公司一直都有扣我人工, 但冇幫我供"強積金", 真係衰!!!

去睡了, 很倦很倦!

2002年10月2日 (眼睛很痛)

很久沒有在這裏寫東西了, 原因: 太倦, 冇時間, 冇記性, 冇心機....

說忙... 似乎都忙了很久很久, 跟之前比較, 這幾天算是有一點機會透透氣, 起碼可以有空到街上走走.

國慶日, 同哥哥去了看戲, 哈... 一碌蔗... 如果給我揀, 我相信我不會揀這齣, 但, 是哥哥叫我去看的, 破例看一次啦... 其實, 有幾年沒跟他一起看電影了.... 印象中, 四五年也有...

這幾天, 有點失落, 沒有原因, 可能久不久會這樣的吧....

register.com 那個domain redirect 真差勁, 考慮會轉公司! 所以, 用ahmat.com 的人, 真要等等, 大家可以暫時用 http://home.netvigator.com/~edmondtsekm/ 來看我的hp. 真抱歉!